(04-11-2011, 11:47 AM)خالد كتب:  هناك عيب قاتل لأنظمة الحكم في المشرق دون استثناء، وأيضا لمشاريع النهضة فيه بما يتعلق بنظام الحكم.

العيب القاتل هو تبجيل شخص الرئيس، وتكبير منجزاته، وجعله رمزا.

الرئيس هو شخص مسؤول، وهو أجير عند الأمة، وهو يدين لها بمقعده، وإنجازته كلها إنما هي مضافة لكونه رئيسا لا ميزة شخصية فيها، بل الميزة هي للأمة أنها مكنته منها، والفضل الأول والأخير للأمة صاحب الانجاز وصاحبة السلطة، وليس للأجير الذي يجب عليه وجوبا أن يحسن عمله وأن يؤدي المهمة التي استؤجر من أجلها بأمانة وإخلاص.

من يريد أن يصير زعيما عليه أن لا يصير أجيرا، وأن يبقى يقود الأمة بعيدا عن مواقع القرار، حين تطيعه الناس وتلبي أمره وهو لا يملك لهم ضرا ولا نفعا، حينها يستحق لقب الزعيم، أما رئيس الجمهورية فما دون من موظفي الدولة فليسوا إلا مستأجرين ينبغي عليهم أن يؤدوا مهمتهم ولا منة لهم على أحد.

طبعا لا يفوتنا أن نذكر أن الجيش مثل رئاسة الجمهورية مثل سائر مؤسسات الدولة، إنما هو جهاز مستأجر لحماية الأمة، تشكله الأمة من أبنائها، فليس هو ولي أمر الأمة ولا الوصي عليها ولا يحق له أن يفرض أمرا بقوة الأمر الواقع أو بقوة العسكر على الأمة، وإلا كان متسلطا لا شرعية له. وحين توافق الأمة أن يتولى الجيش السلطة مؤقتا لضمان النظام وعدم إدخال الفوضى، فعلى الجيش أن يكون على هذا المستوى ولا يزيد، وللأمة أن تحاسبه أولا وآخرا على ما كلفته به، سواء أكان التكليف مباشرا أم غير مباشر.

