الحلبي المحشش!

هاد مرة موظف حلبي وقف عند السمان يلي بيحارتو واشترى شوية غراض

وعند ما طلب من السمان أنو يسجلهن عليه بالدين رفض السمان

وقلو ما بتعامل انا إلا بالكاش موني

فقلو الموظف متعجب: بدك كاش؟؟

قلو السمان أي ليش لأ؟

فجاوبو الموظف

لأنو الكاش غير متوفر بالأسواق المحلية

لأنه تجمع بأيدي شلة من الحرمية

والحرمية صارو كتار

والكترة غلبت الشجاعة

والشجاعة كنز لا يفنى

والكنز موجود بالمغارة

والمغارة ما بتفتح إلا لعلي بابا والأربعين حرامي

والأربعين حرامي صارو ملايين

والملايين عم تندفع لضعاف النفوس رشوة

والرشوة صارت حق

والحق يا حسرتي ضاع

والأكل ما عاد منو غذاء

والغذاء مقابل النفط

والنفط جاب البلا على روسنا

وروسنا تمرمطت بالأرض

والأرض مقابل السلام

والسلام صار استسلام

والاستسلام ضيّع الكرامة

والكرامة خسر أدام الوحدة

والوحدة صارت حلم

والحلم سيد الأخلاق

والأخلاق تحولت لنفاق

والنفاق جمع نفق

والنفق لازم يتكمّل

ولحتى يتكمّل بدو متعهد بناء صالح

وصالح ما عاد بهالأيام

وبهالأيام صارت المفاهيم مقلوبة

والمقلوبة بدها بيتنجان ولحمة

واللحمة ماعادت تفوت لبيت الفقرا ولو نطحو الحيطان

والحيطان صار ألها أدان

والأدان معبية البلد

وهالبلد صار في أكل هوا

والهوا صار في تلوث

والتلوث عشعش بالنفوس، والسجل المدني والقضاء

وللقضاء على القضاء صار بدو قضاء وقدر

والقدر علينا مكتوب

والمكتوب ما في منو هريبة

والهريبة تلتين المرجلة

والمرجلة ما عادت لكل واحد

وكل واحد ألو ساعة

والساعة أتية لا ريب فيها

يوم يأخذ كل ذي حق حقه اللي شفط منه في الدنيا

وعلى الدنيا السلام مشان الحصول على الأختام

والأختام عند المدام

والمدام كانت شامية وهلأ صارت روسية شقرا

والشقرا بتهز الأرض

والأرض بتتكلم عربي

والعربي ماحدا بيقدر عليه غير الله

والله اذا منضل على هالحالة لتسحبنا الكلاب

والكلاب أحسن من البني آدم

وآدم علق علقة مسخمة مع حوا

وحوا ما بتعرف غير كلمة بدي

وبدي ألعن أبو هالحالة

بطلت اشتري
:nocomment:

إسماعيل أحمد · 05-31-2006, 01:01 AM

واحد **حمصي** ينصح ابنه الكسلان قبل امتحان اخر السنه

قلوا: يا* ***إبنـــي امتحاناتك قربت وقدامك طريقين :

يابتنجح يابترسب **
اذا نجحت خير وبركه **
اما اذا رسبت فقدامك طريقين **

يابتصيع بالشوارع او بيشحطوك ع العسكرية* ***
اذا صعت** **مو مشكلة
اما اذا شحطوك ع العسكريه فعندك خيارين**

يابيفرزوك عالدفاع المدني أو بالصاعقة** **
اذا فرزوك بالدفاع** **المدني بيكون الله يسرلك* ***
اما اذا فرزوك عالصاعقة فقدامك خيارين **

يا بيحطوك بالقوات الاحتياطيه او على الجبهه** **
القوات الاحتياطيه ممتازة كتير** **
اما اذا حطوك على الجبهه** **فعندك احتمالين **

يا بترجع بالسلامه اوبتصيبك شي قذيفة ****
اذا رجعت حميد ربك ع السلامة** **
اما اذا ضربتك قذيفه ففي** **حالتين **

يابطييب **
يابتموت** **
اذا طبت بيكون الله ****كاتبلك عمر **
اما اذا مت فقدامك طريقين **

يابتاكلك **الكلاب يا أما بتتعفن** **
اذا اكلتك الكلا ب مو مشكلة* ***
اما اذا عفنت فقدامك طريقين**

يابياكلك الدود يا بتتحول* ***لنفط **
اذا أكلك الدود منيح كتير **
أما إذا تحولت **لنفط فقدامك طريقين**

يابيصدروك نفط خام او رح يكرروك في مصفاية* ***للنفط
اذا صدروك خير وبركه **
اما اذا كرروك فقدامك **طريقين**

يا بيحولوك لزيوت ثانوية او لمواد تنظيف* ***
اذا صرت زيت شي منيح* ***
اما اذا حولوك مواد تنظيف فقدامك* ***طريقين **

يا بتصير صابون او بتصير ورق تواليت** **
اذا صرت صابون خير وبركه** **
اما اذا صرت ورق تواليت* ***
والله يا إبنـــي رح تاكل خــــــــرى عالمزبوط**

**EBLA** · 05-31-2006, 02:38 AM

:lol:

