قسم الاشاعات
Rafik Helou
وفقا لما روى لي ابن خالتي , عدنان الجأل, انه لما خدم الجيش و ذلك منذ سنوات طويلة, جاء فرزه في فرع المخابرات, فلما وصل لعندهم و رؤوه, صدموا, فلا هو طويل القامة عريض المنكبين, ولا ملامحه تخيف قطة, و لكنه من نوع الناس الذي لم يتوقف عن الكلام منذ وُلد.فارسلوه الى قسم الاشاعات, فكان يطلب منه ان يلبس زيا شعبيا, و يذهب مع مجند اخر الى احد المقاهي, فيطلبا كاسين من الشاي, ويتقربا من الناس, لا للسماع كما عادة المخابرات, ولكن للكلام
فيتكلمو
"يا اخي الرئيس ما في منو, بس المشكلة بللي حواليه"
و اذا كانت الأحوال الاقتصادية بالويل, كان واحدهم يقول:جاي موجة جفاف بدها تحرق الاخضر و اليابس, و التاني يرد عليه: الله يسترنا من الاعظم, والله يعين هالرئيس, شو بدو يتحمل ليتحمل.يرجع الاول يقول: لو ما عنا هيك رئيس الله يحفظه, كانت ماتت البلد من زمان
ولما يكون في اعتقالات, كانو يقولو:ولاك هالشعب, و العياذ بالله, ما بيمشو غير بالعصا.و التاني يرد عليه: رئيسنا طيب زياده, و راخيلهم الحبل كتير
يبدو انو قسم الاشاعات يعمل في هذه الايام ٢٤ساعه باليوم, اسمعو..
بانياس, هدول طول عمرهم زعران..شو تلكلخ, كلهم بيشتغلو مهربين..درعا, هاي وضعها خاص، عالمنطقة الحدودية و كلها عشائر اردنيه اكتر منها سوريه.. حماه معروفه, هدول شويه اخوان, القامشلي, هدول اكراد عم تدعمهم امريكا لحتى يعملو كردستان تانيه. ادلب, شو ادلب, دورها كلها ما بتلاقي واحد فيها بيعرف يفك الخط..الشام ما فيها شي, بس بالضواحي, ما هاي مناطق بالحاله العاديه ما فيك تحط اجرك فيها
ما في غير حمص,بلد زوجتي العزيزه,عجزوا عنها, فلا هي منطقه حدوديه, بل بالعكس بنص القطر, نسبه المتعلمين فيها كبيره, و المظاهرات صارت بوسط البلد قبل الضواحي و ما فيها اخوان, و ما فيها اكراد,,و أكيد ما فيها زعران و إلّا ما كانو ناسبوها,اكيد بتعرفو مين ناسب حمص, غيري انا طبعا
http://www.facebook.com/notes/rafik-helo...6048491276
بحث
قائمة الأعضاء
التقويم
وثائق المساعدة
/
أكاذيب الإعلام السوري : تعالوا نوثقها....