الله ينور

---

بسم الله الرحمن الرحيم
دى شهادتى عن احداث فجر السبت 9/4/2011 .. واشهد الله على ما اقول .. والعلماء اجمعوا ان من اشهد الله على زور فقد كفر
البدايه الساعه حوالى 2:30 واقف انا ودكتور ايمن صحبى فـ لجنه شعبيه من جهه كوبرى قصر النيل
جه علينا ملازم اول صاعقه .. قولتله يافندم اوعوا تأذوا الضباط اللى معانا .. قالى عيب عليك انك تقول كدا انا عمرى ما آذيهم بس عايزكم تخلوا بالكم من نفسكم
قولتله ليه يعنى هيحصل اقتحام .. سكت وقالى حرصوا اكتر من كدا.. قولتله طيب سيادتك شايف ان هييجى دعم للضباط.. قالى لو الصبح طلع عليكم وانتوا ثابتين هتلاقوا دعم كبير جدا هينزلهم وسابنا ومشى
بعدها جه علينا 4 ضباط اتنين برتبه لواء وواحد مقدم لابس لبس صاعقه وملثم ولابس واقى على دراعه وعلى ركبته وخوذه سودا على راسه والضابط الرابع ماخدتش بالى من رتبته .. وكان معاهم واحد من المتطوعين فـ الجيش على وشه غضب ربنا وشكله مش مريح .. مشيوا كلهم باتجاه مسجد عمر مكرم .. انا جريت وراهم لغايه ما اتاكدت انهم خرجوا من عند اللجنه الشعبيه اللى موجوده هناك
بعدها رجعت مكانى لايمن وفجأه سمعنا صوت الناس بتصفر فـ كل مكان ودى كانت اشاره لو فى خطر .. بنبص ورانا لاقينا كميه جيش رهيبه فوق الوصف ومدرعات ورا مننا وطلعوا من قلبنا.. دخلوا منين الله اعلم .. واعتقد انهم طلعوا من مداخل المترو
جريت انا وايمن وكان الناس واقفين مجموعه بتأمن الخيمه ومجموعه حوالين الميدان ومجموعه واقفه قدام الضباط والجنود اللى امام الميدان وانا وايمن كنا ضمن المجموعه دى
قعدنا نهتف ونقول لا اله الا الله الشهيد حبيب الله .. وكنا بنركز اوى على لا اله الا الله .. قولنا يمكن يحسوا ان ربنا موجود ويفوقوا من اللى عايزين يعملوه
كان فى كاميرا تليفزيون بتصور انا جريت عليها وقولتله هنموت كلنا شهداء فـ الميدان .. قالى لا يبنى محدش هيموت ان شاء الله
جالى نقيب ولابس مموه وباسنى فـ راسى وقالى متقلقش دانتوا اخواتنا .. النقيب دا بقى ع رأى واحد كان معانا وصفه ان ضابط فى شئون البوس فى القوات المسلحه والله العظيم صدق لما قال عليه كدا
كل ما واحد يهتف يخرج بره الصف ويهتف يجرى عليه ويبوسه فى راسه ويقوله متخفش داحنا معاكم ومتقلقوش محدش هيتاذى
بعدها والله بدقايق لاقينا صوت الرصاص فى كل مكان مسمع الميدان كله وبطريقه بشعه وقفنا وثبتنا فـ بدأو يوجهوا ضرب النار فوق راسنا
وكان من ضمن الضباط اللى صورتهم .. واحد لابس مموه بردوا غامق ولابس قناع على وشه زى بتوع كتائب القسام .. وشكلهم نازلين يرهبونا ودا صورته فيديو لانى اول مره اشوف فـ حياتى ضباط جيش بيلبسوا كدا
بدات الناس تجرى فى كل مكان وايمن ببص جنبى ملاقتهوش جنبى فـ جريت فـ نفس الشارع اللى كنت واقف فيه ناحيه قصر النيل والشرطه العسكرية جايه ورانا بتضرب رصاص علينا
وانا بجرى كان بيجرى معايا ضابط من المعتصمين وكان برتبه ملازم وكانوا ناويين يقتلوهم كلهم .. دخلت انا وهو كشك خشب بتاع مرور وقعدت اتحايل عليه انه يلبس مدنى وهو رفض لغايه ما اقنعته وخلعت لبسى وادتهوله البنطلون والـ سويت شيرت وكنت انا واقف فـ الشارع بالبوكسر وعارف ان ناس كتير هتضحك لما اقول الكلام دا وجايز مش يصدقوا .. ويشهد على كلامى ربنا ومن بعده الشيخ صفوت حجازى لما شافنى وافتكرنى مجنون وقالى ايه يبنى اللى انت عامله فـ نفسك دا .. قولتله يا شيخ دا ضابط جيش وهيقتلوه وراح ناحيته .. كان فى واحد واقف قريب منى وشافنى بالشكل دا كان معاه بنطلون زياده ( كالسون بس رجليه طويله مش شورت ) اخدته منه ومشيت انا والضابط .. وطلعنا ع الكورنيش وكان فى ناس كتير واقفه ومعاها ضباط تانى سبناهم ومشينا لما لاقينا الجيش جاى علينا وبيضرب نار .. ومشينا من تحت كوبرى قصر النيل فـ اتجاه فندق شيبرد .. وقولتله تنزل معايا الصعيد وان شاء الله هتبقى فـ امان وهو رفض .. قولتله خلاص نروح عند اى حد من اصحابى اللى ساكنين فى القاهره .. بس قلقنا نمشى لان سمعنا م الناس ان فى اكمنه من الشرطه العسكريه .. فضلنا واقفين على الكورنيش لغايه ما لاقينا عربيه تابعه للقطاع العام ( بدون ذكر تابعه لاى قطاع ) وقفناه فـ قالنا انتوا ضباط جيش .. انا قلقت عليه قولتله لا هو مدنى وانا ضابط جيش
بحيث لو حصل شئ هو يجرى وانا لو اتمسكت اسمى مدنى وهيسبونى.. ركبنا معاه .. ونزلنا عند اول فيصل فـ قالى يا عبدالله يا انا مش هروح فـ مكان انا هرجع الوحده بتاعتى
قولتله انت مجنون فى خطر عليك .. قالى كدا كدا خربانه وربنا يستر .. بعد ما اصر انه يمشى وقف تاكسى وقبل ما يمشى ادانى الكاب بتاعه وقالى افتكرنى بيه وركب ومشى
بعدها كنت عايز ارجع التحرير تانى والفجر كان على وشك الآذان .. ومفيش ولا تاكسى عايز يقف ليا لان انا كان منظر لبسى طبعا مش قد كدا واللى يشوفنى يفتكرنى انسان ضال فى الشوارع.. ماشى فى الشارع ببنطلون داخلى .. وربنا كرمنى بسواق تاكسى قولتله انجدنى انا عايز اروح ميدان طلعت حرب وركبت معاه وقولتله اللى حصل .. هو صدقنى لانه كان سامع عن موضوع الضباط اللى نزلوا التحرير
رجعت تانى وسط البلد وكان ايمن مستنينى فـ شارع جانبى عند ميدان طلعت حرب .. نزلت لاقيت الناس بتبص عليا روحتلهم قولتلهم انا اسف انى ماشى فـى الشارع بالمنظر دا بس غصب عنى وشرحتلهم انى خلعت لبسى لضابط من اللى هربوا علشان كان هيتقتل
بدأ الصبح يشقشق علينا وضرب النار شغال وجماعه ولاد حلال لما شافونى وشافوا لبسى افتكرونى ضابط منهم ولابس كدا وهربان فـ ندهوا على سكان عماره وقالولهم معانا ضابط جيش وعايزين بنطلون ليه.. المهم باختصار فضل ضرب النار لغايه الساعه 6 الصبح
رجعنا التحرير تانى كلنا ودخلنا الميدان واقسم بالله العظيم لاقينا الميدان فاضى وفى عربيات جيش متولع فيها نار .. بقدره قادر اتولعت لوحدها ( والحدق يفهم ) لان جريده الاهرام عرضت تانى يوم صورة للميدان وفيها المتظاهرين متواجدين والعربيات متولعه ومكتوب تحتها اعمال شغب فى ميدان التحرير تؤدى لـ حرق سياره نقل وحافله.. العربيات يا حضرات اللى القوات ولعت فيها بنفسهم قبل ما ينسحبوا..كان الهدف منها انهم عارفين اننا راجعين الميدان وفـ لحظه وجودنا فيه اتصورنا .. وكدا احنا اللى لبسناها
طبعا بدات الناس تنزل من البيوت بعد نشر احداث الاقتحام على قناه الجزيرة .. وزاد العدد اوى وقررنا الاعتصام وقفل الميدان بالمتاريس والسلك الشائك اللى احنا لاقيناه فـ عربيات الجيش .. وانتهى اليوم على كدا ..
اللى استنتجدته من اللى حصل دا كله .. ان القوات الخاصه كانت نازله بتصفى الضباط لان اكيد وصلهم ان عددهم هيزيد لو طلع الصبح علينا .. وكان لازم باى شكل من الاشكال يتصفوا فـ مكانهم .. ومش مهم احنا نعتصم تانى او لا .. الاهم قتل الضباط الاحرار
سؤال ومش لاقى ليه اجابه ومحيرنى جدا ؟؟ القوات الخاصه والشرطه العسكريه والصاعقه جايين يقتحموا .. ليه كانوا جايبين معاهم متاريس وسلك شائك .. وللعلم كانت كميات كبيره جدا من السلك .. وانسحبوا وسابوهم لينا !! .. يا ترا دى مقصوده منهم لسبب ما ودا اللى اانا برجحه ؟؟ ولا هما انسحبوا وملحقوش ياخدوها معاهم ؟؟
رساله اخيره للناس اللى بتشكك فـى الضباط الاحرار الشرفاء .. خير من انجبت مصر وبيقولوا عليهم دول بره الخدمه .. اقسم بالله انهم لسه فـ الخدمه والدليل على كلامى الضابط اللى كان معايا وقالى انا راجع الوحده بتاعتى ..
وهعرضلكم كمان فيديو يأكد كلامى ان اللى نزل جيش وقوات خاصه وفيه الضابط اللى لابس قناع اسود على وشه ومش باين الا عنيه
دى كانت كل الاحداث اللى انا شوفتها وحصلت معايا فجر يوم السبت 9/4/2011 .. والله على ما قولت شهيد .. وفى الختام ربنا يرحم اللى اتقتلوا ونحتسبهم عند الله شهداء
ولا تحسبن الذين قتلوا فى سبيل الله امواتا بل احياء عند ربهم يرزقون .. ودول كانوا بيدافعوا عن مصر .. واتذكر قول ضابط برتبه ملازم اول لما طلع على المنصه وقال انا دخلت الكليه الحربية علشان ادافع عن بلدى وانا جاى هنا اموت شهيد .. الاحياء والاموات منهم عاشوا رجاله واستشهدوا رجاله

