كلنا خالد سعيد
طفل اتهم بسرقة باكو شاي اخدوه القسم والمأمور والمعاونين ضربوه ضرب مبرح اسبب في اصابته اصابات بالغة وسابوه بين الحياة والموت .. أمه المسكينة اخدت ابنها عشان يموت بين ايديها .. النيابة اتهمت طبيب المستشفى اللي كان بيحاول يعالج الطفل بعد تعذيبه .. وفي النهاية مات الطفل والجريمة متحاسبش عليها اي حد .. سمعة مصر مش موجودة ط...ول ما أرواحنا تمنها رخيص .. فيه فيديو تاني قبل ما الطفل يزهق أنفاسه الأخيرة بس والله من بشاعته مرضيتش أحطه ليكم تشوفوه


صورة من اليوم السابع
Plz Like Like Like: دول المجرمين اللي نفذوا جريمة قتل خالد بضربه لحد ما مات .. لكن لازم نفهم إن دول بينفذوا أوامر أسيادهم واللي منهم الضابط أحمد عثمان .. اللي قتل خالد هو ضابط معدوم الضمير ونظام كامل من التزوير والغش والخداع والارهاب .. نظام ماسكه بعض عناصر الشرطة غير المحترمة الفاسدة .. بيقتل القتيل ويهدد أهله وأسرته باستخدام كل الوسائل غير الأخلاقية ويستخدم الإعلام المشبوه في تلويث سمعته



Plz Like Like Like: روايات أمنية للجيب .. يصدقها الأطفال تحت سن ٥ سنوات .. أو متصفحي الجرائد القومية .. أو المسؤولين من نوع المسؤول اللي أخد مليون دولار رشوة مرسيدس والحكومة ضغطت على أمريكا عشان ميقولوش اسمه ... الصورة على اليمين لقاتل خالد المجرم عوض سليمان وعلى اليسار لخالد سعيد شهيد التعذيب



حملة التوعية عن التعذيب على تويتر. الخميس 22 يوليو 2010 الساعة 6:30 مساء
"كلنا خالد سعيد" في الإعلام

http://elshaheeed.org/?p=509

يوم الخميس اللي جاي (22 يوليو 2010) ، نشطاء الانترنت عاملين حملة توعية على تويتر لتعريف الملايين بقضية خالد سعيد والتعذيب في مصر. الحملة حتعمل تريند (trend) للتاج #KhaledSaid يوم الخميس الساعة 6:30 مساء بتوقيت القاهرة بالظبط.

تعمل تريند لكلمة على تويتر يعني ان الكلمة يزيد عدد الناس اللي بيتكلموا عنها زيادة كبيرة جدا في وقت قليل جدا. في الحالة دي تويتر بيحط الكلمة على الصفحة الرئيسية بتاعته وكل مستخدمي تويتر واللي عددهم عشرات الملايين بيشوفوها وبيقدروا يعملوا كليك عليها ويشوفوا إيه اللي بيتقال عنها. (الموقع ده بيقيس حالة التريند في تويتر وتقدر تعمل بحث فيه على أي كلمه وتشوف حالتها http://www.trendistic.com).

لو عندك حساب على تويتر وعايز تشارك في الحملة، اعمل الآتي: (ولو ماعندكش أو ماتعرفش تستخدم تويتر ازاي، شوف الدليل ده بالصور وده بالفيديو الأول وبعدين تعالى تاني للصفحة دي):

1. انضم للجروب دي. (دوس على Tweet to Join على اليمين فوق). الجروب ده قائمة بالناس اللي مشاركة ووتقدر تعمل فولو لكل الناس في الجروب لو عايز أو ترجع للصفحة بتاعتها عشان تعرف الأخبار في أي وقت).

2. احنا عاملين ملف اكسل عشان نجمع فيه التويتات بتاعتنا قبل معاد الحملة بحيث المشاركين يقدرو يعملو نسخ ولزق بسرعة ساعة الحملة. اكتب التويتات اللي انت عايزها عشان الناس تستخدمها وخلي اللينك بتاعها معاك عشان ترجعلها قبل الحملة.

ولما تكتب تويتات عامة حاول تحط لينك دايما لموقع http://elshaheeed.org للعربي وموقعhttp://elshaheeed.co.uk للانجليزي. وممكن تحط لينكات لأخبار وتقارير عن التعذيب والفساد في مصر ودعم الغرب ليهم عشان الناس اللي بره تعرف انها بتمول ده من فلوس الضرايب بتاعتها وانها مسئولة عن ده. (وطبعا حط التاج #KhaledSaid).

3. من دلوقتي لمعاد الحملة ارسل لكل أصحابك والفولورز بتوعك على تويتر وعلى الليستات أو القوائم اللي فيها مصريين وكمان الناس اللي على فيسبوك وكده وادعوهم للحملة. ممكن ترسلهم العنوان بتاعنا هنا عشان يقرو التعليمات دي برده.

4. ماتعملشي تويت عن الموضوع (يعني ماتعملشي تويتات فيها التاج #KhaledSaid باستثناء طبعا الدعاية للحملة) قبل الساعة 6:30 مساء بتوقيت القاهرة بالظبط. وساعة ما الساعة تيجي 6:30 مساء ابدأ اعمل تويتات بسرعة على قد ماتقدر بالعربي والانجليزي يكون فيها التاج #KhaledSaid عشان نقدر نعمل التريند. مهم جدا انك تبدأ في المعاد بالظبط وإلا التريند مش حيحصل. واكتب التويتات اللي تحبها.

5. بلاش تستخدم أي تاج غير #KhaledSaid عشان لو في أكتر من تاج في التويت الوحدة مش حيعدد أي واحدة فيهم ومش حيعمل تريند. اكتب اسم “خالد سعيد” عادي من غير تاج بالعربي أو الإنجليزي.

لو عندك أي تساؤلات أو اقتراحات، ابعت ل @justicentric أو @ElShaheeed أو اكتب تعليق تحت.

ملحوظة: احنا عملنا تريند قبل كده.


