Sat, 5-02-2011 - 11:56Sat, 2011-02-05 23:55 | نصري عصمت أخبار


المصريون يتعرضون لحرب إعلامية حقيقية

“إذا أردت السيطرة على الناس أخبرهم انهم معرضون للخطر وحذرهم من أن أمنهم تحت التهديد، ثم شكك في وطنية معارضيك” .. بهذه الاستراتيجية الإعلامية الفعالة نجح أدولف هتلر في تعبئة ألمانيا النازية لدخول الحرب العالمية الثانية.. وبنفس الأسلوب نجحت الإدارة الأمريكية الحالية بعد أكثر من نصف قرن في شن حملة إعلامية ضخمة لإقناع شعبها بضرورة خوض الحرب على العراق مهما كان الثمن.. وطبعا ده غير حكومات تانية كتير قوي.

معرفش ليه الكلام ده افتكرته اليومين دول وسط الأحداث اللي بتمر بيها مصر واللي الإعلام انقسم فيها إلى نوعين، انا هسيب ليكم تقسيمهم على كيفكم وتصنيفهم براحتكم.

المهم أن الكلام السابق ده بتاع راجل اسمه دينيس جيت قابلته من 3 سنين في جامعة فلوريدا، “ايوه عارف هتقول ايه ما أصل انا خاين وعميل للأمريكان وبموت في الخيانة عموما دي كانت رحلة قصيرة جدا”، هو كان ماسك هناك مركز للعلاقات الدولية، والراجل نفسه كان سفير أمريكي في عدة دول وكان شغال في المكتب الإعلامي للبيت الأبيض، ولما قابلته كان بيشرح للناس في الجامعة إزاي جورج بوش نجح يخدع الأمريكان ويشحن الرأي العام عشان يقنع جزء من الشعب بأهمية الحرب (ابن اللذينة معرفش إزاي عدى ساعتها من حرس الجامعة لحد ما فهمت ان مفيش هناك حرس جامعة) .. المهم أنه شرح للناس إزاي أي حكومة من أيام هتلر لحد أيام بوش بتوظف الإعلام للخداع والتضليل وده بـ4 طرق.

الطريقة الأولى : التخوين


خوف الناس .. وحسسهم ليل نهار أن في مؤامرات بيتم تدبيرها ضدهم وأن أمنهم معرض للخطر، وأن كل الاجراءات المتشددة اللي انت عاملها دي عشان مصلحتهم ولأن عدوهم جبار وبيستغل طيبتهم عشان يدمر مجتمعهم .. ومع تكرار الأسلوب ده، وربطه بتعرض الناس لحادث إرهابي في وقت سابق او خوضهم حرب من فترة قريبة أو لكارثة أو حادثة كبيرة هيكون عندهم استعداد تام للتنازل ليك عن جزء كبير من حرية اتخاذ قراراتهم، وده ليييه؟ .. لأن الناس تفكيرها المنطقي بيتشل ساعة الخطر، لأنهم بشكل غريزي هيحسوا انهم محتاجين الأمان ومستعدين يتنازلوا عن حريتهم عشان خاطر الاحساس اللي انت اصلا حرمتهم منه ببث رسايل تحذير منتظمة.

في ألمانيا النازية هتلر فهم الألمان أنهم لو مهاجموش شعوب أوروبا هي اللي هتهاجمهم، وبوش فهم شعبه أن صدام بيدعم الإرهاب وعنده أسلحة دمار شامل.

والطبيعي في أي مجتمع أن هيكون في معارضة ليك، مش معارضة سياسية بس، لكن معارضة من المتعلمين والواعين ووسائل الإعلام المستقلة والناس اللي بتشك بطبيعتها في نوايا الحكومة .. الرد على دول لازم يكون هجومي وشامل .. اتهامات بالخيانة وبتعريض سلامة الوطن للخطر واتهامات بالعمالة لقوى خارجية أو لتمثيل “أجندات أجنبية” أو “أجندات محلية” أو “أجندات من الفجالة” وأنهم “قلة مندسة” حتى لو عددهم مليون واحد وحتى لو كان المعارضين دول بيحاولوا يعرضوا وجهة نظرهم على الناس في بلدهم من غير اللجوء لأي طرف أجنبي ولو بطريقة سلمية، طالما هم عكس وجهة نظري يبقوا “كفرة ولاد ستين في سبعين وأشرار”.

