اقتباس:طارق - حضرتي- ضم سمرا حلوة كانت بالسهرا
ثم باس أبو إبراهيم بوسةً شنعاء، ومنها اشتعلت شرارة الحاقدين والشامتين والغيرانيين.

والمايك معكم.

رأى - حضرتنا - الصورة التي ذكرها طارق فوق (وكان بها يضم البنت ويبوس الشاب) ، فقام بالتعليق التالي عليها:

محاولة "تفسيرية" "بردة زجل":


حتى نحكي شو اللي كانْ
بِهالقعدِه العمراني

منّي إلكُن يا إخوانْ
هالتفسير العلماني

---------------

طارق شبّ وقلبو هبْ
وْقعّدنا جَنْبو سَمرا

وِقْبالو "بشر" المِنحبْ
والدكتور بهالسكره ...

ودار الكاس وسِكْر الربْ
وطارق مع طعم الخمره

ضَمْ البنتْ وباس الشبْ
وهيك الفهْم "الحوراني"

رح نرجع للبدايات
بأسلوب نضيف وهادي

أصل القصة يا حضرات
بلشت برّات النادي

أصل القصة تبويسات
وكان القداح البادي

قدح البوسة، وخود هات
وعلقت أشعار تنادي

إستنكار، وتطليعات
وغيرة وتشبيح زيادة

والبوسات الأخويات
أمرا معروف وعادي

بس الخمرة يا خيـّـات
بتدوِّخ زلم بلادي

نقلو القصة الستايلايتات
وبثوها بجو النادي

فاتو وعرفو التفصيلات
الأعضا الرايح والغادي

والمنباس لسّه ما فات
بيستاهل ألف زيادة

برأيي: البايس والمنباس
الواحد أحلى من التانـــــــــــي ... :D

;)

حلفت برب القوافي
غرق هالنادي أشعار

و كاسي شربتو عالصافي
و راح خلي هالليل نهار

دينا تهدّي و لا تخافي
راح ولعها الليلة نار

يا وردة حب و صافي
و خلي الـ بدّو يغار يغار


تهدي تاخلّي الطوفان
يغرق هالعاملّي زير

بيوزع حب و حنان
مفكر حالو شي أمير

شعروا مكسور الأوزان
مكسور مكسّر تكسير

تحداني هيدا السكران
و مش عارف في قبلو كتير

ركعوا قدامي فرسان
و ما عندي كبير و لا صغير

ببحور الشعر الحيتان
بتعرفني و بتخاف كتير

و وحوش الغابة كمان
و لما بدّي طير … بطير


و قولوا لـ"غرامشي" الانسان
يسلملي … عالعلماني

(f)

يا طرفة وعليت كثير
وهالقصة صار بدها حل

الكاس اللي شربتو عصير
بينرد بهالليلة خل

وطوفانك لو جاط صغير
ما يبن فيه ولا يضل

لا نقطة ولا بحر كبير
تروي واحد كيف تبل

وخيك طارق بدر كبير
لما يوقف شمس تهل

وفرسان اللـ ركعوا بكير
هولي من خيالات وظل

لو عرفوا مين الأمير
ما ركعوا من الخوف الكل

وحيتان الخافوك كثير
بصيحة ما تلاقي اللي دل

بصوتي العالي صوت الزير
برعبهم ليصيروا طل

مثل النحل اللـ بالقفير
برجعهم صوبك بالذل

صوتك اللـ سمعتوا فقير
لا تعربش ع حيطاني

(f)

طرفة يا العامل رجال
ومتل السبع البغابي

برجليك بترعد أوصال
متل الـ شايف إرهابي

بشعرك جندي صال وجال
متل الحربة بدبابي

لكن أشعارك أبطال
بينتقتلوا عالسبابي

ما رح أعمل قيل وقال
شفقة لدمي اللي حاني

غرامشي فايق عبكرا
و معبّي النادي غبرا
رشوا مية تا نقرا
يا جيبوا واحد تاني

بيهددني و يتوعد
و بس قرب منو بيبعد
بتمو بيزبد و بيرعد
و متحامي بالحوراني

و طارق بيتلفت حولو
خايف يوقع من طولو
و العالم صاروا يقولوا
واحد أجبن من التاني

نعجة و كلب و ديك و فار
و نملة و دبور و صرصار
و دودة و برغوتين كبار
و في نحلة و في دباني

(f)

يالعامل حالك مختار
وعم بتدحرج روس كبار
بزندي وبصوتي الجبار
رح بتروح خليفاني

يا طرفة اللي فيي احتك
خليتو ع راسو شك
ع خوفو للباسو فك
وفرّغها للملياني

يالراسم لوحة فخار
بكلب ونعجة وديك وفار
بكسّرها بخلّي الشحتار
ياكلها ع العمياني

تحت المطر بعز الصيب
لما اشتعل براسك شيب
قطعّتك نص بلا ريب
ونص حرقتو بنيراني

(f)

قبل ما نرجع لخيي الزغير، ونكسر راسو بهالليل
يسمحلي إلياس رفيق، إنشر ردي اللي كان وكان موجه لشعارو


يا شباب اللي احتدوا
وقلبوا عالي بواطيها

لا تحتدوا وانهدّوا
هيدي القصة وما فيها

----

المنقعد سمرا حدو
بينسى الدنيا ومافيها

ولما الكاسات انعدّوا
طارق قرّب حديها

ضم السمرا اللي بدو
كان يبوس بخديها

ولما الشفاف امتدوا
ارتدوا البوسات الفيها

وهيدا الحلو مين قدو
وجناتو طلعت فيها

متل البدو وما بدو
الهيئة الفرحة مخبيها

[CENTER]انا وصلت يا شباب
وبدي رحب بالاحباب
جيت وما دقيت الباب



عجبتني المباريات
نزلت وبلشت الأهات
رديتولي الذكريات



الزجل اللبناني بحبو
وما في حدا من قدو
وللي بيتحدا بهدو



زجلكن كلو حنان
محبة بروح الإنسان
بيحمل نكهة عنفوان
نساني ارضي لبنان


واعذروني يا خلان



***

[CENTER]اعتذر منكم اردت اصلاح هذا البيت لانه سينسجم اكثر مع الواقع الذي نعيشه في لبنان


زجلكن كلو حنان
محبة بروح الإنسان
بيحمل نكهة وعنفوان
نساني [U]القهر بلبنان



مع تحيات الأميرة

***