لغايه ما اموت وادخل قبرى عمرى ما شوفت ولا هشوف رجاله زى الرجاله دى .. لما كانوا عند وعدهم انهم يتحدوا مجلس الخونه وينزلوا الميدان مع الشعب بالميرى يا سلام عليهم وهما رافضين يخلعوا الميرى ويلبسوا مدنى ويقولوا هنموت هنا فـ الميدان

انا اسف جدا ليكم يا رجاله اننا مقدرناش نحميكم زى ما وعدناكم وتكملوا مشواركم


حسبى الله ونعم الوكيل فى كل من شكك ان اللى ضربونا بلطجيه والدليل انهم جيش .. كان معاهم مدرعات
وحسبى الله ونعم الوكيل فى كل من قال ان اللى ضرب نار بلطجيه ولابسين لبس جيش
وحسبى الله ونعم الوكيل فى كل من قال اننا كنا خاطفين ضباط جيش

حاجه اخيره .. قبل ما الضابط اللى معايا يمشى قولتله الخونه ضربونا بالنار .. قالى لا مش دول الخونه .. الخونه اللى فوق اللى امروهم بكدا وكان بيقصد ( المجلس العسكرى )

والكاب بتاعك ياحمد هيخلينى افتكرك دايما وعمرى ما هنساك .. ان كنت عايش فـ اكيد هتيجى الصدفه اللى تجمعنا تانى وان كانوا حكموا عليك بالاعدام فـ اكيد هنشوف بعض فى الجنه ان شاء الله ..انت راجل خرجت وانت على حق .. انتوا حفرتوا اسمائكم بحروف من ذهب فى السجلات العسكريه
ومصر عمرها ما هتنساكم

تحياتى ليكم يا احرار .. عبدالله
.