الهجوم هنا هو خير وسيلة للدفاع .. اطعنهم في مصداقيتهم ووطنيتهم واشغلهم بدفع الاتهامات عشان ميكنش عندهم فرصة ينتقدوك أو على الأقل تضمن أن تأثيرهم على الناس هيكون أقل في سرعة الاقتناع ومدى التأثير.

الطريقة التانية : اشغل انتباهم ليل نهار


الحكومة طول النهار والليل تحاصر الناس بإصدار بيانات وبتحاول تشغل الإعلام التلفزيوني والجرايد والإذاعة ببياناتها الرسمية ومعلومات ترسخ استراتيجية الدولة وتوزع صور وفيديوهات تتعلق بالأحداث اللي تحب تروج لها، وطبعا أول ناس بتنشر الكلام ده بتكون وسائل الإعلام الحكومية أو وسائل الإعلام المستقلة المرتبطة بعلاقة قوية مع الحكومة.

الظريف أن جرايد وتلفزيونات الحكومة بتاخد البيانات الرسمية الصادرة عن الوزارات المختلفة وتنشرها من غير ما توضح مين مصدرها كأنها معلومات فلكية زي “الشمس تشرق من الشرق” و”فلان عميل وخاين” .. ومحدش في الإعلام الرسمي الحكومي ده هيكلف خطره يحقق في صحة أي معلومة صادرة من الدولة زي ما ألف بأء صحافة بتقول، يعني مثلا تلاقي خبر يقولك “ساد الهدوء في منطقة كذا بعد أحداث كذا” بينما أي بني آدم ينزل منطقة كذا دي يلاقيها مولعة أو فيها جيش أمن مركزي طب ما هو لازم يسود الهدوء في وجود آلاف العساكر.

تلاقي المذيع التلفزيوني راجل محترم وببدلة وبيقول صرح مصدر مسئول أن كذا كذا كذا أو أعلنت وزارة كذا كذا .. كأن كلمة مصدر مسئول دي أو كلمة وزارة كذا دي معناها ان كل اللي وراها ده كلام ربنا مش ممكن يبقى غلط ومش محتاج حتى نتحرك ونروح لأرض الواقع نتأكد منه، وزي ما في صحفيين كتير شاطرين، في منهم كسالى طالما هيملى مساحة جرناله او برنامجه بكلام جاهز بينام عليه.

الخدعة بقى أنك هتلاقي المسئول تاني يوم نشر الخبر أو إذاعته طالع يقولك “شفنا في وسائل الإعلام تقارير عن كذا كذا” .. الله طب ما سعادتك أصلا اللي مطلع التقارير دي وباعتها للقناة او الجرنال؟؟

حكومة بوش كانت بتسرب معلومات للجرايد الأمريكية الكبيرة وتنزل الأخبار على أنها من مصادر سرية وبعدين تاني يوم تطلع الحكومة تستشهد بكلام الصحافة !، يا ترى بقى انت تقرا كام خبر في اليوم لم يتم التحقق من صحته؟.

والموضوع يا جماعة أصله مش كيميا المسألة بسيطة جدا، لما حد يقولك معلومة كل المطلوب منك تسأله ايه مصدرها؟ لأننا لما بنعرف مصدر المعلومة بنقدر نتأكد صاحبها يستاهل الثقة ولا لأ ولا حتى أن كلامه بيعبر عن رأيه الشخصي، انما أخطر حاجة الخبر اللي ملوش مصدر ده أو الاتهام بدون دليل، ودايما اللي يتهم حد من غير دليل مبيكنش عنده أدلة لأنها لو عنده كان كشف عنها فورا، وتلاقي المذيع الرخم إياه طالع يقولك “احنا مش عاوزين نتكلم” .. لا يا حبيبي ما انت لو عندك حاجة تقولها كنت اتكلمت.

الطريقة التالتة : الإنكار دايما هيفيد والتأجيل كمان



لما الحكومة تتعرض لهجوم أو انتقادات “الإنكار هو الحل” .. المسئول الحكومي ومعاه الإعلام الرسمي يصر على بث تكذيب وإنكار لصحة الأخبار المتسببة في انتقاد الحكومة، حتى لو كانت المعلومة واضحة وضوح الشمس.

المسئول هنا بيعتبر أن المشكلة كأنها محصلتش طالما الحكومة غير معترفة بيها وطالما محدش قادر يجيب دليل واضح، عشان كده ممكن حد يسأل المسئول ويقول له يا فندم في ناس ماتت، هيقولك غير صحيح مجتلناش بلاغات !!! لحد ما حد ابن حلال يطلع بفيديو يعرضه لناس بتموت فعلا.

