اقتباس:  katz   كتب/كتبت  
عارف يا كولمبو ..لو انت عايز تجننى و تجعلنى افرقع قل لى هذه العبارة  

لا طبعا مش عايزك تفرقع

اقتباس:  katz   كتب/كتبت  

اقتباس:و لكن كيف تضمن عدم وصول مهبول متخلف إلى السلطة عن طريق صندوق الإنتخابات؟

يعنى اشمعنى العالم كله يصل فيه الحكام الى الحكم عن طريق الانتخابات و تييجي لحد عندنا احنا و تقف العملية
هذه العبارة يستخدمها الافاضل حكامنا لكى يستدلوا بها اننا قصر و لا نعرف مصلحتنا مثلهم
و بعدين يا سيدى هى المانيا كفرت بالانتخابات بعد هتلر و لا لسة لحد دلوقت بيحكموها بالانتخابات؟
و بعدين يا خويا المهابيل المتخلفون مسكوا السلطة بالانقلاب و التعيين و التوريث ما يمسكها كمان واحد اهبل بالانتخابات هنخسر ايه تانى
يا كولمبو احنا خلاص فى الحضيض بس من تحت خالص..لم يعد لدينا ما نخسره

أعتقد انه حصل سوء فهم. ما كنت أقصده اننا بوضعنا الثقافى المعرفى الحالى لا يمكننا أبدا الحفاظ على هذه الديمقراطية. كيف تحافظ على الحرية و انت ببلد 45% من سكانها لا يعرفوا القراءة و الكتابة؟ كيف تحافظ على الحرية و انت ببلد يؤمن نسبة كبيرة من سكانها بالدجل و الشعوذة و الخرافات؟

أعتقد ان الهدف الحالى لأى مفكر يجب أن يكون القضاء التام على أمية هذا الشعب أو على الأقل رفع نسبة المتعلمين إلى أعلى من 80% مع تقديم وجبات ثقافية مكثفة لرفع الحس الفكرى عند هذا الشعب المتخلف هذا يجب ان يكون مصحوب ببرنامج إقتصادى محدد الأهداف و المدة حتى و إن قامت القيامة بكرة. و إلا فعلى مصر السلام.

اقتباس:  katz   كتب/كتبت  
اعتقد ان الحصن الحقيقى الذى يضمن لنا الحياه الكريمة هو دستور راقى يليق ببلد هى اصل الحضارة و التقدم فى العالم :P
و اليات فاعله لحفظ هذا الدستور و صيانته عن ان تعبث به اى سلطة او مؤسسة فى مصر حتى لو كانت رئاسة الجمهورية ثم .... (و أه يانى من ثم ) شعب واعى على استعداد للموت دون العبث بدستوره و حريته و ليس شعبا تجمعه زماره و تفرقه عصايه

:9:

تعليم و تثقيف الشعب هو ما يضمن لك و لى و لكل مصرى الحياة فى سلام و حرية.

اقتباس:أعتقد انه حصل سوء فهم. ما كنت أقصده اننا بوضعنا الثقافى المعرفى الحالى لا يمكننا أبدا الحفاظ على هذه الديمقراطية. كيف تحافظ على الحرية و انت ببلد 45% من سكانها لا يعرفوا القراءة و الكتابة؟ كيف تحافظ على الحرية و انت ببلد يؤمن نسبة كبيرة من سكانها بالدجل و الشعوذة و الخرافات؟

سيبك من حكاية الخرافات يا كولمبو كل العالم بيؤمن بيها و بيتقدم و مافيش مشاكل ..حتى ريجان و مراته كان لهم عراف لا يقطعان امرا من دون مشاورته

اما عن حكاية تعليم الشعب و تثقيفه فمش هنخلص ..و الديموقراطية يج ان تكون الان و ليس كمان نصف ساعة

عارف انا لى رأى فى موضوع الامية دى ...التصويت فى الانتخابات يكون حقا لمن يحمل الابتدائية مثلا او الاعدادية او حتى حاصل على شهادة ال ICDL جايب فى التوفل 550 مثلا :D
و نبطل حكاية البصمة و الرمز الانتخابى و الفضايح دى
من يريد ان يكون له صوت انتخابى يجب ان يتعلم و على الاقل يكون معاه محو الامية اما اذا كان حابب يظل امى فسيبه يقعد زى شوال البطاطس لأنه فعلا هيبوظ الانتخابات

اقتباس:  katz   كتب/كتبت  
اما عن حكاية تعليم الشعب و تثقيفه فمش هنخلص ..و الديموقراطية يج ان تكون الان و ليس كمان نصف ساعة

عارف انا لى رأى فى موضوع الامية دى ...التصويت فى الانتخابات يكون حقا لمن يحمل الابتدائية مثلا او الاعدادية او حتى حاصل على شهادة ال ICDL  جايب فى التوفل 550 مثلا :D
و نبطل حكاية البصمة و الرمز الانتخابى و الفضايح دى  
من يريد ان يكون له صوت انتخابى يجب ان يتعلم و على الاقل يكون معاه محو الامية اما اذا كان حابب يظل امى فسيبه يقعد زى شوال البطاطس لأنه فعلا هيبوظ الانتخابات

مش عارف اقول ايه.. جزء منى يرى ماتقوله صحيحا و الجزء الآخر يأسف على ما سيحدث لهؤلاء الـ 45%.