كلنا خالد سعيد
كل الشكر للمذيعة المحترمة بثينة كامل اللي استجابت لنداءنا وراحت زارت محمد صلاح وساعدته هو ووالدته .. الناس دي غلابة جدا ومحمد محتاجنا كلنا وهاقول لكم على كل التفاصيل النهاردة

كلنا خالد سعيد
عاجل للإعلام ووكالات الأنباء: تم التعرض بالضرب والاعتداء على تامر السيد عبدالمنعم صاحب المرحوم خالد سعيد من قبل ٢ من الشهود الزور بتحريض من الضابط أحمد عثمان .. السبب إن تامر قال إنه يعرف ناس شافت أحمد عثمان في مكان الجريمة مباشرة بعد مقتل خالد .. تامر اتقدم بشكوى رسمية للمحامي العام ومرفق معاه تقرير المستشفى الميري اللي دخله تامر لمدة يوم وأثبت إصابته في عينه ورجله وكمان تم سرقة محفظته وبطاقته الشخصية



صورة خالد الله يرحمه في تقرير عن تأثير الفيس بوك كأداة ضغط إعلامية في موقع البي بي سي العالمي (مش العربي!) ... محدش يستهين بمجهوده ولا بقوة تأثيره .. اللي بيطالب بحقه قوي .. ولو كلنا اتحدنا وكنا ايد واحدة مفيش أي ظالم هيقدر يقف قصادنا. التقرير في البي بي سي عن الفيس بوك والصورة في الفقرة التالتة http://bit.ly/95UlZA
.


كلنا خالد سعيد استطلاع الرأي والخاص بالصفحة الانجليزية شارك فيه أكتر من ألف واحد والنتيجة هي ان ٧٨٪ مؤيدين و١٨٪ معارضين .. الصفحة الانجليزي هتستمر وهنفضح فيها كل ظالم .. لأن حكومتنا مش بتخاف من الرأي العام المصري .. هما بيخافوا من سمعتهم عند أمريكا والغرب لأننا بالنسبة ليهم ناس مالهمش حقوق ولا حتى يقدروا يعترضوا أو يعبروا عن رأيهم ..... انشروا الصفحة واشتركوا فيها: http://www.facebook.com/elshaheeed.co.uk

---

[/size]اعتصام عميد شرطة سابق داخل مستشفي الشرطة بالعجوزة احتجاجا علي منع ابنته من العلاج[size=large]
July 20, 2010



اعتصم اليوم محمود قطري، ضابط الشرطة السابق داخل مستشفى الشرطة بالعجوزة احتجاجا علي منع ابنته من تلقي العلاج بالمستشفي، وعلي الرغم من قيام مدير المستشفى بتهديده بإحضار قوة من قسم العجوزة لإجباره علي الخروج المستشفى إلا انه أصر علي الاعتصام مع ابنته .
جاء هذا التعنت الواضح من إدارة المستشفي بسبب إصدار عميد الشرطة السابق محمود قطرى – بعد خروجه على المعاش المبكر – لكتاب بعنوان ” اعترافات ضابط شرطة فى مدينة الذئاب “ و الذى تحدث فيه عن التلفيق الذى يحدث داخل أقسام الشرطة و أيضاً ما يحدث من تعذيب للمواطنين و أن ما يحدث يعد أمراً منهجياً و ليس كما تدعى وزارة الداخلية بأنها حالات فردية تحدث من قلة من ضباط الشرطة .
وكان قطري قد توجه صباح اليوم إلي مستشفى الشرطة بالعجوزة و بعد توقيع الكشف الطبى على ابنته فوجىء بإدارة المستشفى تطلب منه الذهاب إلي نائب مدير المستشفى والذي أبلغه بأن المستشفى ليست لديها الامكانيات لعلاج ابنته البالغة من العمر أربعة عشر عاماً و التى تعانى من سمنه مفرطة قد تؤدى إلى إصابتها بمرض السكرى نتيجة وزنها الزائد وحينما طلب والد الفتاة من نائب مدير مستشفى الشرطة تحويل ابنته إلى الجهة المختصة لعلاجها – وذلك كما يتم هذا كإجراء مع بعض المرضى – إلا أنه رفض عمل هذا الإجراء مع الصغيرة، فقام محمود القطرى بالاعتصام احتجاجا على تعنت إدارة المستشفى فى شأن علاج ابنته.





والدة خالد كانت فى البلكونة و صورة خالد فى ايديها وقت المظاهرة
ربنا يصبرها و يقويها و يربط على قلبها كما ربط على قلب ام موسى

[/size]اعتصام عميد شرطة سابق داخل مستشفي الشرطة بالعجوزة احتجاجا علي منع ابنته من العلاج[size=large]
July 20, 2010



اعتصم اليوم محمود قطري، ضابط الشرطة السابق داخل مستشفى الشرطة بالعجوزة احتجاجا علي منع ابنته من تلقي العلاج بالمستشفي، وعلي الرغم من قيام مدير المستشفى بتهديده بإحضار قوة من قسم العجوزة لإجباره علي الخروج المستشفى إلا انه أصر علي الاعتصام مع ابنته .
جاء هذا التعنت الواضح من إدارة المستشفي بسبب إصدار عميد الشرطة السابق محمود قطرى – بعد خروجه على المعاش المبكر – لكتاب بعنوان ” اعترافات ضابط شرطة فى مدينة الذئاب “ و الذى تحدث فيه عن التلفيق الذى يحدث داخل أقسام الشرطة و أيضاً ما يحدث من تعذيب للمواطنين و أن ما يحدث يعد أمراً منهجياً و ليس كما تدعى وزارة الداخلية بأنها حالات فردية تحدث من قلة من ضباط الشرطة .
وكان قطري قد توجه صباح اليوم إلي مستشفى الشرطة بالعجوزة و بعد توقيع الكشف الطبى على ابنته فوجىء بإدارة المستشفى تطلب منه الذهاب إلي نائب مدير المستشفى والذي أبلغه بأن المستشفى ليست لديها الامكانيات لعلاج ابنته البالغة من العمر أربعة عشر عاماً و التى تعانى من سمنه مفرطة قد تؤدى إلى إصابتها بمرض السكرى نتيجة وزنها الزائد وحينما طلب والد الفتاة من نائب مدير مستشفى الشرطة تحويل ابنته إلى الجهة المختصة لعلاجها – وذلك كما يتم هذا كإجراء مع بعض المرضى – إلا أنه رفض عمل هذا الإجراء مع الصغيرة، فقام محمود القطرى بالاعتصام احتجاجا على تعنت إدارة المستشفى فى شأن علاج ابنته.





والدة خالد كانت فى البلكونة و صورة خالد فى ايديها وقت المظاهرة
ربنا يصبرها و يقويها و يربط على قلبها كما ربط على قلب ام موسى

وقفة احتجاجية أمام منزل خالد سعيد للتنديد بالطوارئ وبالتعذيب داخل أقسام الشرطة








.......................................................................