وساعتها تبدأ الاستراتيجية التانية بعد الإنكار هي التأجيل !

يعني ايه تأجيل يعني “سنحقق في الأمر بمنتهى الحزم” و “الجاني هياخد عقابه وهنخليه يبوس الواوا” و “هنشكل لجنة للفحص وتحديد المسئولية” لحد ما الناس تنسى أو لحد ما يكون في مبررات وحجج جديدة.

وفي نوع من المسئولين أول ما تسأله عن حاجة هو بينكرها يقوم مغير الموضوع ويديلك معلومات لا تجاوب سؤالك لكنها معلومات عن موضوع آخر، وهنا هو بيعمل ترحيل وصرف لانتباهك عن المشكلة الأصلية، ويشن حملة إعلامية سريعة ببث معلومات كتير عن قضية معينة تشغل الناس والصحفيين اللي بطبيعتهم بيجروا ورا الجديد وينسوا القديم.

عشان كده كتير نشوف في التلفزيون أو الجرايد حوارات مع مسئولين مهمين وبعد الحوار نشعر كأن مفيش ولا سؤال كان في بالنا تمت إجابته، افتكروا كده حوارات أحمد عز وحبيب العادلي القليلة مع الإعلام الحكومي.

الطريقة الرابعة : كرر أكاذيبك

لما تفشل كل الحيل السابقة يكون الأسلوب الرابع تكرار الأكاذيب، ايون تكراااار الأكاذيب كلها بدون ملل لدرجة أن الناس هتستغرب وتقول “مش ممكن يكون بيكدب كل ده”.

والأهم هنا هو منع وسائل الإعلام من الشغل نهائي بمعنى إضفاء سرية على حاجات الأصل فيها أنها تكون متاحة للناس، زي مثلا منع كاميرات التصوير ومنع الصحفيين من الدخول والمبرر طبعا هيكون هو أن المعلومات سرية للغاية وكشفها هيسفر عن بلاوي سودا ومخاطر الناس في غنى عنها.

وقبل الحرب على العراق كان ديك تشيني نائب بوش أشهر واحد بيأكد للصحافة أن المعلومات سرية وأنهم ممنوعين من التغطية وفي بلاد تانية ممكن يمنعوا الصحفيين أو يقفلوا الانترنت والتليفونات محمولة وأرضية عشان لما يكذبوا محدش حتى يقدر يكدبهم.

ودلوقتي عزيزي القاريء

أنا هعملك امتحان بسيط عشان اشوف فهمت طريقة الحكومات في تضليل وشحن الناس ولا لأ وهسألك سؤال واحد :

صمم حملة شرسة للنيل من وطنية كاتب الموضوع ده مع الحرص على استخدام الأدوات التالية : خيانة .. عمالة .. أجندات ورق أبيض وملون حسب البلد المنتج .. لوبي صهيوني .. قلة مندسة .. مخرب .. جاسوس لبناني .. إيراني .. إخواني .. بتنجاني .. بوس الواوا



http://www.dostor.org/economy/news/11/february/5/35933

حقيقة المجلس العسكرى مع يسرى فودة

---

عودة ضباط التعذيب..وفيديو ترحيب بضابط متهم بالاعتداء على النشطاء يشعل الغضب في الإسكندرية

بإختصار شديد يا ليلى الجيش لازم يتاخد على قد عقله حتى تسليم السلطة لرئيس منتخب وبعد ذلك لكل حادثة حديث أما الإصطدام بالجيش الأن فهو بمثابة مسمار فى نعش الدولة المصرية. أنا مشكلتى مع الجيش -بالإضافة طبعا للثلاث سنوات إلا ربع اللى ضاعوا من عمرى- أنه ليس دمويا بما يكفى ولم نر للأن جثث تتأرجح على المشانق وهو شئ يجب حدوثه للقضاء على بقايا النظام السابق وإعادة الأمن للشارع المصرى لكن مالايدرك كله لايترك كله والصبر حلو والمسألة كلها شهور معدودة.