الضباط الشباب مع الشعب
فيديو لأحد الظباط الذين تم القبض عليهم من قِبل الشرطة العسكرية


بالفيديو والصور :-شهادتى على اعتصام ضباط الجيش فى ميدان التحرير ومطالبتهم باسقاط المشير واقالة المجلس العسكرى

10 Apr 2011, written by Mohammed Maree 14 Comments




حبيت اقول شهادتى عن ضباط الجيش المصرى الذين تواجدوا معنا فى ميدان التحرير يوم الجمعة 8 ابريل واصرارهم على الاعتصام فى الميدان للمطالبة باسقاط المشير واقالة المجلس العسكرى , انا هسرد شهادتى كما رأيت بالضبط ,اولا قبل جمعة التطهير سمعنا عن صفحة على الفيس بوك تسمى ضباط من اجل الثورة تطالب بتطهير المؤسسة العسكرية من الفاسدين والمفسدين , اغلبنا فى البداية اعتقد ان الصفحة وهمية القائمين عليها ليسوا منتمين للجيش وانهم اشخاص يحاولون الوقيعة بين الشعب والمجلس العسكرى , شاهدنا وتابعنا بعدها فيديوهين لضابطين سابقين فى القوات المسلحة على اليوتيوب اكدوا فية ان ضباط الجيش المصرى ستلتحم مع الشعب فى ميدان التحرير فى جمعة الغضب 8 ابريل للمطالبة بتطهير الجيش العسكرى باسقاط المشير ومجلسة الموقر , القليل ايد الحركة والغالبية رفضتها خاصة بعد ان تأكد ان هذين الضابطين ليسا موجودان داخل مصر احدهما فى الولايات المتحدة والاخر فى النرويج , وصلنا جمعة التطهير بميدان التحرير وبالفعل صدق ما قالة الضابطين اللاذين ظهرا على اليوتيوب وتأكدنا ان الصفحة الموجودة على الفيس بوك تخص بالفعل لضباط حقيقيين داخل الجيش وخارجة فظهرت مجموعة من ضباط بالجيش المصرى يرتدون زيهم الميرى فى ميدان التحرير اكدوا لنا ان حركة ضباط من اجل الثورة موجودة بالفعل وانهم جزء منهم ,ظهرت طائرتين هليكوبتر تحلق فى سماء ميدان التحرير , هناك شىء ما يحدث ,كل من فى الميدان بدأ يراقب ما يحدث وسط حالة من الذهول والتساؤلات هل فعلا هؤلاء ضباط بالجيش المصرى ام انهم مدنيين يرتدون ملابس عسكرية وسيحولون لمحاكمة عسكرية بمؤبد طبقا لما اعلنة المجلس العسكرى قبلها بيوم ؟ الجميع بدأ يسأل عن هويتهم لاثبات انتمائهم للجيش وهل مازالوا فى الخدمة ام فصلوا منها ,, اخرج الضباط بطاقات الهوية الخاصة بهم وتأكد الجميع انهم ضباط حقيقيين ومازالوا يعملون فى الخدمة , فى اللحظة صمت الجميع لسماع ما لديهم , كانوا عشرة ضباط ما بين نقيب وملازم وملازم اول , تحدث اولهم على المنصة وكان ضابط صاعقة يدعى وديع نفى فى بداية كلامة الاشاعات التى ترددت فى الميدان ان الشرطة العسكرية قبضت على اثنين منهم وتحفظت عليهم فى ميدان التحرير , اضاف انهم اتوا الى ميدان التحرير وهم متأكدون ان تحركهم هذا اذا فشل سيكون مصيرهم القتل بالرصاص لكن احنا مش خايفين وجايين نطالب بتطهير مؤسستنا ونقيل المجلس العسكرى اللى ولائهم لمبارك اكبر من ولائهم للثورة والشعب ,جيش مصر لازم يتطهر من الفساد وتعود لة الروح القتالية , ضابط اخر تحدث انهم قبل ان يأتوا الى ميدان التحرير عملوا قرعة مع باقى الضباط فى الوحدات لمن سيقع علية الاختيار للذهاب للميدان ليواجهة المصير المجهول وليقول للشعب ان هناك ضباط بالجيش المصرى مؤمنة بالفعل بمطالب الثورة والثوار وتتمنى ان يساندها الشعب فى تطهير المؤسسة العسكرية , كانت هذة الكلمات تخرج منهم والتهافات مرتفعة تؤيدهم وتبارك خطوتهم وشجاعتهم , كانت هناك اكثر من منصة فى ميدان التحرير جعلت الضباط تنتقل من منصة الى اخرى للتحدث مع المتظاهرين , انتقلوا الى منصة اخرى , تحدث ضابط اخر وقال ان الجيش المصرى ليس هو المجلس العسكرى المجلس العسكرى هو من يقود الثورة المضادة ,الجيش المصرى هو الجندى والضابط اللى انتوا اصورتوا معاهم على الدبابات ,المجلس العسكرى لا يمثل الجيش المصرى لانة ليس لهم اى صفة ولا شرعية هكذا قال , اضاف اخر انهم معتصمين فى الميدان ولن يتركوة حتى لو تم قتلهم لينضموا الى شهداء ثورة 25 يناير , اضاف ان تطهير المؤسسة العسكرية ليست مهمة الشعب ولكن مهمة ابنائها وبدأ يتحدث عن الفساد المالى بأن 50% من ميزانية الدولة تذهب للجيش وليس هناك رقابة على كيفية صرفها , وفجأة بدأ يهتف فى الجماهير الموجودة بهتاف ..الجيش يريد اسقاط المشير . الجيش يريد
اسقاط المشير ,


