الله اكبر ولله الحمد

لم اكن احلم بأننى سأشاهد هذه الصحوة وعودة الروح وهى بداية لابد ان نحظى بشرفها ما استطعنا.

اكرر الشكر ليلى واتوجه بالشكر لبسام ولبلو دياموند.

كنت بسمع دايماً ان لو المصررين فاقوا تانى الكل هيفوق و يقف على رجليه مرة تانية
و كنت بزعل جداً على حالنا اللى وصلنا له كلنا سواء من ضعف داخلى او الفرقة بين العرب
المرة دى بجد حسيت ان المصرى زى ما قالوا عنه زمان و ياما سمعنا تاريخ اجدادنا فعلا شعب قوى جداً و وقت الشدة بيقف وقفة قوية
كتير كنت بسمع ان مشكلة الحاكم الظالم فى مصر انه بينسى تاريخها بسرعة غريبة
المصرى ممكن يقلب كل شىء رأساً على عقب فى اوقات غير متوقعة
لما الظلم يفوق الاحتمال
و يسعدنى اننا نكون سبب فى ان باقى العرب كمان ينتفضوا على الظلم زينا
ايه بس اللى رجعنا كلنا لورا بالشكل دا
العرب فيهم خير كتير
عايزين بس يبنوا الثقة فى نفسهم من تانى و يتحدوا

بلو دايمند ان شاء الله هجرب البرنامج و يا رب افلح
عندى فكره صغيرة لو قدرت انفذها يسعدنى انى انشرها هنا ان شاء الله
هى خاصة بالوقفة يوم 9/7

الكريم على عزت اشكرك للمرة التانية على ذوقك

(07-03-2010, 10:14 PM)-ليلى- كتب:  المرة دى بجد حسيت ان المصرى زى ما قالوا عنه زمان و ياما سمعنا تاريخ اجدادنا فعلا شعب قوى جداً و وقت الشدة بيقف وقفة قوية
كتير كنت بسمع ان مشكلة الحاكم الظالم فى مصر انه بينسى تاريخها بسرعة غريبة
المصرى ممكن يقلب كل شىء رأساً على عقب فى اوقات غير متوقعة
لما الظلم يفوق الاحتمال

ممكن نأخذ فكرة بأمثلة تاريخية ؟

يا هلا يا هلا
قطقط انا اخر واحده تسألها فى اى امثلة باى تفاصيل او اى تواريخ
ما بعرفش افتكر اى تواريخ او اسامى بس اقدر افتكر احداث او شىء اسمعه و يأثر فيا
بس كل ثورات الشعب المصرى على مدار تاريخه كانت فى لحظات بيظن فيها الحاكم انه خلاص
شعب فاقد الاهليه لكل شىء حتى انه لا يقوى على انه يقول لاء
افتكر مدرسة التاريخ فراو إنعام كانت لما تحكيلنا التاريخ تحكيه كقصة شيقة جداً
و كانت دايماً تقول لنا المصرى لما بيقرر يتحرر بيتحرر و بيعمل اعمال بطوليه
بتتحد فيه كل الفئات
رجال نساء اطفال
الكل بيبقا كتله واحده ضد الظلم
انا شخصيا حاسة الموضوع دا دلوقتى
من كل الاحداث اللى بتحصل فى مصر
حاسة انه بين يوم و ليلة هنصحا نلاقى الشعب كله ثار
مش هيبقا فى اى مقدمات للثورة

(07-03-2010, 10:26 PM)-ليلى- كتب:  بس كل ثورات الشعب المصرى على مدار تاريخه كانت فى لحظات بيظن فيها الحاكم انه خلاص
شعب فاقد الاهليه لكل شىء حتى انه لا يقوى على انه يقول لاء
افتكر مدرسة التاريخ فراو إنعام كانت لما تحكيلنا التاريخ تحكيه كقصة شيقة جداً
و كانت دايماً تقول لنا المصرى لما بيقرر يتحرر بيتحرر و بيعمل اعمال بطوليه
بتتحد فيه كل الفئات
رجال نساء اطفال
الكل بيبقا كتله واحده ضد الظلم