(05-25-2011, 07:47 PM)neutral كتب:  بإختصار شديد يا ليلى الجيش لازم يتاخد على قد عقله حتى تسليم السلطة لرئيس منتخب وبعد ذلك لكل حادثة حديث أما الإصطدام بالجيش الأن فهو بمثابة مسمار فى نعش الدولة المصرية. أنا مشكلتى مع الجيش -بالإضافة طبعا للثلاث سنوات إلا ربع اللى ضاعوا من عمرى- أنه ليس دمويا بما يكفى ولم نر للأن جثث تتأرجح على المشانق وهو شئ يجب حدوثه للقضاء على بقايا النظام السابق وإعادة الأمن للشارع المصرى لكن مالايدرك كله لايترك كله والصبر حلو والمسألة كلها شهور معدودة.

لكن لا يجب الافراط فى عدد المشانق ولا يجب أخذ الناس بالشبهات والا وصلت الأمور الى أن يصبح أحدنا ضحيه مشنقه , يكفى جدا أتنين أو ثلاثه يتم شنقهم وأولهم حبيب العادلى , بعدها سيعلم بقايا النظام السابق أنهم ان لم يرتدعوا عن نشر أعمال الفوضى لافشال الثوره فان مصيرهم سيكون الاعدام .

وبعدين أنا مش فاهم احنا عاوزين ايه بالظبط ؟ يعنى كما توقعت فى هذا الشريط وكما قلت سابقا " ابحثوا عن شريف واحد بمعاييركم الجديه ليتولى منصبا قياديا فلن تجدوا " يعنى حتى واحد مثل مصطى بكرى والذى كان من أعمده الثوره زالذى قدم بلاغا للكسب غير المشروع فى حسنى مبارك عن حساب مكتبه الاسكندريه والذى يتعامل بالسحب عليه ,, اليوم يقدم فيه طلعت السادات بلاغا يتهمه فيه بالكسب غير المشروع ,,, جودت الملط رئيس الجهاز المركزى للمحاسبات خرج من الجهاز من يتهمه بالفساد وأنه تواطأ فى ادخال قمح فاسد الى البلاد ,,, عصام شرف هناك دعاوى للمطالبه باقالته بعد يحيى الجمل ,,, أخيرا وصلنا الى المشير طنطاوى ومجلس العواجيز ....

فيه ايادى خفيه بتلعب من تحت لتحت لاستمرار حاله البلبله والفوضى وفقدان للثقه بالجميع ربما تصل الأمور الى حرب أهليه وتقسيم للبلاد , وللأسف هناك من ينساق خلفها !

(05-26-2011, 06:55 AM)عاشق الكلمه كتب:  فيه ايادى خفيه بتلعب من تحت لتحت لاستمرار حاله البلبله والفوضى وفقدان للثقه بالجميع ربما تصل الأمور الى حرب أهليه وتقسيم للبلاد , وللأسف هناك من ينساق خلفها !

احتمال قائم ويتم الاعداد له، انظر الرابط :

http://defense-arab.com/vb/showthread.php?t=20775

تحتاج مصر لقبضة حديدية ومشانق تعلق على الطرقات يقيمها قائد بموافقة الجماهير ، ويمكن استخدام التكنولوجيا الحديثة فى الحصول على تصويت الجماهير بين عشية وضحاها.

(05-25-2011, 07:47 PM)neutral كتب:  بإختصار شديد يا ليلى الجيش لازم يتاخد على قد عقله حتى تسليم السلطة لرئيس منتخب وبعد ذلك لكل حادثة حديث أما الإصطدام بالجيش الأن فهو بمثابة مسمار فى نعش الدولة المصرية. أنا مشكلتى مع الجيش -بالإضافة طبعا للثلاث سنوات إلا ربع اللى ضاعوا من عمرى- أنه ليس دمويا بما يكفى ولم نر للأن جثث تتأرجح على المشانق وهو شئ يجب حدوثه للقضاء على بقايا النظام السابق وإعادة الأمن للشارع المصرى لكن مالايدرك كله لايترك كله والصبر حلو والمسألة كلها شهور معدودة.

