كلنا خالد سعيد‏ نفس الأسلوب الفاشل إللي بيتبعوه مع الكل. شاهد في قضية خالد سعيد يؤكد: مكالمات من مجهول وصلتني بتهددني وبتقول لي متروحش النيابة تشهد في قضية خالد ... آه يا أجبن خلق الله!

كلنا خالد سعيد‏ أنا شاب مصري عادي .. مش عايز ثورة ولا قلب نظام حكم .. أنا عايز حقي .. عايز أحس إن البلد دي بلدي .. مش عايز ضابط يشوفني في الشارع في وقفة صامتة يشتم والدتي اللي ربتني أحسن تربية وميحصلوش أي حاجة .. مش عايز أشوف فاسد بينهب فلوس البلد ويقبضوا على اللي بيبلغ عنه .. مش عايز اللي شايفه دلوقتي يشوفه إبني الصغير .. أنا مش هاس...كت تاني .. حتى لو قلتوا علي عميل وأجنبي .. العميل اللي بيعذب ويهين كرامة الناس .. والأجنبي اللي بيبيع ضميره عشان مصلحته الشخصية .. أنا مصري!

كلنا خالد سعيد‬‏ ‫من جروب أنا إسمي خالد: من شيماء علي: امتحان الطب الشرعي في طب عين شمس النهاردة كان عن خالد سعيد انبسطت إن اللي حط الامتحان احترم عقولنا، وجاب لنا حالة من الواقع عايشينها، وطلب مننا واجبنا كأطباء ناحيتها، والفرق بين نتائج الفحص الخارجي لجثة واحد مقتول بإسفكسيا الخنق، وواحد مضروب حتى الموت حسيت إنه بيخاطب عقولنا وبيقو...لنا لما تكبروا وتبقوا أطباء احترموا مهنتكم .. ربنا يستر على اللي حط الامتحان ده!

---

انا اسمى خالد محمد سعيد‏ الكاتب الساخر جلال عامر بأسلوبه الرائع اتناول قضية خالد اكتر من 4 مرات لحد دلوقتى عموده تخاريف اللى بيكتبه ف المصرى اليوم
__

الأخطبوط

بقلم جلال عامر ١٢/ ٧/ ٢٠١٠

الفرق بين المال الخاص والمال العام فى مصر أن المال الخاص يوضع فى الخزائن والمال العام يوضع فى الجيوب وأى شخص فيها يذهب إلى سوق الخميس يتحول فى البرلمان من لواء يرتدى «الكاب» ويركب الجيب إلى فلاح يرتدى «العمة» ويركب الحمار وقيل لجحا: «عد موج البحر» فقال: «يبقى ناويين تفرضوا عليه ضرائب» وقد علمونى فى بحرى ألا أصدق أى أخطبوط يقابلنى وقالوا لى: (لو أن الأخطبوط الألمانى شاطر اتركه ليختار بين الدعم النقدى «الرشوة» والدعم العينى «المرسيدس»).

وعجائب الدنيا سبعة والمستحيلات ثلاثة يبقوا عشرة وحارس المرمى هو الأخطبوط «بول» الذى كلما وضعوا أمامه علم مصر وملاية السرير اختار الملاية بحجة أن مصر ليس فيها «كرة» لكن فيها سرير.. وأكبر أخطبوط فى مصر هو «الطوارئ» الذى كلما قطعنا له رأساً تظهر له ثلاثة رؤوس ويقال إن شخصاً قال لصديقه: «الدنيا حر جداً» ثم لاحظ وجود اتنين مخبرين خلفه فاستدرك قائلاً: «صحيح الدنيا كلها حر لكن إلا مصر».. فماذا فعل الأخطبوط فينا؟.

تقدم أحد المخبرين لخطبة «لواحظ» بنت «الباتعة الكيكى» فلم تسأله «الباتعة»: (فين أهلك؟) لكنها سألته: (فين زميلك؟) وطلبت منه أن يذهب ويحضر زميله لكن «التيحى» فكر لحظة وسأل العريس: (على كده عندك شقة تموتها فيها؟) وقالت «الباتعة»: (طبعاً بنتنا ما تموتش فى مدخل عمارة لازم لها شقة مخصوص فى التالت وتترمى فى المنور زى أخوها) فرد «التيحى»: (إحنا مالناش دعوة.. هوه حر فى مراته يا باتعة افرضى هوه عايز يخنقها) فسألهم المأذون: (هيه جوازة ولا جنازة؟!) فقال له المخبر: (مالكش دعوة يا مولانا إنت عليك بس تسأل العروسة نفسها فى إيه؟) ومال «التيحى» على المخبر وسأله: (هوه زميلك اتأخر ليه؟) وقالت «الباتعة»: (أصله ممكن يزعل لو سمع إنك موتها لوحدك).. وبينما كان المأذون يدون المقدم والمؤخر ومصاريف الجنازة راح المعازيم يرقصون ويغنون للعروسة: «الدور الدور موعودة ياللى عليكى الدور».


>>>>>>>>>>>>>>>>>
يا ترى الدور على مين فينا بقه
الله يرحمك يا خالد الله يرحمك