كلنا خالد سعيد
: يا شباب فيه فايروس عند ناس كتير .. وانتم بتخشوا على لينكات وتضيفوا تطبيقات فيس بوك هدفها نشر الفايروس لاصحابكم .. متصدقوش الكلام ده .. البرامج دي مش بتقول لك مين اللي بيخش على بروفايلك لأن الفيس بوك مفيهوش اصلا الخاصية دي وهي ضد الخصوصية .. يا ريت كل اللي اضاف البرنامج ده يحذفه .. ولو عايز تعرف هو عندك أو لأ .. خش على الوول عندك وهتلاقيك عمال تضيف رسائل عند ناس كتير وفي جروبات كتير بتقول نفس الرسالة




كلنا خالد سعيد
حتى لو البلد كلها فساد مينفعش الفساد يوصل للشرطة أو القضاء .. ضابط فاسد يعني مواطن بيتقتل أو بيتعذب عشان يعترف بجريمة معملهاش .. أو حرامي بيتعامل بأبشع طريقة فيخرج ناقم على المجتمع ومستعد بدل ما يسرق يقتل .. أو مصالح بتتقضى لأن فلان باشا .. الضابط الفاسد يكرّه الشعب في حكومة بلده ويسيء لسمعتها .. الضباط الفاسدين حتى ول...و كانوا أقلية يجب استئصالهم ومحاربتهم مش الدفاع عنه وتبرير أخطاؤه .. اتحركوا يا ضباط مصر الشرفاء!




نداء لكل مصري جريء بيحب مصر
.....................................................
حمله توعيه شامله لكل مصر مش كفايه الوقفات ومش كفايه وسائل الاعلان عالنت ودي افكار جديده
1-انشاء محطه اذاعيه عالنت ودي سهله جدا..
.2-عمل غرف صوتيه عالبالتوك تناقش قضيه خالد سعيد
...3-اي حد يعرف اي صحفي يكلمه ينشر حاجه عن القضيه
4-كل ما تشوف حد من صحابك تمسك ودانه وتعرفه القضيه وتفهمه ان بسلبيته بيشارك في قتل اخواته
5-الي
يعرف اي امام في جامع او قس في كنيسه يعرفه بالقضيه ويعرفه ان الساكت عن
الحق شيطان اخرس ومن واجبه كداعيه انه يوعي الناس ويعرفهم حقوقهم ايه‬


شاهد فى قضية خالد سعيد يتهم قسم "سيدى جابر" بالاعتداء عليه



كتب أحمد مصطفى ورامى نوار وهناء أبو العز

اتهم أحد الشهود فى قضية خالد سعيد -قتيل الإسكندرية-ويدعى تامر السيد عبد المنعم مصطفى أربعة أشخاص منهم شاهدان آخران فى نفس القضية شهدوا لصالح الشرطة بالاعتداء عليه بالضرب بتحريض من أحد ضباط الشرطة بقسم شرطة سيدى جابر، وذلك فى منطقة كليوباترا بالإسكندرية فى تمام الساعة الواحدة صباح يوم أمس الثلاثاء.

ومن جهته ندد مركز النديم فى بيان له بضرب الشاهد قائلا: إن تامر السيد عبد المنعم أصيب عدة إصابات فى العين والرجل أدت لعدم قدرته على الحركة، بالإضافة إلى قيام المعتدين بسرقة حافظة نقوده وبها إثبات شخصيته.

وقد أرسل تامر الذى تعرض للضرب صباح أمس الثلاثاء، تلغرافا إلى المحامى العام بنيابة استئناف إسكندرية بعد الواقعة مباشرة يطلب إغاثته من قسم سيدى جابر وكذلك حمايته قانونا بعد الاعتداء عليه.

كما تقدم ببلاغ إلى المحامى العام لنيابات الإسكندرية بالواقعة ضد أحد الضباط بقسم شرطة سيدى جابر والمتهمين بضربه وهم "ش" و"ى.أ"و" أ.أ"، كما توجه بعدها إلى المستشفى الميرى بالإسكندرية.

ويشير التقرير المبدئى للمستشفى الذى أصدرته المستشفى عن حالة الشاهد إلى وجود اشتباه ما بعد الارتجاج وتم حجزه بالطوارئ بمستشفى الميرى منذ الساعة 2 ظهرا حتى صباح اليوم الأربعاء، حيث كتب له خروج فى الواحدة صباحا بعد عمل أشعة مقطعية وعادية والكشف على عينيه، وجارى متابعة علاجه وقد تحرر المحضر رقم 59 أحوال مستشفى الميرى ولم يتم سماع أقواله حتى الآن ومحتمل سماع أقواله غدا الخميس بنيابة شرق حول الواقعة.

عن قصة الثورة والتى جعلتنا فى مواجهة العالم
http://copts-united.com/article.php?I=511&A=20571

كلنا خالد سعيد
Plz Share: نداء للنائب العام وجمعيات حقوق الإنسان والإعلام: المباحث بتبعت مخبرين النهاردة لتامر السيد الشاهد صاحب خالد سعيد بعد ما اتكلم في التلفزيون عن اللي حصل له يوم التلات بالليل .. اترفع عليه مطاوي وانضرب واتسرقت محفظته وحذروه إنه يقول إن أحمد عثمان ومحمد ثابت كان موجود في الجريمة .. النهاردة تاني من كام ساعة نزل... مخبرين من المباحث بيسألوا عليه عند البيت بتاعه وبيطالب بحمايته من المجرمين دول





مصرع لص حقائب علي يد مخبرين شرطة بالعجوزة

آخر تحديث: الاربعاء 21 يوليو 2010

http://www.shorouknews.com/ContentData.aspx?ID=270242
ممدوح حسن -
اطبع الصفحة لقي لص حقائب سيدات مصرعه، اليوم الأربعاء، إثر سقوطه في يد 3 مخبرين شرطة بمنطقة العجوزة، حيث انهالوا عليه ضربا لمدة أكثر من نصف ساعة حتى لفظ أنفاسه الأخيرة بين أيديهم. تم نقل الجثة إلى مشرحة زينهم، وأخطرت النيابة للتحقيق.

تلقى القاضي هشام الدرندلي، المحامي العام لنيابات شمال الجيزة، إخطارا بالعثور علي جثة شاب في العقد الثالث من العمر ومصاب بعدة كدمات وجروح شديدة ونزيف في أماكن متفرقة. انتقل إلى مكان الواقعة عبد الرحمن حزين، مدير نيابة حوادث شمال الجيزة، وتبين من تحقيقات النيابة أن المجني عليه محمد عبد الحميد، 30سنة، من محافظة كفر الشيخ ومصاب بعدد 6 طعنات وكدمات متفرقة بالجسم، وأن وراء الاعتداء عليه 3 مخبرين أثناء محاولته الهرب بحقيبة إحدى السيدات التي اختطفها من يديها بمنطقة العجوزة، فأمسك به المخبرون وبعض المواطنين وانهالوا عليه ضربا حتى لفظ أنفاسه الأخيرة بين أيديهم .

أمرت النيابة بتشريح الجثة وسرعة تحريات المباحث حول الواقعة، ومن جانب آخر أكد مصدر أمني أن المتهم لقي مصرعه علي يد بعض المواطنين أثناء محاولة القبض عليه، ورفض مسئولية أجهزة الأمن عن الواقعة، وأن أفراد الشرطة حضروا إلى الواقعة بعد مقتل المجني عليه.