وقتها تفاعلنا معة جميعا كمتظاهرين وهتفنا ضد المجلس العسكرى والمشير طنطاوى , فى داخلى حينها كنت اهتف ضد المجلس العسكرى وطنطاوى ليس للمطالبة باسقاطة لكن لتقاعسهم الذى وصل الى مرحلة التواطىء الفج فى تنفيذ طلبات الثورة الحقيقية والتى بالاساس جعلتنا نتظاهر مرة اخرى فى التحرير وهى تطهير البلاد من كل رموز الفساد وتطهير مؤسسات الدولة ,,محاكمة مبارك واسرتة-حل الحزب الوطنى-حل المجالس المحلية-محاكمة صفوت الشريف وفتحى سرور-اقالة احمد فاضل رئيس هيئة قناة السويس-الكشف عن طبيعة عمل جهاز الامن الوطنى – عمل مجلس رئاسى يتولى الفترة الانتقالية ليعود الجيش الى ثكناتة ,,,, استغرب البعض من الحدة فى انتقاد المجلس العسكرى وطنطاوى ووصول الامر الى فكرة المطالبة باسقاطة وتطهير المؤسسة العسكرية , ردى ان هذا ليس ضمن مطالبنا الرئيسية وان المجلس العسكرى بانكارة الجرائم التى قامت بها الشرطة العسكرية بتعذيب واعتقال النشطاء وتقديمهم الى محاكمات عسكرية بالاضافة الى عدم محاكمتة مبارك وباقى رموز الفساد جعلنا نتفاعل ونتحد فى الهتاف مع ضباط الجيش الشرفاء الذين اتوا الميدان , انتقل الضباط الى منصة اخرى المواجة لكنتاكى فأعلن احدهم عن خبر غريب وهو ,, وجود اعتصام الان داخل الوحدة 77 مخابرات للمطالبة بنفس الاهداف وهى اسقاط المشير والمجلس العسكرى, الكل تفاعل وتسائل , هل هناك حركة تمرد داخل الجيش ؟ هل سيحدث انقلاب , هل هل هل هل , تساؤلات عديدة لكن فى النهاية الكل اتفق على ان هؤلاء الصباط شرفاء بالفعل لانهم فى هذة اللحظة يواجهون الموت المؤكد اذا فشلت حركتهم ,ظهرت المفاجأة بتصريح احدهم على المنصة انهم كثيرون للغاية وان هناك مجموعة كبيرة منهم معنا على الارض بملابس مدنية , فطلب منهم رفع ايديهم فكانت المفاجأة ان العديد من الاشخاص رفعوا ايديهم فنظرنا اليهم باستغراب لما نراة ,اضاف ان 5000 الاف ضابط ما بين متقاعد ومستمر فى الخدمة معنا فى ميدان التحرير الان !! ؟