قول سنين معدوده نيوترال
عشم ابليس فى الجنة
العسكر معسكرين فى الحكم نيوترال و مش هيطلعوا منه غير بالدم
لو حابب تفتكر ان الحرية بتتهادى بشوية انتخابات و شويه مظاهر خداعة عن حرية مزعومة فانت حر
لكن الحقيقة مختلفة تماما
انزل التحرير و انت تعرف العسكر عملوا ايه فى البلد
و لســــــه


التقسيم للبلد هيحصل بسبب مجلس الخونة مش بسبب اى شىء تانى
بسبب تواطؤهم
مين اللى بيولعها و سايبها على البحرى لكل مختل عقليا يطلع المنابر و يقول ما بدى له ؟؟؟
مين سايب قساوسه يولعوها اكتر و اكتر؟؟؟

لو على الايادى النظيفه فموجوده و كتير
بس سيبوها تظهر
و خالوا مجلس الخونه يلم الشرطة اللى طايحه فى البلد
خاليهم يعدمولهم كام بلطجى من اللى بيستخدموهم و باقى البلطجية هتتلم

---

لما نيجي نبص ع التاريخ الحديث والحروب اللي خاضتها البلد حنلاقي التالي اول استخدام للمؤسسة العسكرية والجيش المصري "المكون من مصريين في غالبيته" كان في نكبة 48. تاني استخدام كان في العدوان الثلاثي سنة 56 واللي انتهى بفضل المقاومة الباسلة في مدن القنال, وبفضل الانذار الامريكي والسوفيتي للدول المعتدية. ثالث استخدام كان في 67 وحرب الست ساعات اللي انهت وجود الاسطول الجوي المصري بالكامل "في الوسط في حرب اليمن اللي فشختنا وبهدلتنا, وكام تدخل في كام دولة افريقية". رابع استخدام كان في 73 والانتصار المنقوص عسكريا او المقوض بواسطة معاهدة كامب ديفيد المزله. خامس استخدام كان في تأجير افراد الجيش المصري لكل من امريكا والدول المتحالفه والكويت في حرب الخليج الثانيه سنة 90. "في الوسط بعض المشاركات في قوات التدخل السريع". دي اهم الاحداث العسكرية للمؤسسة العسكرية بس في جزء مهم ان الاحداث العسكرية مابقتش هي الاهم لما نيجي نتكلم عن دور المؤسسة العسكرية في مصر. في جزء اقتصادي على خلاف المعمول به في اغلب الدول فالمؤسسة العسكرية بجانب كونها مؤسسة حربية فهي مؤسسة اقتصادية رأسماليه ربحيه ضخمه وممكن نعرض لدا في اكتر من مجال: 1- مجال العقارات والاراض الجيش المصري عنده الحق في وضع يده ع اي شبر من الارض في مصر , وبيع تلك الارض عند الاحتياج امثلة ارض شركة اعمار"شركة مقاولات واستثمار عقاري امارتيه" قامت بشراء اراض من الجيش المصري في اعلى نقطة من هضبة المقطم, واللي كانت بتستخدم لسلاح الدفاع الجوي, لكونها اعلى نقطة في محيط العاصمة"القاهرة". اراض كثيرة ومتعددة في التجمع الخامس, 6 اكتوبر, الشيخ زايد الخ تم بيعها لمستثمرين مصرين واجانب. بعضها للاستثمار العقاري وبعضها مقاولات. 2-مجال الصناعة للمؤسسة العسكرية مصانع انتاج سخانات وغسالات وبوتجازات وكل ما يستلزمه عش الزوجيه من مستلزمات تقنيه وكهربائية. دا غير مصانع الميه"صافي" وزيت الزيتون وخلافه. 3-مجال السياحة والترفيه للمؤسسة العسكرية دور عسكرية بيتم تأجير قاعاتها للافراح والحفلات والولائم والعزائم دا غير الفنادق وخلافه 4-مجال الزراعه اراض ضخمه بيقوم المجندين بزراعتها وانتاج محاصيل زراعيه للتصنيع, من زيت زيتون, ومربات الخ. 5- مجال الصناعات البتروليه المؤسسة العسكرية داخله بقوة في مجال البترول وانتاجه وتصنيع واعادة بيعه كوقود في محطات بنزين خاصه بها"وطنيه, واللي بيعمل فيها مجندين الجيش المصري. 6-مجال المهن الحرفيه المؤسسة العسكرية عندها مصانع انتاجيه لانتاج العفش, والكراس ومسلتزمات فرش البيت الخ دا غير مجالات اخرى انا معرفش عنها حاجه شخصيا. يجي السؤال المهم في النهاية, مؤسسة متضخمه ومتشعبه بالشكل دا, فين الرقابة الادارية ع رأس مالها,موازنتها, ضرائبها"اللي مش موجودة", ارباحهاوخسائرها؟ مين بيحدد اوجه الانفاق, ورايحه فين, ولمين؟ وليه اصلا جيش وظيفته انه يحمي حدود الدوله الجغرافيه, وشعب الدولة دي, يكون بيتكسب من الشعب دا, ومن ارض الدولة دي ؟ يعني لما نيجي نحاسب المؤسسة العسكرية نحاسب مين فيها؟