خالد سعيد ينهى أسطورة مرتضى منصور

http://starmisr.blogspot.com/2010/07/blo..._4131.html

معركة مرتضى منصور محكوما فيها بالخسارة هذه المرة
هل أصابت لعنة خالد سعيد مرتضى منصور
يبدو أن خالد سعيد شهيد الإسكندرية سيواصل هوايته في التى بدأها بعد قتله والمتمثلة في إنهاء أساطير ونجوم سطعت في سماء مصر ونالت شهرتها على أرض مصر وأصبح أصحابها نجوم معروفة بالإسم والشكل ربما أكثر من نجوم السينما
خالد سعيد الذي وضع كل مقدمي برامج التوك شو المصري في قفص الإتهام والإدانة فيما عدا قليل و قام بعملية فرز شاملة للجرائد التى كان يظنها البعض مستقلة وجرائد أخري تعامل معها الناس لفترة بإعتبارها وقورة مازال يمارس هوايته التى ربما يذهب ضحيتها هذه المرة المحامي المصري الأشهر مرتضى منصور
مرتضي منصور ليس مجرد محامي فوق العادة لكنه وصل إلى أوج مجده وسلطانه بعد النصر الكاسح الذي حققه على أحمد شوبير وأجبره على البقاء في منزله يستجدي القيام بمداخلة تليفونية في برنامج فلا يجاب إلى ذلك
مرتضي منصور تردد منذ أيام خبر مفاده أنه سيقوم بالدفاع عن المخبرين المتهمين في قضية خالد سعيد و قد استنكر ناشطوا خالد سعيد الخبر واستبعدوا قيام مرتضي منصور بذلك لكن مساء الثلاثاء أعلنت منى الشاذلي في برنامجها العاشرة مساء أن لديها جديد في قضية خالد سعيد وكان هذا الجديد هو اتصال تليفوني متعذر بسبب ضعف الإرسال مع مرتضي منصور ليجيب عن السؤال : هل سيترافع عن المخبرين أم لا
مرتضي لم يجب على السؤال صراحة ربما بسبب حالة الخط التليفوني لكنه تحدث عن أن بعض أقارب المخبرين من البحيرة حملوا له أوراق القضية وأنه لم يقطع فيها بعد وعند سؤاله عن أتعابه التى لا يقدر المخبرين على دفعها أجاب بأنه كثيرا ما يقبل قضايا مجانا
في لحظة واحدة تحولت صفحة خالد سعيد إلى جيش جرار يهاجم مرتضي منصور خاصة عندما تحدث البعض عن أن مرتضي منصور ظهر اليوم في حلقة برنامج بلدنا بالمصري وتحدث عن أن شقيق خالد سعيد ترك الإسلام وأنه بسبب ذلك تسانده أمريكا في قضية شقيقه خالد سعيد
حتى اللحظة لم أعثر على الفيديو المسجل للحلقة لكن الخبر كان كافيا لشن حملة على مرتضى منصور بدأت بتوجه ليبرالي بحت عندما تحدث جمهور صفحة خالد سعيد عن الأمر بأن مسألة الدين لا تعنيهم فهم يتعاملون مع خالد سعيد كأنسان بصرف النظر عن دينه أو دين أخوه أو الجنسية ثم بعد ذلك تطور الأمر إلى هجوم كاسح على مرتضى منصور الذي خسر في لحظات كثيرا من شعبيته وأصبح مرشحا لخسارة المزيد لو تأكد خبر قبوله الترافع عن المخبرين
مرتضى منصور مقبل على معركة ليس مؤهلا لها فشباب الفيسبوك الذين أصبحوا يظهرون على أرض الواقع وليس على الشبكة العنكبوتية فقط لا ينتظرون أحكام قضاء وثغرات قانون وجلسات وتأكيدات ، محكمتهم سريعة الحكم وحكمها سريع التنفيذ وتأثيرهم أصبح واسعا جدا وهم يضعون خالد سعيد كخط أحمر من اقترب منه أصبح هدفا مباحا ولا تفلح معهم المكائد القديمة حول الدين والجنس والجنسية فهم حطموا تلك التابوهات ولا تهمهم في شئ لذل فإن مرتضى لن يجنى شيئا سوى الخسارة من حديثه عن خالد سعيد بهذه الطريقة إذا كان قد حدث ، أما معركته ضد شوبير وضد مشاهير آخرين فقد خاضها في ساحة القضاء وهي ملعبه الأصلي لكن ساحة النت مختلفة كل الإختلاف وهو نفسه تحدث عنها من قبل عندما وصف الأمر قائلا ان دولة الإنترنت لها وزراء وقد لا تستطيع أن تأخذ حقك في أرض الواقع ولكنك يمكن أن تأخذ حقك على النت بشئ من المثابرة وكان قد جرب ذلك في حربه ضد شوبير
معركة مرتضى منصور هذه المرة ليست سهلة ونتيجتها محسومة مقدما فكل من اقترب من خالد سعيد أصابته لعنته ، جريدة الجمهورية ، مصداقية الأهرام، نجوم البرامج الحوارية ..الجميع ممن اقتربوا من قضية خالد سعيد بصورة غير مقبولة حققوا خسائر لم يدر بخلدهم أنهم قد يتعرضوا لها والآن يبدو أن مرتضى سيكون واحدا آخر ممن تصيبهم لعنة خالد سعيد

:::::::::::::::::::::::::::::::::::::::::::::::::::::::::


Jul.22, 2010 "كلنا خالد سعيد" في الإعلام
من المهم جدا قبل النزول للوقفة تدخل على صفحة كلنا خالد سعيد على الفيس بوك عشان لو فيه أي تغييرات في الخطة. محدش ينزل يا ريت الا لما يبص بصة ولو سريعة بعد صلاة الجمعة على الصفحة.


س: ليه بنعمل الوقفة دي وإيه فايدتها؟
من ساعة ما بدأت قضية خالد وفيه دعاة للتشاؤم بيقولوا إن مفيش فايدة وإحنا في فترة قصيرة أثبتنا إن ممكن شوية كابلات إنترنت وشباب مصري واعي يغيروا مسار قضية. القضية تحولت لرأي عام بسبب شباب الفيس بوك اللي عملوا مواقع وصفحات وجروبات وفندوا أدلة الشرطة وفضحوا كذب بيان الداخلية. الضغط الإعلامي عامل بيؤثر بشكل رهيب على أي مسؤول فاسد لأنه مهما كان جبروته اللي بيرتكب جريمة حتى لو مش هيتحاسب عليها بيبقى مرعوب من عيون الناس.