وصلت الساعة الثامنة ونصف والميدان مازال ممتلىء



بالمتظاهرين يهتفون ,بدأ ضباط الجيش وغيرهم من المتظاهرين والمدنيين يتجهون الى منتصف الميدان او الصانية وافترشوا الارض وبدأنا بعمل دوائر حولهم لحمايتهم وقرر الكثير التضامن معهم بالمبيت فى ميدان التحرير , بدأت اقترب اكثر من الضباط لاتأمل وجوهم وعيونهم عن قرب شعرت وقتها ان عيونهم خليط ما بين الخوف والشجاعة سألت احدهم هل ممكن ان تصور معى وتتحدث عن مطالبكم فلم يرد فسألتة مرة اخرى فقال بصوت خافض انا مش عارف اكلم لانى خايف !! تركتة وبدأت اركز على باقى الضباط وجدتهم مصممين على الاعتصام والمبيت رغم خطورة الوضع خاصة مع بدأ انسحاب ورجوع المتظاهرين الى بيوتهم ,, المئات قرروا التضامن معهم , بعدها على الساعة التاسعة تركت الميدان , لاعود الى المنزل لتكتمل متابعتى ما حدث مع الضباط والثوار من خلال التويتر على الساعة الثانية صباحا حاصرت قوة كبيرة من الشرطة العسكرية والصاعقة وقوات الامن المركزى المتظاهرين والضباط , حاول المعتصمون منعهم فى البداية وهم يهتفون سلمية سلمية لكن يبدو ان هناك اوامر عليا بفض الاعتصام بالقوة فبدأ اطلاق الرصاص الحى فى الهواء وعلى مسافات قريبة من المتظاهرين الذيب هرولوا للاحتماء بالعمارات والشوارع الجانبية , اطلاق النار لا يزال مستمر انباء عن سقوت قتيلين واصابة العشرات وعربات الاسعاف تمتنع عن انقاذهم , الجزيرة تنقل ما يحدث من مجزرة فى التحرير , الشرطة العسكرية تتعدى بالضرب على متظاهر مصاب بالفعل , تجمع المتظاهرين فى ميدان طلعت حرب , الامن المركزى يعود من جديد فى الصورة بنفس الطريقة التى كانت موجودة ايام مبارك , تأكد القبض على مجموعة من ضباط الجيش فى ميدان التحرير ومقتل شخصين وهروب الباقى , هتافات تعم وسط البلد ضد المشير والمجلس العسكرى ,, لتنهى ببيان مستفز خرج عن المجلس يتحدث عن مؤامرة قادها فلول الحزب الوطنى وابراهيم كامل ومدير مكتبة ,,, سقوط المجلس العسكرى لم يعد هناك ثقة ,طنطاوى هو من يقود الثورة المضادة , طنطاوى لن يحاكم صديقة , قتيلان و71 جريحا , حرق عربيات الجيش فى ميدان التحرير ,الثوار يعودون الى ميدان التحرير ويزداد الهتاف ضد المجلس العسكرى والمشير ,,, مذبحة التحرير لن تمر ,,, المجلس العسكرى يخرج ببيان صحفى ينكر استخدام الرصاص الحى , المجلس العسكرى يتحدث عن بلطجية المجلس العسكرى بيستخف بعقول الشعب ,, الشعب يريد تطهير البلاد















بعض النقط

1- معركة تطهير المؤسسة العسكرية ليست معركتنا الحقيقية فأبناء المؤسسة هم اولى بتطهيرها كباقى المؤسسات المدنية التى نطهرها من الفساد والمفسدين
2- ضباط الجيش هؤلاء حقيقيين بالفعل وليسوا خونة او مندسين كما ادعى البعض
3- صفحة ضباط من اجل الثورة الموجودة على الفيس بوك تخص بالفعل ضباط حقيقيين يسعون الى احداث تغيير فى المؤسسة العسكرية , هذا طبقا لما ذكرة الضباط الذين اعتصموا فى ميدان التحرير
4- هؤلاء الضباط من وحدات عسكرية واماكن مختلفة مما يعنى ان هناك حالة ما تحدث داخل الجيش
5- اعلان الضباط فى ميدان التحرير عن وجود اعتصام داخل الوحدة 77 مخابرات فى نفس توقيت اعتصامهم بالتحرير يعطى دلالات كثيرة
6- هناك فرق بين المجلس العسكرى المحسوب على مبارك وبين الجيش والمؤسسة العسكرية كمؤسسة وطنية عريقة نحتمى فيها
7- قبل الهجوم على الثوار من هجومهم على المجلس العسكرى والمشير وجة هجومك اولا على المجلس المقدس واسألة لماذا لم يحاكم مبارك حتى الان , لماذا يتقاعس فى تنفيذ اهداف الثورة ,,لماذا لماذا ,؟
8- المجلس العسكرى المقدس يمتنع عن الحديث عن حقيقة هذة التحركات لماذا ,, هل بالفعل حدثت محاولات تمرد داخل الجيش واجهضت ؟
الشعب يريد تطهير البلاد ,, شرفاء الجيش والشعب ايد واحدة

http://egytimes.org/2011/04/egypt-army-a...yofficers/

ليلي
كلامك بالعامية المصرية يدل علي قلة وعيك وضعف ادراكك للامور
انا اسال لماذا انت مهتمة بالشان العام رغم انه واضح انك تعرفين القليل جدا وتفهمين اقل من ذلك ؟ فالمسالة ليست ذهاب لمكان جغرافي يسمي ميدان التحرير ، ذهابك هناك لايعني اي شئ ، فحتي الاطفال المصابون بمتلازمة داون يستطيعون الذهاب لما يسمي بميدان التحرير بمفردهم والوقوف هناك ، فهل يجب علينا الانصات لارائهم في ادارة البلاد بعد ذلك؟
اذا كان علينا محاسبة الجميع فعلينا مثلا محاسبة محمد علي نياكته للطفلة عائشة بنت التسع ، ودخوله بصفية رغم عدم انقضاء عدتها وقتله للاسري في غزوات قام بها وغير ذلك من امور نسكت عليها مكرهين ، فعالم اليوتوبيا لم يوجد من قبل ومغفل من يظن انه سيوجد بعد ذلك .
الخلاصة : لماذا تبدين رايك- انتِ وغيرك - رغم ضعف مستواكم الثقافي وعدم المامكم بالوضع بشكل جيد بالاضافة لعدم معرفتكم بالتاريخ والسياسة وغير ذلك من ادوات معرفية ؟  