---

الإذاعة الإسرائيلية: «باراك» يتصل بالمشير طنطاوي لمناقشة «قضايا أمنية»
http://www.almasryalyoum.com/node/464519
ياترى باراك بيتصل عشان القضايا الامنيه.... ام للتفاق على التفاصيل النهائيه قبل مناوشات الحدود


تحذير الى المشير طنطاوى والموالين له من اعضاء المجلس العسكرى

نحن ضباط القوات المسلحه نعلنها صراحه اذا تماديتم فى الاتفاق الذى تم بينكم وبين الموساد على ضرب الحدود الشرقيه لمصر.. من اجل ان تجعلوا الشعب يلعق ايديكم لحمايته .فستكون كل المعلومات العسكريه المعلومه جيدا لامريكا واسرائيل عن الجيش المصرى وتسليحه معروضه للجميع وعلى كافه المستويات.. لن تكسبوا من وراء مناورتكم هذه الا مزيدا من الخذى والعار. ولن تستطيعوا ان تتحدوا اراده الشعب. ولا تظنوا أنفسكم أذكي من الجميع أو أنكم قادرون علي المناوره والخداع والتضليل طوال الوقت. فلو استطعتم خداع بعض الناس لبعض الوقت فلن تستطيعوا خداع كل الناس طول الوقت .فهكذا كان يأمل مبارك ومن ورائه سليمان وشفيق و لم ينجحوا في ذلك وكانت النهاية هي إنكسارهم أمام طوفان الإرادة المصرية وعليه فأنتم الخاسرون حتماً : و نقولها لكم ( نضمن لكم خروج آمن من البلاد خلال أيام ) والا سيخرج الشرفاء من حيث لا تحتسبون .وإن لم تفعلوا فسترون ما لا تحبون. والعاقبه على من ادعى.

.

الله ..الوطن.. الشعب

---

ماهو البديل لعدم نزولنا التحرير
by ضباط من أجل الثورة on Friday, June 3, 2011 at 6:59pm

ايه البديل ؟؟



ايه البديل لعدم نزولنا التحرير ؟؟



ما ننزلش ..؟؟؟



طيب ايه البديل لعدم نزولنا

نرضى بالأ مر الواقع ؟؟

نرضى اننا نرجع لاسوأ من 25 يناير

فى عهد كان حسنى كان امن الدولة فقط هما البعبع

الأن اصبح امن الدولة والشرطة العسكرية والمحاكمات العسكرية والأحكام العرفية والخط الاحمر اللى يحرق وينسف كل من اقترب منه

بتقولوا فيه محاكمات ....فين دى ؟؟

حد شاف حبيب العادلى وهو بياخد 12 سنة ؟

حد شافه وهو بيتحاكم فى قتل المتظاهرين ؟

المحامى خالد ابو بكر حضر من المانيا موكلا من احد المصابين ( الطبيب مصعب الشاعر ) وارسل لحسن نفعة يقص له عن مهزلة القضاء المصرى و ماحدث من تجاوزات رهيبة تسىء الى مصر وقال ان ما حدث سبة فى جبين القضاء المصرى



فين محاكمات الضباط ؟



فين محاكمة علاء و جمال ؟؟ عندهم ارتجاف فى الاذين هما كمان ؟؟



فين دخل قناة السويس اللى كان بيروح للرئاسة ؟؟؟



فين تعديل الاجور لتواكب الغلاء واسعار السوق



فين الشباب الحر اللى بيخرج فى المظاهرات ولا يرجع لبيته ؟؟



هو ده اللى قال عليه المجلس العسكرى ( لا رجوع الى قبل 25 يناير )



و لا يقصد الرجوع لاسوأ من 25 يناير



مين حاسس باى تغيير ايجابى ؟؟



مين شايف بوادر خير ؟؟

فيه تغير فعلا لكنه سلبى جدا

تغيير فى مستوى الشوارع وانتشار القمامة بشكل رهيب

تغيير فى الانفلات الامنى والخوف من النزول ليلا ونهار ايضا

تغيير فى زيادة الفتنة الطائفية وظهور فئات دينية تحرض على العنف ضد الاديان الاخرى

مين شايف بوادر عدالة او حرية ؟؟

المجلس ضحك علينا بالاستفتاء وضيع فلوسنا ووقتنا وهو مع نفسه عمل قوانينيه وشكل الدستور