أهم فوائد الوقفة الصامتة هي:

‫-‬ بنحس ببعض وبنحس إننا كتير ومتحدين .. شعور إنك شايف ناس كتير أوي مش شايف أولهم من آخرهم لابسين زيك وبيفكروا زيك من غير ما تعرفهم ولا عمرك شفتهم في حياتك شعور غريب. شعور بيخليك تعرف إن الإيجابية شيء جميل.

‫-‬ الوقفة بتوصل رسالة غريبة .. الحكومة متعودة على شباب بيطلع في المظاهرات ويشتمهم بس عمرهم ما شافوا شباب شكله حزين وغاضب وطالع قاعد على الكورنيش .. الصمت ده عامل ليهم رعب لأنهم عارفين إن الشباب دي اللي قادرة تمسك أعصابها رغم الضغوط ده شباب قادر يعمل أي حاجة. ويكفي الدليل على كده هو حضور مديري الأمن واللواءات والعمداء في كل المحافظات للوقفات ومتابعتها شخصيا!

‫-‬ الوقفة وصلت صوتنا إعلاميا وعالميا أكبر الجرائد العالمية كتبت عننا بانبهار لأنهم مش مصدقين إن ممكن يكون فيه كده في مصر. والناس بتشوف نوع جديد من الاعتراض .. نوع غريب وثقافة جديدة علينا كجيل بترسخ إننا مش هنسكت عن حقنا تاني.

س: ميعاد الوقفة امتى وهتكون فين؟

الوقفة هتكون إن شاء الله يوم الجمعة الساعة ستة ونص بالضبط في كل محافظات مصر. وأماكن الوقفة في كل محافظة معلنة في الصفحة دي: http://tiny.cc/ertjz. والمرة دي احنا قررنا توحيد أماكن التجمع وجاري العمل على أرقام يتم الاتصال بيها وهيعلن عنها يوم الجمعة بعد الصلاة في حالة وجود أي تغيير في المكان عشان لو حصل تضييق امني ومحاولة لاحباط الوقفة.

س: أنزل لوحدي ولا مع حد؟

يفضل إنك تنزل مع حد متنزلش لوحدك .. يعني اصحابك مثلا أو يا ريت لو كان أهلك والدتك ووالدك أو إخواتك وولادك وزوجتك. لازم ننزل كلنا كمصريين‪.‬ حاول قد ما تقدر تنزل مع حد عشان حتى لو رحت مكان مالقيتش فيه ناس كتير متحسش بالزهق والوحدة .. ويكون معاك حد بيشاركك نفس الهم بتاعك. وأكيد إحنا بنخرج مع اصحابنا في جروبات وأكيد نقدر نكلمهم كلهم ينزلوا برضه بعد ما نوعيهم عن اللي بيحصل في البلد.

س: هنلبس لون ايه؟

لو إنت نازل الوقفة لوحدك البس لون إسود ويستحسن لو تقدر تلبس تيشيرت وتحتيه التيشيرت الاسود وتقلع اول ما توصل الكورنيش عشان محدش يمنعك وانت في الطريق. ولو انت نازل على شكل مجموعة مع ناس اصحابك البسوا الوان علم مصر بالاتفاق مع بعض: أحمر وأبيض وإسود واقفوا على الشط بنفس ترتيب العلم. واحنا اتفقنا إن كلنا هنجيب علم مصري وهنلبسه على كتفنا للتعبير عن وطنيتنا وحبنا لبلدنا. إحنا صحيح زعلانين من اللي بيحصل فيها بس بنحبها هنفضل نحبها والعلم ده تعبير عن الحب.

س: هنعمل إيه خلال الساعة؟

هنقف طول الوقت ده بشكل جاد وغاضب وحازم .. لو تحب هات معاك القرآن أو الإنجيل تقرا فيه. أو إطبع الدستور المصري اللي موجود على الإنترنت واقرا فيه عشان تعرف حقوقك في بلدك لأن أي شخص ميعرفش حقوقه هو أسهل شخص ينضحك عليه. لو مش حابب كده هات معاك جهاز إم بي ثري أو موبايل واسمع حاجة مفيدة .. قرآن أو أناشيد أو ترانيم أو أغاني .. اسمع اللي يعجبك .. بس أهم حاجة لازم نحافظ على الجدية في الوقفة والموضوع ميتحولش لصور تذكارية.

واحنا اتفقنا إن كلنا في آخر عشر دقائق كلنا هنرفع ايدينا لفوق وندعي لربنا سواء كنا مسلمين أو مسيحيين إن ربنا يرحمنا ويصلح حال بلدنا ويغفر لخالد ويجيبله حقه وحق كل واحد مصري اتظلم او بيتظلم.

س: أنا بافكر أجيب معايا صورة خالد وارفعها للناس تشوفها أو هامسك يافطة عليها لا للطوارئ .. ينفع؟

لأ مينفعش .. فكرة الوقفة الصامتة بتعتمد على إننا مش نازلين مظاهرة .. هي صح الفكرة غريبة وجديدة بس لازم نحترمها ونلتزم بيها. لأنك لما بتنزل وبتخالف الارشادات اللي متفقين عليها بتضر الناس كلها مش بتضر نفسك بس.

س: لو الضباط كلموني وقالولي امشي من هنا أقول إيه؟

أولا متسمعش كلام المخبرين نهائيا ومتتكلمش معاه حتى لو استفزك. ويا ريت تطبع عشر نسخ من الورقة دي وكل ما يكلمك حد تقول له بكل احترام إنك بتحترمه كشخص في سن والدك وإنك بتطلب منه إنه يقرا الورقة دي وتفكره إنك شخص مش بتضر حد وقاعد على الكورنيش مش بتعمل مظاهرة. وحاول تفتح حوار مع الضابط بشكل محترم واسأله هو حضرتك بتعمل كده ليه؟ أنا مش باؤذي حد وانا واقف على الكورنيش وانت اكيد مترضاش ان ده يتعمل لأخوك أو أختك .. وهكذا. لازم نكلمهم زي ما كلمناهم على الجروب وبنفس الطريقة لأن فيهم ناس كتير محترمين وهيفهموا الكلام ده. المهم إن محدش يتحرك بمجرد ما يتقال له يتحرك.

ثانيا: في حالة إنهم بدأوا يستخدموا القوة ودفع الناس عشان تمشي لازم تحافظ على هدوءك وتبدأ تتحرك بشكل بطيء وفي نفس الوقت بمجرد ما تلاقي مكان تاني على الشط تقعد فيه اقعد تاني. ولو لقيت الدنيا مأزمة ابدأ في التحرك بشكل منفرد على الكورنيش من غير ما ما تمشي في مسيرة مع جماعة.

