يا غرامشي و يا بخش القلب
مين قلّك تسلك هالدرب
لما بدّك تعلن حرب
فيها بتنسبّ و بتسب
وْ بتضرب و بتاكل ضرب
نار بتخمد نار تهب
و مرة بتهجم مرة تطب
و مرة بتعلق بلساني


بتجرب توقف حدّي
و مفكر حالك قدّي
خليتك واقف مدّة
و ما عاملتك بالشدّة
لْأني بطبعي انساني

طبعي انساني و حنون
و قلبي بيوسع كل الكون
وْ بلحظة بصفّي مجنون
بكسّر روس ببّكي عيون
وْ بشرب دمّو للملعون
الْـ بيسترجي يتحداني

و أمّا طارق راح قلّو
مع شعري ما بيطلعلو
و الكُبْرة ما بتلبقلو
الكبير كبير بعقلو
و عقلي تعّبني بْتقلو
و عقلو خفّ الدبّاني

دباني و معها دبور
و برغوتين و في صرصور
و دودة و الكلب المسعور
و نملة و نحلة عمبتدور
و ديك و نعجة جرباني