بس خلى بالك ان الديمقراطية الآن ستجلب لك هتلر آخر

:what:

اقتباس:بس خلى بالك ان الديمقراطية الآن ستجلب لك هتلر آخر

و لا تنسى ان عدم الديموقراطية بالفعل جايبة موسولينى :o

كولمبو اقول لك الخبر الوحش

الاخوان قادمون طالما فيه ديموقراطية بغض النظر عن تعليم الشعب اوثقافته

بص على النقابات تلاقى كلهم اخوان

المصريين اول ما يسمعوا الاسلام هو الحل على طول يغمضوا و ينتخبوا على طول و دى مشكلة ..لازم نفكر و نحاسب و نختار صح و لا نمضى على بياض لاى شخص

بالنسبة لى هى مرة و احدة انتخبت قائمة فى سنة اولى بالجامعة تحمل هذا الشعار و بعدما رأيت رذالة الناجحين بها ما كررتهاش ابدا ..
و بعد عدة سنوات تدخل الامن و جاء بطلبة معينيين باتحاد الطلبة و ساعتها يا عزيزى عرفت ان الله حق و الاخوان افضل 100 مرة من المعينيين من قبل الامن

اعتقد اننا لابد ان نرضى بقرار الاغلبية حتى لو جاء ضد رغباتنا:rose:

:what:

الشعب كتب شيك على بياض للإخوان... ربنا يستر

سلام محبه

يا اخوانى موضوعكو المولع دا كبير اوى ومش بيفهم اللى يقول عليه مقتول بحثا .

مع كل وقتى للاسف ضيق دلوقتى بس بوعدكوا بعوده مع رد كويس .

ولكن الخطوط العرؤيضه هى التالى :

العقل الجميل مكبر الموضوع سنه صغيره لكن عنده حق يحبط

البيرت كاموس (( او البير كامى كما يحب )) متباسط اكتر من اللازم

كولومبو طبعا جاب من الاخر

بصراحه انا كمسيحى ارى ان العهد الاخوانى القادم سيؤدى الى اسوأ ما ستراه البلاد من اضطرابات وقلاقل وهذا اعتقد ما يريده العالم الاخوانى والعالم الخارجى بالفعل .

فالخارج سيريد التدخل فى مصر تحت اى ستار ولو كان (( حمايه الاقليه المسيحيه )) احنا يعنى :)

والعالم الاخوانى سيريد العوده الى السلف والجهاد والخ من هذه الاشياء التى ولى زمانها مما بالقطع سيعنى المزيد والمزيد من الضيق الاقتصادى ثم فتن ثم بالنهايه حروب ثم ياتى المسيح على سحاب المجد ليختطفنا ان كنا احياء :):)

وللحوار بقيه وسلام ونعمه

اقتباس:  توما الرائى   كتب/كتبت  

والعالم الاخوانى سيريد العوده الى السلف والجهاد والخ من هذه الاشياء التى ولى زمانها مما بالقطع سيعنى المزيد والمزيد من الضيق الاقتصادى ثم فتن ثم بالنهايه حروب ثم ياتى المسيح على سحاب المجد ليختطفنا ان كنا احياء :):)

يا حلاوة ... و هييجي الساعة كام لوسمحت علشان لو وراريا ميعاد و لا حاجة ؟

يا أستاذ توما أنا مش عارف إزاي بتتكلم باليقين ده ؟!!
و إزاي قدرت تدخل معتقداتك الدينية في توقعاتنا السياسية ؟
و على فرض كون التنبؤات المسيحية صحيحة أنا لا أعرف ما الذي يجعلك تتوقع أن المجئ الثاني قريب و بعد الإخوان ..

سيبك من الحكايات ديه شوية لوسمحت و خلينا في الإنتخابات و الإخوان و الحزب الوطني !!!

و سلام

اهلا يا سى عقل جميل

اقتباس:  Mr. Beautiful Mind   كتب/كتبت  
يا حلاوة ...

حلاوه اتجوز حلاوتهم وانت متعرفش

اقتباس: و هييجي الساعة كام لوسمحت علشان لو وراريا  ميعاد و لا حاجة ؟

لا دى مش مشكله

اقتباس:يا أستاذ توما أنا مش عارف إزاي بتتكلم باليقين ده ؟!!

انا راجل عندى يقين .... فى مشكله عندك انت فى كدا ؟؟

اقتباس:و إزاي قدرت تدخل معتقداتك الدينية في توقعاتنا السياسية ؟

بجاحه يا اخى انت ايه مشكلتك .؟؟

اقتباس:و على فرض كون التنبؤات المسيحية صحيحة أنا لا أعرف ما الذي يجعلك تتوقع أن المجئ الثاني قريب و بعد الإخوان ..

تسمعون عن اخبار زلازل ومجاعات و ....... حروب

اقتباس:سيبك من الحكايات ديه شوية لوسمحت و خلينا في الإنتخابات و الإخوان و الحزب الوطني !!!

انا فيها والمسيح اذا مكنتش انت واخد بالك :)

اقتباس:و سلام

سلام ونعمه

:)