من شهور بسيطة كان ليا حظ انى اقابل مدرس المانى درس لى من اكتر من25 سنة
و اتكلمنا فى حال المانيا
قال لى مشكلة المانيا ان فعلاً فيها موضوع الفرق الطبقى دى كبيرة جداً
المانيا فيها عدد كبير من الاتراك و ناس من شرق اوروبا
لدرجة انه هو نفسه خايف ان الالمان ينقرضوا
الاتراك بيرفضوا يندمجوا فى المجتمع الالمانى
و دول شرق اوروبا مسببين لهم مشاكل كتير بسبب ان كتير جداً من الاطفال بيعبروا الحدود و بيقوموا بالسرقة بشكل منظم
و للاسف القانون الالمانى لا يقر مبداء حبس الاطفال
و كل اللى يقدروا يعملوه انهم يرجعوا الاطفال دى بلادهم تانى و بعدين ترجع ريما لعادتها القديمة و يرجعوا المانيا للسرقة مرة تانية
و حسب كلامه ان مفيش اى امان فى المانيا
كان مرتاح فى مصر اكتر رغم كل اللى بيسمعه من الاعلام عن مشاكلنا الامنية
الظاهر محدش مرتاح فى اى مكان