لاول مره اقرا واقرا بشغف متمنيه ان لا اصل للنهايه

كلمة شكر قد تبخسك بعض حقك علينا وسنبقى مدينين لك بلحظات السعاده التي منحتنا اياها في احداث اسعدتنا بالرغم مماتحملها من مراره

دمت سالما يانيوترال وافرا بعطائك وموفقا باذن الله

تحياتي
نيلوفر

[CENTER]يرفع [/CENTER]

[CENTER]وراك وراك يا نيوترال لحد ما تكمل والا تقول بس خلاص زي شعبولا:lol:

[SIZE=4][CENTER]نهضنا كالعاده ودخلنا الحمام وخرجنا منه على طابور الصباح وخرج علينا الصول عبدالمجيد مساعد مكتب الأفراد وكتب التمام وقمنا بتحية العلم ثم عدة دورات حول أرض الطابور أعقبتها تمارين الصباح ثم ذهبنا إلى الميس لنتناول العدس أو الفول .. معذرة لا أذكر أيا منهم تناولنا ثم عدنا إلى العنبر وخرجنا منه إلى طابور الشغل فى تمام 8.45 ...

كل هذا روتين يومى والفارق كان فيما حدث بعد طابور الشغل حيث تم أختيارى مع زميل آخر علشان نروح مع سيارة الشؤن نبدل غاز أو تحديدا أنبوبتين غاز من الحجم الكبير ووقع الأختيار على السياره الزيل 130 وهى سياره لورى روسية الصنع موديل الحرب العالميه الثانيه وخرج معنا الشاويش طاهر المسؤل عن الشؤن ( الأمداد والتموين ) والضابط محمد السيد ضابط الحمله والشاويش ماجد سائقا
نشرح الموضوع ممنوع أى سياره عسكريه تخرج من أى وحده إلا إذا كان فيها ظابط والشاويش طاهر هو المسؤل عن أجراءات الأمداد والتموين وأنا وأحد الجنود اللى هنفرغ ونحمل واتضح بعد كده اننا هنغير الغاز من معسكر أمداد وتموين فى التل الكبير أسمه عزت شرف أو عادل شرف مش فاكر والوحده كانت فى القصاصين والمسافه اللى بين الوحده والمعسكر حوالى 40 كم لو سلكنا الطريق الرسمى ولكن الطريق الرسمى عليه حولى 4 نقط شرطه عسكريه كل نقطة شرطه عسكريه هتفتش وتخالف السياره واعلم عزيزى القارئ اننا هنتخالف هنتخالف لا مفر حتى لو كانت السياره طالعه من المخازن نوفى والطقم تم استقدامه من أكاديمية كمبريدج لأن الشرطه العسكريه ببساطه أكل عيشها من المخالفات دى ما عاملين زى قطاع الطرق لو محمل تعيين لازم تديهم زيت وسكر وشاى ولحمه وفاكهه يعنى من كل صنف حاجه لو محمل غاز يبقى لازم يدوك انبوبه فاضيه وياخدو واحده مليانه لو محمل مهمات يبقى لازم ياخدوا فانيلات وشربات المهم انهم عاملين زى بتوع الجمارك فى مصر وخصوصا الجمرك خالد الذكر جمرك بورسعيد لو معكش أى مصلحه يقلبوك فى الفلوس وده عن طريق المخالفات وتخيل سياره موديل سنة 1940 يطلعو منها كام مخالفه واضربهم فى أربع نقط شرطه عسكريه فى الذهاب واربعه فى العوده لأن أحتمال تغيير الخدمه قائم بنسبة 90 % ولذلك فسلوك الطرق الفرعيه حتميه أستراتيجيه والنتيجه أن الطريق زاد الضعف والـ 40 كم أصبحوا 80 كم ذهاب و80 كم عوده وبحسبه بسيطه نجد أن تكلفة تغيير عدد 2 انبوبه فاضيه بأخرتان مملوئتان هو 40 جنيه يومية الضابط على أساس أن مرتبه 1200 جنيه + 40 جنيه يومية شاويش الشؤن وشاويش الحمله (السائق) على أساس أن مرتب كل منهم 600 جنيه + 20 جنيه ثمن 20 لتر بنزين استهلكتهم سياره زيل 130 خلال مسافه 160 كم يساوى 100 جنيه بالتمام والكمال مع أهمال الكلبين ( انا وزميلى ) من الحسبه مع أنه بالأمكان تغيير الأنبوبتين من المستودع المدنى اللى بجوار الوحده بـ 12 جنيه فقط