هل كل من تحدث في السياسة مع صاحبه او عمل لايك لمجموعة سياسية علي الفيسبوك وذهب لما يسمي بميدان التحرير صار محلل سياسي محنك؟ لماذا لاتخجلين من ثقافتك الشفوية التي لم تنتج الا من جلوس علي النت وحديث مع هذا وذاك ، لما صعب عليك ان تعرفي حدودك؟

الزميلة المحترمة – ليلي-
أشكر لك اهتمامك بالرد السريع على مداخلتي ، التي كانت مجرد استفسار ، أو بعبارة أدق إمتداد لمشروع حوار واسع مع جيلكم الجديد الذي نضع فيه أملنا ،و نخشى عليه من مخاطر عدة ، أخطرها ديمقراطية " ديكتاتورية" الغوغاء . رغم أني أقدر الحراك الشبابي و أحاول تفهمه أكثر من محاولتي عرض أفكاري ، إلا أنه لي بعض الملاحظات أو بعبارة أدق " الإيضاحات " .
1- أعتقد أن من أخبرك عن وجود انقلاب سلمي في القوات المسلحة لا يعرف الكثير عن تلك القوات . المجلس الأعلى للقوات المسلحة ليس منتخبا ولا معينا ، بل هو مجلس يضم شاغلي الوظائف الرئيسية في القوات المسلحة ،وفقا لقانون خاص بتنظيم وواجبات المجلس . هذا المجلس بتكوينه لم يتغير فيه عضو واحد أثناء الحوادث الأخيرة ، فكيف يكون هناك إنقلاب سلمي أو غير سلمي ، ثم يبقي أعضاء المجلس و تنظيمه وواجباته كما هي ؟.
2- إصلاح القوات المسلحة ليس من مسئولية الضباط الأصاغر ،بل ليس من مسئولية الضباط ،و لكنها من مسئولية القيادة العليا ،وهي قيادة سياسية . ولو كان هناك ما يحتاج للإصلاح فسوف يقرر الرئيس القادم ذلك ،و سيصدر أوامره للقائد العام الجديد و للمجلس الأعلى بما يراه ،و سيقوم المجلس الأعلى بما هو مطلوب . هذا ما حدث تماما بعد هزيمة 1967 ، فلم يقم الضباط الأصاغر بالتظاهر في التحرير من أجل تلك إصلاح القوات المسلحة ،و لكن القيادة السياسية هي التي تولت عملية إعادة بناء تلك القوات .
3- تابعت البيان الذي ألقاه أحد الضباط الصغار ،و تأثرت بالبراءة التي أملته ، كما لا أشك في حسن نوايا هؤلاء الضباط ،و لكن الطريق إلى جهنم تحوطه حسن النوايا . تظاهر الضباط الأصاغر هو جريمة انضباطية لا يجب التهاون فيها مطلقا ، عدم تقدير معظم الشباب لذلك هو إمتداد لحالة الفوضى الضاربة ، و التي تختلط بالثورة كما تختلط الخلايا السرطانية بالخلايا الحية .
4- ليس من العقل ولا من المفيد أن يدس شباب صغار أنوفهم في القوات المسلحة ، و يقررون أن هناك تمرد في الجيش ، و ينشرون إشاعات مثل وجود إعتصام في المجموعة 77 أو غيرها ، في حين انهم لا يفهمون بداية طبيعة العمل في القوات المسلحة .القوات المسلحة لا تقبل مبدأ الإعتصام ،ولو افترضنا حدوثه فهذا يعني تمرد عسكري لا تملك أي قيادة عسكرية القبول به . هذا لم يحدث على وجه القطع .
5- المجلس العسكري هو رأس المؤسسة العسكرية ، فكيف يكون هناك فرق بينهما ، هل سمع أحد بجسد لا رأس له ؟.
6- لست أدري ما هي العلاقة بين رفض تمرد ضباط صغار و حماية البعض لهم ، و بين التأخير في محاكم مبارك . هذا خلط معيب للأمور . المجلس العسكري يحكم لفترة محدودة و سيسلم الحكم بعد ذلك ،و حتى لو لم تجر محاكمة للرئيس السابق في عهده ، سيمكن للنظام القادم محاكمته .ولكن لو انهارت المؤسسة العسكرية لن يكون هناك نظام جديد ولا قديم .
7- أخشى أن هناك حالة انفصال تتبلور بين قواعد الشباب التي أشعلت الثورة و قيادة القوات المسلحة ، في المقابل هناك تواصل بين المجلس الأعلى و الجماعات الدينية خاصة الإخوان ،و أيضا القيادات المدنية الرئيسية ، كما تحوز القيادت العسكرية ثقة الشعب الآن . هذا لن يؤدي إلى عزل القوات المسلحة ولا قياداتها ، و لكنه سيؤدي إلى عزل ما يطلقون عليه شباب التحرير . الأمر يحتاج إلى الحكمة .. الكثير جدا منها !.