س: أنا لقيت مجموعة شباب ماشيين في مسيرة وشكلهم جميل جدا وهامشي معاهم .. ينفع؟

لأ مينفعش .. الناس اللي انضربت في الوقفة التالتة والوقفة التانية هي ناس قالت إنها مشيت في مسيرة. يا ريت يا جماعة نلتزم بالارشادات عشان محدش يحصل له أي حاجة. لازم تعرف إن المسيرة فكرة مش صح في الوقفة لأنها بتخلي الموضوع كانه مترتب ومتنسيق فبيديهم حق للتدخل العنيف بذريعة اننا متظاهرين.

س: أنا واقف ولقيت ناس جنبي بتعلم حاجات متفقناش عليها مثلا ماسكين لوحات او بيرددوا شعارات أعمل ايه؟

يا ريت تسيب المكان ده بشكل سريع لأن مخالفتهم لبنود الوقفة هيعرضهم ويعرضك لاحتمال خطر .. لأن الأمن بيبقى نفسه يعاقبنا ومش عارف بسبب اننا مش بنعمل أي حاجة يقدروا يحطوها تحت أي بند عندهم واحنا عددنا كبير وممكن نشهد مع بعض في أي قضية تعدي. خدوا بالكم نظرية إنهم مش فارق معاهم مش نظرية صح .. هما عارفين دلوقتي إننا قوة لأن هما بيتعاملوا مع قضية رأي عام وهيبقوا حذرين جدا في التعامل معانا فطول ما احنا ملتزمين ومش بنعمل أي غلطة صعب جدا حد فيهم يغلط.

س: أنا رحت المكان المتحدد ومالقتش حد .. أعمل ايه؟

لو وصلت في الميعاد بالضبط يبقى انتظر شوية لحد ما تلاقي ناس كتير لابسة اسود رايحة على الشط .. وفي نفس الوقت لازم متهتمش أوي بالعدد .. إنت رايح تقف وقفة مع نفسك مش رايح في جماعة. واستغل الوقت في القراءة والاطلاع. ولومعاك عربية ممكن تركبها وتمشي شوية لحد ما توصل لمكان التجمع.

س: أنا لقيت شخص لابس إسود وبيقول إنه من منظمي الوقفة أصدقه؟

لا طبعا مفيش حاجة إسمها منظمين للوقفة … لو عندك أي سؤال هتتصل بالارقام اللي هنعلنها يوم الجمعة بس ولكن مفيش أي حد بينظم الوقفة ومتخليش أي حد يقول لك تقف ازاي او تتحرك ازاي. متسمعش كلام أي حد.

س: لو حصل بيني وبين أي ضابط خناقة وطلب مني بطاقتي أعمل ايه؟

الضابط من حقه يشوف بطاقتك وياخد بياناتك ومتخافش هما مش بيعملوا بيها حاجة هما بس بيحاولوا يخوفونا. خليه ياخد البيانات ويرجعلك البطاقة من غير اي مشكلة وكلمه باحترام حتى لو كان هو مش بيكلمك باحترام.

س: في ضابط شتمني أعمل ايه؟

أولا احنا شباب متحضر ومحترم ومهما كان مش عايزين ننزل لمستوى أي حد بيشتم. ثانيا فيه ضباط في أعمار والدي ووالدك ومهما كان غضبنا لازم مننساش فارق السن ونحترمهم وبرضه تاني مهما كان خد بالك ان الراجل ده ممكن يكون كويس جدا ومحترم وانت مخليه نازل يوم اجازته بدل ما يشوف ولاده ويقعد معاهم .. فيهم ناس سيئة ودول أبلغ رد عليهم هو الصمت لأنه هو نفسه تشتمه ويشتمك … وفيهم ناس محترمة ودول زي والدي ووالدك ولازم برضه نحترمهم. مش عايزين اللي حصل المرة اللي فاتت يحصل المرة دي من كلام بشكل حاد مع الضباط.

س: فيه ضابط اتعرضلي بالضرب أعمل يه؟

خد بيانات الضابط اذا عرفت او خلي حد يصوره عشان نجيب اسمه ولو انت مستعد هنكلم جمعيات حقوق الانسان لرفع قضية على الضابط وهنكون كلنا ايد واحدة معاك وهنعملها قضية راي عام .. لأن اللي بيهين شاب مصري نازل يعبر عن رايه بطريقة حضارية هو نفسه اللي بيعذب واحد في القسم.

س: أنا عندي كاميرا كويسة أعمل ايه؟

إنت لازم دورك يكون مختلف .. احنا محتاجين ناس زيك حتى لو لبست مايوه ودخلت البحر واستخدمت الكاميرا بتاعتك وصورت الوقفة هتكون مهم جدا وأهم من اللي واقفين. التصوير مهم جدا لأنه بيوثق الوقفة من ناحية النجاح أو الفشل وبيظهر أي أخطاء بيعملها جهاز الأمن. لو انت بيتك على الكورنيش أو تقدر تلبس لون مختلف وتقف جوه الشط وتصور اي حاجة بتحصل يا ريت تعمل كده. أي حد عنده كاميرا كويسة يا ريت اصلا يكون بيعمل كده.

س: أنا عندي موبايل فيه اشتراك على الانترنت أعمل ايه؟

لازم تساعدنا بعمل بث مباشر للوقفة لو موبايلك الكاميرا بتاعته كويسة. كل اللي محتاجه هنقول لك عليه بس راسلنا بسرعة: elshaheeed‪@‬gmail‪.‬com

س: نمشي إمتى؟ وهل لو عايزين نقعد أكتر نقعد ولا لأه؟

أأمن وأفضل حاجة إن كلنا نمشي الساعة سبعة ونص لأن بقاء اشخاص لوحدهم بيخليهم عرضة لأي مضايقات من المخبرين أو الضباط. ويا ريت كلنا لما نمشي منمشيش في مجموعة كل واحد يمشي في حالة الا في حالة وجود أسرة أب وأم وأطفال مثلا. لكن الشباب لازم يمشوا لوحدهم.

ارجو ان تكونى شاركتى بالوقفة يا ليلى ، انا لم أوفق فى حضورها ، نرجوا الاطمئنان عليكى.

