الآن أصبحت المسألة أمام محطات خارج مصر بأنها من تنظيم البرادعي !!

http://www.alarabiya.net/articles/2010/0...12267.html

يعني لا توجد رزالة أكثر من هذه وتلقيح جتت على الشباب ..
شخص بدأ يفشل وشعبيته حاليا في أسوأ مراحلها ، يحاول أن يتسلق مرة أخرى عن طريق حشر نفسه في مظاهرة اليوم ..
المرة الجاية لازم تعملوا تصميم فوتوشوب يقول : لو انت شخصية سياسية خليك في البيت ... بلاش تلزيق وتسلق على جثة خالد سعيد .. واحترم موته وريحنا منك !

والله يا بلو
أنا كمان سمي بيلعب " من السم " على فكرة هذا تعبير شامي صرف
الكل عايز يخطف قهر وعذاب الناس الغلابة وجايين بالآخر يحصدوا
يعني البرادعي جاء الآن بعدما انتهى عقده مع منظمة الطاقة الذرية ؟؟
علشان هو ما يقدرش يقعد من غير شغل زي ما صرح
شفت كمان أيمن نور
يللا تورته وكله عايز يلحق يلهط
عايزين نشوف من الذي سيصمد للآخر

انا رجعت
بس بشكل سريع
كل شىء كان هادى إلا فى الاخر
ابتدوا كلاب الحراسة الى هما المخبرين اللى زى البلدوزر يظهروا نفسهم كتخويف لنا
و لما وقفنا شويه فى اخر الوقت و طولنا فى الوقفة وصلت عربية امن
هههههههههههههه
يخرب بيتهم ايه الهبل دا
كنا تقريبا من 40 ل50 بين شباب و بنات زى الورد فى العشرينات و دول كانوا الاغلبية ويمكن 90%
و بين عائلات و بيت سيدات فى التلاتينات و الاربعينات و كان فى ست كبيرة فى السن يا رب يبارك لها فى عمرها بتمشى بالعافيه بس نزلت و وقفت معانا
لكن ما تخيلتش ان حتى العدد الصغير دا اللى مابيعملش اى شىء غير قرأة القرآن او حتى الوقوف فى صمت او الدردشة البسيطه بين البنات انه يخوفهم كدا
بمجرد ما عديت الساعه 7 و نص ابتدا الامن يتواجد
طبعا سمعنا كلمه يالا اتحركوا عربية الامن وصلت و يا فكيك
هاروح اشوف باقى الاخبار و بمجرد ما انزل الصور و الفيديو هحطهم تشوفها
سلام مؤقت

---

(06-25-2010, 06:03 PM)نسمه عطرة كتب:  ليلى يا عزيزتي
طبعا لم تنزلي بعد الى الشارع
خلوا بالكم من بلطجية فيهم سيدات متأجرين من بعض حيتان رجال الأعمال وانت عارفة أنا باقصد مين
هؤلاء يحملون الشر فعلا ,,,
مجهودك رائع أحسدك عليه
دعائي لكم من الأعماق بأن تمر عليكم بدون أن تستفزوا من هؤلاء النسوااااااااااااااااااان

نسمة الغاليه شفت كلامك دلوقتى
يا ريتهم نزلولنا اللى بتقولى عليهم دول
دول نزلولنا حاجات كدا مالهاش وصف
والله لما شفتهم ماخفتش بالعكس حسيت ان لو حد فيهم بس لمس اى شاب او بنت او اى حد من اللى واقفين كان ممكن انط فى كرشهم و اللى يحصل يحصل
شىء كدا مقزز و مقرف
عباره عن بغال استرالى
جاتهم القرف
والله الناس ما بقيتش تخاف يا نسمه
انا كان معايا بنتى الصغيره بس اشجع عيالى هههههههههه و ماخفتش عليها
بقيت هى بتصور اللى واقفين
احنا فى الاخر بس اتفرقنا بسرعه علشان ما نديهمش اى سبب لتبويظ الوقفه
و اعتقد كان فى ظابط بلبس مدنى واقف لأنه ماكانش لابس اسود
بس العجيب انه قال لنا مبروك لما خلصنا و فضل مستنى لحد ما اتفرقنا
بس كان عمال يتنقل من مكان للتانى بينا
مااحنا طبعا ما التزمناش بالتعليمات كالعادة
فى الاخر اتجمعنا و سلمنا على بعض و اتصورنا و لما طالت الوقفه قالوا لما نخوفهم بقا بعربيه امن
فكله مشى
الحمد لله انا شخصيا مبسوطه و مرتاحه
حتى لو كان اللى عملناه شىء بسيط و مش هيجيب نتيجه غير على المدى البعيد