(04-12-2011, 02:45 PM)طنطاوي كتب:  هل كل من تحدث في السياسة مع صاحبه او عمل لايك لمجموعة سياسية علي الفيسبوك وذهب لما يسمي بميدان التحرير صار محلل سياسي محنك؟ لماذا لاتخجلين من ثقافتك الشفوية التي لم تنتج الا من جلوس علي النت وحديث مع هذا وذاك ، لما صعب عليك ان تعرفي حدودك؟

قال ايه وفى ناس كانت عاوزة تلغى أمن الدولة

(04-12-2011, 06:31 PM)الحكيم الرائى كتب:  

(04-12-2011, 02:45 PM)طنطاوي كتب:  هل كل من تحدث في السياسة مع صاحبه او عمل لايك لمجموعة سياسية علي الفيسبوك وذهب لما يسمي بميدان التحرير صار محلل سياسي محنك؟ لماذا لاتخجلين من ثقافتك الشفوية التي لم تنتج الا من جلوس علي النت وحديث مع هذا وذاك ، لما صعب عليك ان تعرفي حدودك؟

قال ايه وفى ناس كانت عاوزة تلغى أمن الدولة

دي قديمة خد الجديدة بقي :
لا وفي ناس كانت عايزة تنتقد القوات المسلحة

(04-12-2011, 07:25 PM)طنطاوي كتب:  

(04-12-2011, 06:31 PM)الحكيم الرائى كتب:  

(04-12-2011, 02:45 PM)طنطاوي كتب:  هل كل من تحدث في السياسة مع صاحبه او عمل لايك لمجموعة سياسية علي الفيسبوك وذهب لما يسمي بميدان التحرير صار محلل سياسي محنك؟ لماذا لاتخجلين من ثقافتك الشفوية التي لم تنتج الا من جلوس علي النت وحديث مع هذا وذاك ، لما صعب عليك ان تعرفي حدودك؟

قال ايه وفى ناس كانت عاوزة تلغى أمن الدولة

دي قديمة خد الجديدة بقي :
لا وفي ناس كانت عايزة تنتقد القوات المسلحة

بالرغم من معارضتى للصدام مع الجيش فأنا أرى أنه من الحماقة إعطاء كارت بلانش للجيش تحت شعارات مصنع الرجال ومؤسسة وطنية إلخ من هذا التهجيص.

لو رجعنا بالحكاية من الأول سنجد أن الجيش هو أس الفساد فى كل شئ وهو من أنتج لنا طابورا طويلا من الفاسدين بدءا من عبد الحكيم عامر وإنتهاءا بصفوت الشريف ومبارك. المجلس العسكرى الموجود اليوم لايختلف فى أى شئ عمن يحاكمون اليوم وهم أنفسهم يجب أن يحاكموا. أعضاء هذا المجلس لم يصلوا لمناصبهم نتيجة لكفاءة أو حتى أقدمية ولكن تم إنتقائهم على يد وتحت سمع وبصر مبارك وأجهزته الأمنية. المجلس العسكرى بالإضافة لوزير الدفاع ورئيس الأركان يضم فى عضويته قادة الجيوش والمناطق والأفرع الرئيسية ومديرى الأسلحة وهؤلاء يتم إختيارهم بالإسم بواسطة القائد الأعلى الذى هو فى حقيقته عم بهايم مبارك ... وهل يبتنى الطير أعشاشه فى فم الأفعوان?

وجهة نظرى الشخصية أنه بالرغم من أن الجيش شريك أساسى وكامل ليس لمبارك فقط ولكن لمن سبقوه فى كل ماحاق بالبلد إلا أنه يجب إغماض الطرف عنه مؤقتا لدواعى الأمن القومى حتى يتم تسليم السلطة لرئيس مدنى وبرلمان منتخب ثم تبدأ عملية تطهير الجيش وإصلاحه وأول الغيث وقف بدلات الولاء المليونية وغيرها من الإمتيازات والمخصصات.

بالتأكيد الجيش كمؤسسة مصرية فيه كل عيوب المؤسسات المصرية ,بداية من مركز التجنيد حيث يذهب مجندون لبيوتهم لأن لهم واسطة وأخرون يقضوها ميرى,ومساعد شؤون الأفراد المرتشى بزجاجة زيت أو علبة سجاير,القهر المتبادل من الرتب الأعلى الى الأدنى تفشى ثقافة دينية بدائية داخله وهلوسات طائفية,طبعا فضلا عن الأعطال الفنية التى لاتنتهى لالياته التى كثير منها لايعمل,الى قصة عساكر المراسلة حيث يتصيدون عساكر من الريف ليعملوا خداما للرتب العسكرية,نعم الجيش مؤسسة مصرية بنت دين كلب فاشلة زى كل شئ بالبلد,لكن هنعمل أيه أمر الله وحكم وأذا كان لك عند الكلب حاجة قل له الجيش والشعب يد واحدة,لحد ماتفرج.