عاوزين نعرف شوية قصص زى كده لأن ذاكرتى ضعيفة شوية

عاوزين نعرف شوية قصص زى كده لأن ذاكرتى ضعيفة شوية












دونشواي وليس دون كيشوت

(07-03-2010, 10:51 PM)قطقط كتب:  عاوزين نعرف شوية قصص زى كده لأن ذاكرتى ضعيفة شوية

تعرف يا قطقط انا نفسى فى ايه؟
نفسى تقرا كلامى كله مش جزء منه بس
افتكر من الثورات اللى اثرت فيا احداثها هى ايام الاستعمار
اعمل بحث بسيط فى الجوجل و اقرا تاريخ نهاية اى استعمار جيه على مصر
هيبقا بالتأكيد افضل من كلامى لأنه هيبقا بتواريخ موثقة و احداث كاملة
انا كنت بجيب اوحش الدرجات فى التاريخ لأنى ما بعرفش احفظ
لكن كنت بطلع من حصة التاريخ بمواقف و مبادىء بتترسخ فيا
اكتب مثلا تاريخ مصر و هتلاقى قصص و بطولات كتيرة جداً
مصر طول عمرها كانت مطمع للغزاه
ربنا يستر على كلمة الغزاه دى

---

(07-03-2010, 10:55 PM)بسام الخوري كتب:  عاوزين نعرف شوية قصص زى كده لأن ذاكرتى ضعيفة شوية












دونشواي وليس دون كيشوت

كنت هول برضو دنشواى بعدين قلت خاليه يدور بنفسه ههههههههههههههههه

على حد علمى إن الثورات دى كانت ضد الأوربيين فقط لأنهم غير مسلمين

طيب انا دورت لك على ثورات غير الثورات على الاستعمار الخارجى
مع ان مافرقتش دلوقتى
الاستعمار اللى احنا فيه العن و اذل

شوف اللينك دا عن ثورة 19 يوليو
http://www.egyptianoasis.net/forums/foru...y.php?f=71

ملحوظة: انا ما قريتش اى شىء فيه غير العنواين
فما تعتبرنيش موافقة او رافضة اى شىء فيه

---

قطقط شوف ابيات الشعر دى لبنت عندها 16 سنة
دا اللى اقصده بالثورة
هتيجى من غير مقدمات و هتيجى بسبب الظلم و المنع من التعبير عن حتى الاحتجاج


مشيرة بنت عمرها ١٦ سنة منعها أهلها من حضور الوقفة الصامتة فقررت تدافع عن قضية الوطن بشعرها.

لم اكن افقه فى السياسه شيئا
ولم اكن عمرى ناقدا لو معارضا
كنت كغيرى ورثت الاستسلام من ابى
والرضا بأوامر الكبار

حتى صار دربه هو دربى
لم أكن أجرأ على الاعتراض على حال البلاد
لعلمى أننا العبيد وهم وحدهم الأسياد
لكن بعد موت خالد سعيد
بدأت انا فى التمرد والعناد

سأتكلم……….
ولن يمنعنى احد من الكلام

سأعترض…….
وسأكتب كلام يقشعر له الابدان

سأهاجم……
حتى لا أصبح من اليوم جبان

سأثور…….
ولن اكف حتى اقابل الرحمن

سأتمرد……..
ولن اسلك درب ابى من الان

سأصرخ…….
لعل صوتى يسمعه العالم
لقول بعد خالد من القادم

انا….؟.. انت…؟
ولما لا يكون الظالم..؟
وسأذهب الوقفه الصامته يوم الجمعه
لأن صمتنا غضب
صمتنا حداد
صمتنا قوه



لو لاحظت هتلاقى ان حتى مفردتنا كلنا بقيت كلها ثورية مش بس البنت دى
و دا دليل كبير ان فى ثورة هتحصل

(07-03-2010, 11:03 PM)قطقط كتب:  على حد علمى إن الثورات دى كانت ضد الأوربيين فقط لأنهم غير مسلمين

اعتقد انك تبحث عن اي ثورات ضد الحكام خلال الفترة من فتح او غزو مصر
على يد عمرو بن العاص وحتى الحملة الفرنسية
فيما اظن انه لم يوجد سوي ثورة الاقباط في عصر المأمون