المجلس مع نفسه اصدر قانون تجريم المظاهرات اللى هو اول قانون يطلع بعد الثورة ...فعلا قمة الحرية

المجلس بيعتقل شباب البلد اللى بيطالب بالتغيير وسايب القتلة والفاسدين ...فعلا قمة العدالة

ايه البديل ؟؟

مفيش بديل لاى حر عايز العدالة والحرية غير نزوله التحرير

او ترضى بحكم المجلس العسكرى اللى عهده اسوأ من عهد النظام السابق



ميدى هيرب

http://www.facebook.com/notes/%D8%B6%D8%...1784406421

أه منك يا ليلى وآه من كل مصرى طيب القلب نقى السريرة

هل صدقت بيان (ضباط من أجل الثورة) وشعارهم الله.. الوطن .. تل أبيب

هذا جزء من الإشتغالة الكبرى لشعب مصر وجيشها وأنصحك بقراءة كتاب (قراءة فى فكر علماء الاستراتيجية) ويمكنك تحميله من هذا الرابط

http://www.almeshkat.net/books/open.php?cat=18&book=1313

والكتاب بصيغة word وأهديك مقطع صغير منه

سادسًا‏:‏ موقف الجيش المصري من الحرب الأهلية
أ ـ ‏"‏إن المتابع لأحداث أثيوبيا والصومال، يدرك أن أحد أهداف تفتيت أثيوبيا والصومال هو السيطرة الإسرائيلية على البلدين، وتدمير جيشيهما، ولا سيما الجيش الصومالي الذي مولته الدول الغربية، ولا سيما الولايات المتحدة لمواجهة المد الشيوعي في القرن الأفريقي، ولا شك أن الدور الذي قام به ‏"‏هيرمان كوهين الأمريكي الذي شغل مركز وكيل وزارة الخـارجية الإفريقية وبطرس غالي‏"‏ الذي كان في تلك الفترة وزير الدولة المصرية للشؤون الخارجية، وبصفة خاصة المسؤول عن الشؤون الإفريقية وهو تفتيت البلدين وتدمير الحبشة والصومال، وكلاهما يشكل فيهما المسلمون الأغلبية، فباستثناء القيادات العليا في المراكز القيادية في أثيوبيا فإن أغلبية الجنود من المسلمين ‏.‏
ب ـ من المحتمل تدخل قوات أجنبية إسرائيلية وغيرها لضرب الأهداف العسكرية والجيش المصري في مصر، على غرار حرب 67، مع محـاولة السيطرة على بعض القواعد العسكرية من قبل القوات القبطية والمساندة لها‏.‏
ج ـ إن من المتوقع أن تفجر عن طريق الأعمال التخريبية التي يقوم بها عملاء إسرائيل العديد من مستودعات الأسلحة في مصر، كما أن مئات الآلاف من الجنود سيواجهون حـصارًا شديدًا سيؤدي إلى تجويعهم مع بقية الشعب المصري على غرار ما هو حاصل الآن في البوسنة والهرسك والصومال وأثيوبيا‏.‏
د ـ إن إسرائيل ستتحرك في بداية الأحداث نحو سيناء، ثم تدخل لتحتل الإسماعيلية ‏(‏لأهميتها لأمن إسرائيل المائي، وتنفيذ مشروع بتأمين الماء‏)‏ وتحتل السويس بحجـة تأمين المياه الإقليمية الدولية ‏.‏
هـ ـ سينقسم الجـيش المصري على نفسه مع مرور الزمن، وسيهرب الكثير من الجنود ومنهم من سيتم تجنيـده عن طريق العصابات، ومنهم من سيشكل ميليشيات تحت إشراف أجهزة أجنبية ومنهم من سينضم إلى تنظيمات شعبية ودينية وقومية‏.‏
مصر في التوراة
إن سيناريو ما يحدث في مصر كتبه اليهود في التوراة منذ ألاف السنين، ويمكن أن تنظر إلى ما يأمل الإسرائيليون في أن يكون عليه سيناريو الحرب الأهلية في مصر‏:‏ ورد في التوراة في الإصحاح 19/3ـ17 من سفر أشعياء النبي النبوءة التالية ‏(‏ أهيج مصريين على مصريين فيحاوب كل واحد أخاه، وكل واحد صاحبه، مدينة مدينة، ومملكة مملكة، وتهراق روح مصر داخلها، وتضيع مشورتها فيسـأل كل واحد العارفين والتوابع والجن، وأغلق على المصريين في يد حاكم قاسي فيتسلط عليهم، ويجف الحياة من البحر ويجف النهر وتنتن الأنهار، وتضعف السواقي ويتلف الزرع وتجف الرياض والحقول‏.‏‏.‏ والصيادون لا يجدون صيدًا وكل من يلقي بشص إلى النيل ينوح‏.‏، ويكتب كل عامل بالأجرة، أين ذهبت حكمة فرعون، وماذا قضى رب الجنود على مصر، لقد ألقى الرب عليها روحـًا شريرة أوقعت مصر في ضلال وأضلت أبناءها، فإذا هم يترنحون كالسكران في قيئه فلا يكون لمصر عمل‏.‏ في ذلك اليوم تكون مصر كـالنساء، ترتعد وترتجف من رب الجنود وهو يهزها‏.‏‏.‏‏.‏‏)‏ ولكن ‏{‏واللَّهُ غَالِبٌ عَلَى أَمْرِهِ ولَكِنَّ أَكْثَرَ النَّاسِ لا يَعْلَمُونَ‏}‏ ‏[‏ يوسف‏:‏ 21‏]‏‏.‏
ملحوظة‏:‏ ‏"‏هذه الآية ما زالت منقوشة على جدران المساجد في الأندلس ‏"‏‏!‏‏!‏
سابعًا‏:‏ الحل النهائي لمشكلة مصر
‏"‏يرى اليهود أن تدمير مصر بثقلها السكاني هو الحل النهائي لأي مواجـهة عسكرية مستقبلية مع مصر، إذ إن اليهود يدركون أن انتهاكـهم لاتفاقية كامب ديفيد وتدميرهم للمسجد الأقصى، لابد وأن يدفع بالمصريين لخوض حرب أخرى ضد إسرائيل إن عاجلًا أو آجـلًا، ولا ينسى اليـهود أن العدو التقليدي له في مواجـهتـهم العسكرية في الأعوام 1956،‏.‏1967،1973 هي مصر العربية المسلمة، ويبدو أن حصار ليبيا وما يخطط لها، وعزل السودان عن بقية العالم العربي، والسعى لاستمرار العلاقات السيئة بين السودان والمملكة العربية السعودية، والسودان ومصر إنما هي إطار ما يُخطط لمصر والعالم العربي بأكمله‏"‏ انتهي كلام ‏"‏محمد عبد المعطي‏"‏‏.‏
تعقيب‏:‏
هذا هو المقال الذي نُشر نَصًّا في مجلة ‏"‏عرب تايمز‏"‏ والذي راح ضحيتـه كـاتب هذا المقال لأنه أراد أن ينبه الأمة إلى الأخطار المحدقة بالأمة، وما يدبره أعداء الإسلام للأمة الإسلامية، بل إن رئيس التحرير الذي نشر في عهده هذا المقال قد أقيل من منصبه، وهذا المقال يعتبر تنبيهًا لأخطار محدقة وقى الله مصر والعالم الإسلامي شرها‏.‏