ولو انها قديمة، بس طلتك بتستاهل زلغوطة:
أوييييييييييييييييييها واسماعيل علينا طل
أوييييييييييييييييييها ويا بدر علينا هل
أوييييييييييييييييييها وجايبلنا نكات عتيقة
أوييييييييييييييييييها وضحكنا ت هون يضل
لللللللللللللللللللللللللللللللللللللللللللللللللللللللللللللللللللللللللللليش

أوييييييييييييييييييها ويا سمعة نحنا رجالك
أوييييييييييييييييييها شو اللي جاي ع بالك
أوييييييييييييييييييها وان كان بدك رقبة إيبلا
أوييييييييييييييييييها مندبحلك ياه كرمالك
لللللللللللللللللللللللللللللللللللللللللللللللللللللللللللللللللللللللللللليش

أوييييييييييييييييييها ويا سنون اضحكو وبيّنو
أوييييييييييييييييييها اسماعيل هون يا شباب زيّنو
أوييييييييييييييييييها ولو حتى حكى نكات عتيقة
أوييييييييييييييييييها منضحكلها كرمال عينو
لللللللللللللللللللللللللللللللللللللللللللللللللللللللللللللللللللللللللللليش

لا تصدق، حلوين ... بس الاستفزاز أحلى :D

:redrose:

Deena · 05-31-2006, 12:40 PM

حتى لايظن الحجي أن أحدا لم يعبره غير إيبلا

فهناك أنا أيضا

لك أهلين بك في ساحة "فصفصة البزر من اختصاصنا"

العلماني · 05-31-2006, 01:06 PM

:lol2::lol2::lol2:

روعة "اسماعيل" ...

وبدك الجد؟

خسارة أنك "أخونجي" (يا زلمه أنت من الداخل أكثر "زندقة" مني، شو آخذك عند الاخوان المسلمين؟ .... لك والله العظيم طالع متل اللي ما لاقى شي يغطي فيه المقلى، قام حط فوقه كيس بلاستيك :)) ...

خذ لك هالخسة الحمرا (باعتبار الحمصية هون

:redrose:

واسلم لي
العلماني

Deena · 05-31-2006, 01:15 PM

ليش الحجي أخونجي؟

مين قالك هالكلام........ هذا افتراء وربما إشاعات فقط

ياعلماني يامفتري

يعني إذا الواحد كان مؤمن وبيفهم بالدين بتسموه إخونجي
وإذا بيسمع لنانسي بتسموه زنديق
وإذا بيعجبه غيفارا بتسموه ماركسي
وإذا قال أنه النظام السوري أحسن من غيره بتقولوا عنه ديكتاتور
وإذا سب الحكومات العربية بتقولوا متأمرك صهيوني

لكان إذا حلل البول وحرم العرق شو بتسموه؟

لاتكونوا بتسموه حمصي

هادا الناقص

حسان المعري · 05-31-2006, 01:22 PM

اقتباس: العلماني كتب/كتبت
:lol2::lol2::lol2
خسارة أنك "أخونجي" (يا زلمه أنت من الداخل أكثر "زندقة" مني، شو آخذك عند الاخوان المسلمين؟ .... لك والله العظيم طالع متل اللي ما لاقى شي يغطي فيه المقلى، قام حط فوقه كيس بلاستيك :)) ...

:9:
بشرفي يا سندي هيك مرة حكيتله ، قلتله انت يا اما أزعر متأخون ، يا إخونجي أزعر ، يا أما أزعر وعامل فيها إخونجي ..

والصحيح يعني ، الحجي بينفع للتلاته مع بعض ، خاصة بعد ما بلغنا من أخبار وعلومن سنعه ;)

روح ، إلهي يطعمني الي طعمك
:devil:

:redrose: لزوم ما يلزم

تيامت · 05-31-2006, 02:07 PM

انا شخصيا عجبوني كثير يسلمو ايديك يا سمعه :lol:

vodka · 11-08-2009, 06:23 PM

عجبني الحكي

قلت لحالي

ارفع الموضوع

2141521

العلماني · 11-08-2009, 09:28 PM

ههاهاها، شكراً "فودكا" ...

نفسي والله أعرف إذا كان "اسماعيل أحمد" صار "علماني" ولا بعدو؟ لك والله مستخسرو بالإخوانجية أنا ...

وردة للحجي وجميع من شارك وخصوصاً واحده أول حرف من اسمها "دينا" Smile

...

واسلموا لي
العلماني

تسجيل الدخول
اسم المستخدم:
كلمة المرور:	فقدت كلمة المرور؟
	تذكرني

المواضيع المحتمل أن تكون متشابهة…
الموضوع		الكاتب	الردود	المشاهدات	آخر رد
	اللاجئون السوريون في مصر عندما يرحلون إلى أوروبا	بسام الخوري	0	393	11-03-2013, 07:13 AM آخر رد: بسام الخوري
	المسيحيون السوريون في المهجر ( 2 )	seasa1981	0	1,151	08-22-2010, 09:32 AM آخر رد: seasa1981
	هل يختلف السوريون عن القطط والأرانب ???....كان الله بعونك يا بشار الأسد	بسام الخوري	0	647	07-15-2010, 07:17 AM آخر رد: بسام الخوري
	المشايخ يضحكون	vodka	5	1,162	11-09-2009, 12:17 AM آخر رد: Free Man
	السوريون عبر العالم	ابن سوريا	26	3,158	04-08-2008, 10:25 AM آخر رد: vodka