(06-25-2010, 09:17 PM)-ليلى- كتب:  و اعتقد كان فى ظابط بلبس مدنى واقف لأنه ماكانش لابس اسود
بس العجيب انه قال لنا مبروك لما خلصنا و فضل مستنى لحد ما اتفرقنا

قريبي رائد شرطة في أحد الأقسام ، وهو قرفان من وزير الداخلية ومن البلد أكثر من أي مواطن عادي

حمد الله عالسلامة

الله يسلمك بلو دايمند
سلملى على قريبك اوى و قوله الله يكرمك استقيل
كان ليا جار فى السكن القديم برضوا ظابط شرطه
ماقدرش يكمل و طلب نقله لأى شىء ادارى بعيد عن التعامل مع الناس
لأنه ما قدرش ينفذ التعليمات
انا عارفه ان فى ناس كتير من الظباط كويسين لكن للاسف تأثيرهم ضعيف

دى شويه صور من المحافظات
الصور كتير اوى


رجالة وستات كبار وصغيرين .. كلنا مصريين فيا سكندرية


شباب اسكندرية فى كليوباترا



رجالة بورسعيد


بنات بورسعيد



كوبري ٦ أكتوبر في القاهرة!



كوبري الجامعة في القاهرة واستمرار المضايقات الأمنية

---

وقفة كوبرى الجلاء بالقاهرة أمام شيراتون القاهرة



وقفة الإسماعيلية



أسيوط



شباب المنصورة

الصور فوق الرائعة
الالبوم كله هنا
بس دول اكتر صور شدتنى



الله عليكم يا شباب مصر في دبي!



رغم الإعاقة اللي بيعاني منها لم تمنعه من المشاركة في الوقفة .. نفسي نتعلم منه



ربنا يحميك يا رب .. ويا ريت كلنا نتعلم منه
ده من وقفة كورنيش المعادي الوضوع كان هادي بس كنا مش كتير بس الحمد الله كل يوم في ناس بتفوق اكتر من الاول وده الصور وكان معايا واحد على كرسي متحرك ربنا يكرمه يارب




ربنا يكرمك إنت فعلا أم! على كورنيش المعادي


بعد اذنكم نفسى ازغرط
لولولولولولى

نرجع لموضوعنا
السيد المبجل الدكتور السباعى
من ضمن التعليقات اللى قريتها دلوقتى

اقتباس:ارجو الرجوع لسجل دكتور السباعي في مصلحة الطب الشرعي
تم انهاء تعاقده بالسعودية ونصح بعدم التعاقد معه مرة اخري
تم تحويله لمجلس تاديب عام 2001 بتهمة تزوير في تقرير طب شرعي محافظة اسيوط مركز ديروط
ذلك بخلاف قضية زوجة ظابط الشرطة بالاسماعيلية
كم من قضايا الشرطة التي زورها السباعي
وطبعا عين كبير اطباء شرعيين بالانابة من قبل اجهزة الامن
المعلومات دي اتاكت منها تماما

يعنى جابو مزور يكتب التقرير التانى للكشف على خالد الله يرحمه

موقف تانى سخيف حصل انهارده هو التالى:


احتفالية الحزب الوطني بمقتل خالد سعيد
كرنفال أعلام وأغاني بصوت عالي جدا في نفس منطقة تجمع المشاركين في الوقفة الصامتة

الأخ المحترم Freeman
الدين جزء من كيان ملايين الناس في مصر وفي العالم العربي والإسلامي شئنا أم أبينا..
والقرآن والإنجيل هما كتابان لشد أزر معظم سكان الكرة الأرضية نفسيا في وقت الأزمات...
في هذه القضية لا يوجد مكان لمناقشة الإلحاد والإيمان واللادينية ... فأمام هذا الوضع تصبح مثل هذه الأطروحات ترف منتديات لا أكثر..
هناك اناس وقفوا صامتين ولم يقرأوا أي شيء ... وهناك أناس أخذوا معهم كتبهم المقدسة حتى تطمئن قلوبهم ... وضع شائع جدا..
لا يجب أن تجرفنا حوارات المنتديات إلى الإنفصال عن واقعنا الذي يقول بوضوح تام أن الدين هو اللاعب الأساسي في حياة الأغلبية الساحقة من سكان الكرة الأرضية اليوم..
تحياتي لك