كنت اظن البعض وطنيا طيبا ولكن يبدو اننى قد خدعت ، وا حسرتاه علينا وعلى ما يحاط بنا ويحاك لنا (من اقوال الامام مودى الامام)

(04-16-2011, 05:22 AM)عاشق الكلمه كتب:  صدقنى بعد الانتهاء من مبارك سيأتى دور المشير طنطاوى , وبعد الانتهاء من طنطاوى سيأتى دور النائب العام والأن هناك كلام عن المطالبه باستقاله يحيى الجمل ومش بعيد بعدها المطالبه باستقاله عصام شرف وسنظل فى تلك الحلقه المفرغه وده كله بسبب الخوف من الاتهام بمعاداه الثوره ! وايه يعنى معاداه الثوره ؟ وافرض أنى راجل شايف أن مبارك نظامه أفضل كثيرا من الثوره وتوابعها فهل تلك تهمه تستحق العقاب ؟ والى متى ستستمر سياسه فرض الرأيى بالضغط والاعتصام؟

وقد جاء دور المشير طنطاوى ويطالبون بمحاكمته وأعدامه , وقبلها طالبوا بأقالة يحيى الجمل وقد حدث , وطالبوا بأقالة عصام شرف الذى جاء وأستمد شرعيته من ميدان التحرير :



سبحان من يغير ولا يتغير