ولله الأمر من قبل ومن بعد

ساحر يا نوترال

Array
Jul 12 2005
تحياتي وسأكمل الموضوع بعد عودتي من الأجازة
[/quote]
:)

الأجازة طولت قوي

أصل أنا لو واصلت الهرتلة هشتم وأقل أدبي, ساعات أجد النقد والشتيمة لامعني لهم وأفضل للإنسان أن يوقد شمعة بدلا من أن يلعن الظلام وساعات ببقي في مود الشتيمة وقلة الأدب فأنتظرني ياعوليس حتي أصبح في مود الشتيمة وربنا يقدم اللي فيه الخير.

مش عارفه جيران إيه دول اللى مسافرين و سايبينى اخد بالى من شقتهم لحد مايرجعوا كل دا لوحدى:angryrazz:
هو لازم يعنى شتيمة دايماً ماينفعش ضرب:D

اتصادف اني اليومين دول بخلص الاعفاء (وخلصتها خلاص) .. والامر ليس بسيطاً كما قد يبدو .. فعلا بيطلعوا عين البني ادم .. لكن اخجل من عرض تجربتي بجانب تجربة نيوترال الثرية:D(قال يعني ليا تجربة اصلاً).

-"اقعد".
قالها لي بلهجة امرة عسكري واقف علي الشباك بعد ان اعطيته رقم المراجعه بتاعتي..
وجلست افكر..
لما كنت بقرا عن الحرب الاهلية الامريكية ..جاء دور الحديث عن التجنيد الاجباري او مايسمي بالConscription هم يعتبروه عيب علي مايبدو والظاهر حاسين انه في نوع من sense of insecurity للدولة اللي تعمل كده ، الكونفيدرالية لم تلجأ للتجنيد الاجباري الا باخر الحرب عندما اوشكت علي الهزيمة اما الشمال فلم يلجأ له ابداً، وبذلك فامريكا عمرها ما لجأت له بتاريخها.

مش عارف ايه فايدة التجنيد الاجباري بالضبط؟ و الغريب انهم رابطينه بالمواطنة فانت لايطلعلك اي ورقة بدءا من البطاقة الشخصية وحتي الجواز مرورا بكل المعاملات بينهم الا بالتجنيد وانا اسأل لماذا؟

الجيوش الحديثة تعتمد نواة صغيرة من جنود مدربين جيداً ، كل هذا الهيلمان ليس له اي فائدة فعلاً ويمكنهم توفير مصاريف تدريب كل هذه الاعداد لانتاج عسكري مصري مدرب تدريب متفوق وقادر علي جماية الوطن بجد .
جاء العسكري ومعه البشري السارة جدا..
البيه المراجع مش مصدق ان اختي هي انثي فعلاً لان اسمها وسام ويحتمل ان يكون ذكر ، ورغم انه مكتوب بوضوح في قيد العائلة نوع: انثي .. لكن تفهم في مين؟ المراجع مصمم اني اجيب شهادة ميلاد وسام.
ومش مسألة مصمم .. انت تنفذ اللي بقوله وخلاص.. والا تتشد معانا هنا...
كل ده في مكان محدوف برا العمران ..اسمه وياللتناقض"العامرية".. ساعتين رايح وساعتين من مدينتي.. لا وايه تراب من اللي هوه ..
حسيت انهم مش عايزين حد يفلت منهم بالساهولة دي..لازم تتلطش معانا برضه ..مشوار مشورين زيادة ..ايه المشكلة؟
لا وايه.. لما اجيب الورقة الناقصة.. يكون معاد المراجعه بعدها باسبوع..
مستعجل ليه يا اوستاز؟
كان بيبقي شعور وسخ اوي وانت راجع بسبب جحشنة احدهم خصوصا انك مقتنع ان احدهم ده اصلا شغال في مؤسسة ملهاش لزمة اوي.. جحش زي ده المفروض ميمسكش اي ورق ليك ولا يبقي ليه اي سلطة من اي نوع عليك ..