اشكرك اخ على و معلش الوقفات شكلها مش هتتوقف
المرة الجاية ان شاء الله تشارك
انا طبعاً شاركت بالوقفة
استحاله تفوتنى
بس شاركت فيها على البحر الاحمر
و قدرت اخالى واحده معرفه تشارك معايا الحمد لله
و كمان قدرت اوصل موضوع خالد الله يرحمه لأكتر من شخص
الناس للاسف ما تعرفش عن الوقفات و عن القضية كلها غير اللى بتشوفه فى التلفزيون او الصحف
و كلها قشور و فيها كتير من الاخبار المغلوطه او البتورة
رغم ضيقتى من السفرية دى فى البدايه لكن انتهت بانى كنت مرتاحه انى مش بس شاركت بالوقفة مع الكل لكن كمان وضحت كتير لناس ما كانتش شايفه الحقيقة كلها
و قدرت اخالى البعض يتحرك معانا
طبعا لبست السواد يومها و كمان لبست طرحه بالوان العلم المصرى
و ما اكتفيتش بالوقفة الساعه 6 و نص بس
لكن كل ما كان تيجى مناسبة انزل فيها على البحر كنت بقف و لو نص ساعه
و اكيد كنت ملفته للنظر بطرحه بالوان العلم المصرى و لبس اسود
و حسيت ان كتير من الناس فهموا القصد من لبسى
الحمد لله حاسه انى انجزت شىء فى الوقفة الرابعة
و الحمد لله كانت كمان واقفه ناجحة فى الاسكندرية من متابعتى السريعة للاخبار دلوقتى على صفحة جروب كلنا خالد سعيد
الامن ما كانش بنفس القسوة المره دى
الظاهر اخيرا اتعملوا
و تامر صديق خالد الله يرحمه كمان نزل الوقفة و الشباب هتفوا باسمه
و والدة خالد نزلت كمان
و نشطاء سياسين كتير
المشكلة كانت فى القاهرة للاسف
حصل احتكاكات من بلطجية طلعتهم الدخليه من السجون و اعتدوا على الناس
و بعد الوقفة رجعوهم تانى السجون
عالم فى قمة الغباوة و عمرهم ما هيتعلموا غير لما يتشالوا من مناصبهم و يتحاكمواو يخدوا جزاءهم
ان شاء الله بكره احط الاخبار بالتفصيل اكتر

‫‫كلنا خالد سعيد‬‬ ‫ده جزاء كل واحد فاكر نفسه فوق مستوى الحساب .. الرائد أحمد عثمان على الصفحة الأولى لجريدة الشروق .. أتمنى ان ده يكون عبره لكل الضباط اللي شايفين نفسهم بيملكوا البلد دي وهما في النهاية موظفين في الحكومة رواتبهم هي عبارة عن الضرائب اللي بندفعها‬




‫كلنا خالد سعيد‬ ‫يا ريس مبارك: إنت قلت تعبير عن الرأي واحترام حقوق إنسان .. طيب لما حكومة بلد فيها ٨٥ مليون .. تخاف من عشرين واحد لابسين إسود ماشيين في الشارع وبيمشوا وراهم في الشوارع الجانبية وبيقسموهم كل واحد يخش من شارع جانبي وبيتعملوا معاهم كأنهم مجرمين .. تعرف إن دي مش حكومة تستحق أصلا تمسك البلد ... هما عارفين إننا على حق وعارفين إننا بنطالب بحقوقنا وعشان كده بيحاولوا يمنعونا من التعبير عن الراي.‬



‫كلنا خالد سعيد‬ ‫ابحث مع الشعب! مطلوب من الـ ٢٠٥ ألف اللي في الجروب خدمة .. عايزين نحاول نتعرف على مين الرتبة اللي في الفيديو ده .. فيه ناس بتقول إنه العميد جمال السعيد مأمور قسم بولاق أبو العلا .. طبعا مش عايزين نروج إشاعة بس أنا بأسأل أي شخص عايش في بولاق أبو العلا أو ليه تعامل هناك يؤكد أو ينفي .. لازم اسم الضابط ده يا جماعة لأنه ض...ابط غير محترم واستعان ببلطجية لضرب شباب متعلمين مش بيعلموا أي حاجة غلط أو تخالف القانون .. لازم ينفضح!‬



‫كلنا خالد سعيد‬ ‫حوارات مع ناس حضرت الوقفة في اسكندرية .. ما شاء الله بجد حاجة تفرح‬



‫كلنا خالد سعيد‬ ‫شاب من الشباب اللي شاركوا في الوقفة عند بيت خالد سعيد الله يرحمه بيعبر عن غضبه من قانون الطوارئ وبيحكي ازاي امين شرطة ضربه في الجامع‬




مواطنون بلا أمان في وطنهم .. التقرير الثاني عن التعذيب في مصر
http://www.shorouknews.com/ContentData.aspx?id=271948

آخر تحديث: الاحد 25 يوليو 2010 7:03 م بتوقيت القاهرةتعليقات: 0


أحمد عادل -

أصدرت الجمعية الوطنية للدفاع عن الحقوق والحريات تقريرها السنوي الثاني عن التعذيب في مصر لعام 2009، يحمل عنوان "مواطنون بلا أمان في وطنهم"، والذي تضمن رصد وتوثيق حالة التعذيب في مصر خلال عام 2009 وحالة واحدة من عام 2010 وهي قضية تعذيب الشاب خالد سعيد.

التعذيب لم يعد قاصرا على أقسام الشرطة بل امتد للشارع
جاء في سياق التقرير، أن مسلسل التعذيب في مصر لم يعد قاصرا على أقسام الشرطة فقط بل امتد أيضا إلى السجون والشوارع، مما يوضح تزايد ظاهرة التعذيب، دون أدنى اهتمام من قيادات الشرطة أو الدولة بالقضاء على تلك الظاهرة الخطيرة، التي من شأنها تقييد الحريات وانتهاك كل المواثيق والأعراف الدولية التي تناهض التعذيب في العالم.

وأكد التقرير أن هناك تزايد كبير في أعداد الجرائم الجديدة علي المجتمع المصري، بالإضافة إلي الفوضى المنتشرة في كل الخدمات التي تقدم للمواطن البسيط دون مراعاة لأبسط حقوقه الآدمية التي لا يمكن العيش بدونها.

وطالبت الجمعية الوطنية للدفاع عن الحريات، بمحاربة ظاهرة التعذيب والقضاء عليها لتصبح مصر بلا تعذيب لأن تقدم الدول دائما ما يقاس من خلال مساحة الحرية واحترام كرامة الإنسان في هذه البلد.


مصر خالية من التعذيب..!!

وقالت الجمعية "نتمنى أن تصبح مصر خالية من التعذيب والاستخدام السيئ للسلطة من قبل أفراد الشرطة المصرية، ونوه التقرير إلى جرائم التعذيب التي تحدث كل يوم، منها ما يتم الكشف عنه، والغالبية العظمي لا يجرأ الضحية علي التفوه بحرف، إما لجهلة وإما لتهديد الشرطة له.

ودعت الجمعية، المواطنين للتصدي لمثل هذه الأفعال الشاذة والسيئة لكي يتم فضح مرتكبيها ومحاسبتهم علي ما اقترفوه تجاه الشعب المصري، الذي أعطاهم السلطة والنفوذ لحمايتهم لا لتعذيبهم وقتلهم وسحلهم.

وتناول التقرير السنوي الثاني عن التعذيب في مصر، سردا للتشريعات الوطنية وما تحتويه من عقوبات بسيطة لا تتناسب مع بشاعة وقائع التعذيب، كما استعرض المواثيق الدولية التي تحارب وتجرم ظاهرة التعذيب في العالم، لما تمثله من إهانة لكرامة الإنسان، الذي كرمته كافة الأديان السماوية، وقال "لقد اختار العالم يوم 26 يونيه من كل عام يوما عالميا لمناهضة التعذيب".


خالد سعيد.. شهيد الطوارئ

لم ينسي التقرير ذكر واقعة مقتل الشاب السكندري خالد سعيد 28 عاما (شهيد الطوارئ) علي أيدي اثنين من مخبري قسم شرطة سيدي جابر، بدم بارد دون مراعاة لأي اعتبارات، سواء دينية أو إنسانية أو حتى قانونية، وقد مثلت تلك الواقعة من وجهة نظر القائمين علي إعداد التقرير، أبشع قضية تعذيب وإهانة تعرض لها مواطن في مصر، علي أيدي أفراد من الأمن المصري.

وشدد التقرير علي أن واقعة تعذيب خالد سعيد حتى الموت علي أيدي مخبري سيدي جابر، تعد جريمة بشعة تجسد حالة الفوضى التي تحياها مصر في الفترة الأخيرة، كما أنها تظهر بوضوح تجاوزات أفراد الأمن في حق المواطنين، وأضاف "يجب أن نذكر أن أفراد الشرطة منهم من هم قتله وأشرار ومنهم من يسهرون لحماية المواطنين والقانون ولكن نتمنى أن يسود احترام القانون وان يتم القضاء علي بلطجة الشرطة التي راح ضحيتها الكثير من المصريين".

وأشارت الجمعية الحقوقية إلي "أن التعذيب في مصر أصبح الآن أكثر شراسة من أي وقت مضي، لأن الأمر تجاوز حدود مراكز الشرطة وخرج إلي الشارع فأصبح في كل مكان، دون النظر إلي ما يحدثه التعذيب من انهيار اجتماعي داخل المجتمع المصري ويزيد نسبة المجرمين".


توصيات لوضع حل لظاهرة التعذيب

ووضع التقرير عددا من التوصيات التي رأها حلا مناسبا لظاهرة التعذيب في مصر، ومنها "ضرورة النظر في القوانين والتشريعات الوطنية بما يتناسب مع حجم الجرم في جرائم التعذيب ليحصل مرتكبها علي عقوبة حقيقية لعدم تكرار الأمر مره أخري، كما يجب وضع خطة لتدريب ضباط الشرطة علي حقوق الإنسان والمواثيق الدولية".

وأضاف التقرير "يجب تفعيل دور إدارة الرقابة والتفتيش بوزارة الداخلية وقيامها بالرقابة المفاجئة علي أقسام ومراكز الشرطة، مع تسليط الضوء من جانب الإعلام علي محاكمة ضباط الشرطة المتهمين في قضايا التعذيب، لكي يعلم المواطنين أنه لا يوجد احد فوق القانون".

ومن أهم التوصيات التي ركز عليها التقرير "ضرورة تفعيل دور لجنة حقوق الإنسان في مجلس الشعب وتكليفها بالتفتيش علي أقسام الشرطة واستجواب وسؤال وزير الداخلية عن التجاوزات والانتهاكات، بالإضافة إلي، تفعيل دور المجلس القومي لحقوق الإنسان والقيام بمهامه الذي انشأ من أجلها".

وشدد التقرير علي ضرورة كسر القيود المفروضة علي منظمات المجتمع المدني، لكي تستطيع القيام بدور فعال في رفع إخبار المواطنين بحقوقهم وطرق الحصول عليها.

وختم التقرير توصياته قائلا "يجب إعادة النظر إلي أفراد الشرطة السريين، لأنهم أصبحوا خطرين جدا علي المواطنين في الشارع المصري، مع زيادة وعي المواطنين بأهمية التبليغ عن أي تعذيب يحدث لهم وذلك لسرعة التعامل مع هذه القضايا قبل أن تتطور إلي ما لا يحمد عقباه، سواء كان قتل أو تلفيق تهم لهم".

---

كلنا خالد سعيد
Plz Like & Click on Link: شباب وبنات الصفحة: لازم كلنا نشارك في استطلاع الراي ده فكرته جديدة ولذيذة وهيكون مفيد جدا في اظهار اغلب الناس بتفكر ازاي في الجروب وهنعرض نتايجه للكل .. عدد المشاركات لسه قليل اوي .. وعايزين اكبر عدد من الناس تشارك .. ممكن رايكم وتقييمكم؟ صوتكم هو اللي بيحرك الجروب فيا ريت نشارك!

https://www.survs.com/survey/82EH4V4YPK

كلنا خالد سعيد
ده بقه اللي اسمه نكتة فعلا .. شكرا لمحمد اياد على لمحته الرائعة .. شوفوا تقرير الطبيب الشرعي بتاع قضية خالد: لا يحتاج - لا يوجد - لم يكن - لا يمكن - لم يستلزم - لا يشرط - طب لمؤاخذة يا دكتور هو حضرت وظيفتك ايه؟ وردنا عليك: لا للتعذيب .. لا للطوارئ .. ولا حول ولا قوة الا بالله




كلنا خالد سعيد
سؤال لكل الناس .. يا ترى لو أم خالد وزهرة أخته راحوا المحكمة ولقوا ٢٠ واحد بره هيحسوا بايه؟ ولو راحوا لقوا ١٠٠٠ واحد واقف بره هيحسوا بايه؟ .. يا ترى الشاهد اللي مرعوب وخايف وبيتهدد من الداخلية يغير أقواله .. لو لقى ألف واحد بيهتفوا كلنا خالد سعيد هيقول ايه؟ ممكن نحضر كلنا؟ خاصة أهل اسكندرية .. اعتبرها حاجة تعملها قبل شغلك الصبح .. الساعة ٨ عند مجمع المحاكم

---

انا اسمى خالد محمد سعيد
بكره التلات 27 يوليو معادنا كلنا فى اسكندريه .. امام المحكمه الكليه بالمنشيه بجوار النصب التذكاري للجندي المجهول الساعه 8صباحاً..أولى جلسات محاكمه قتله خالد سعيد..دى مش هتكون الجلسه الاخيره..بس لازم نكون كلنا موجودين علشان يتحكم فى القضيه بأسرع.. وقت..علشان يتحكم بالعدل....علشان نقف جمب الشهود ويعرفوا اننا كلنا معاهم. وانهم مش لوحدهم ...علشان ام خالد تعرف ان كلنا ولادها وواقفين مع اخونا ومهما طال الطريق هنكمله للأخر