أنا لا أدمن ولا عباس .....

أنا شايف البلد كويس وعارف المصايب اللى فيها ومش أعمى زى عبس ومبتفرجش على كأس العالم لأنى مش فاضى , لكن فى نفس الوقت شايف برضو أن التغيير لن يكون بالوقفات بارتداء الزى الأسود والوقفات الصامته , كل ده ميهزش شعره فى رأس النظام .

عمركم شفتوا أنه تم الخلاص من أى احتلال بالوقفات الصامته والمظاهرات ؟ الاحتلال ليس بالضروره أن يكون احتلال خارجى بأن دوله تحتل دوله أخرى , لكن من الجائز جدا أن يكون الاحتلال احتلال داخلى كما فى الحاله المصريه وحاله بعض الدول العربيه , فعندما يفقد النظام شرعيته بتزوير الانتخابات بحيث يضمن الاستقلال بالحكم , وعندما يكون النظام نظام مستبد وديكتاتورى فى الحاله دى فهو ميفرقش عن أى احتلال خارجى بل بالعكس , فالاحتلال الانجليزى لمصر على مدار سبعون عاما لم يضر بها كما اضر بها هذا النظام الحاكم .

لذلك أنا مع الادمن فى أنه لابد من التغيير , ومع عباس فى أنه اذا كانت المظاهرات مش نافعه يبقى السكات هينفع؟

و عايزنا نغير ازاى؟
المظاهرات بتضرب الناس فيها
انتخابات بتتزور
نستعين بصديق ينضف لنا البلد من الفساد؟
عدد اللى نزلوا تانى وقفه كان اضعاف اللى نزلوا اول وقفة
لو الوقفات الصامته دى مش هتجيب نتيجه
ممكن تقول الحكومة متضايقه ليه منها؟
ناس وقفها ساكته
ايه يزعلها؟
لو الوقفات الصامته دى مش جايبه نتيجه
ايه وصل اخبار خالد الله يرحمه لبره و بدأت المنظمات الدوليه تطالب الحكومه المبجله بانها تحقق بشكل شفاف و نزيه و بدون تحيز
واخد بالك من كلمه بدون تحيز
يعنى اللى مش شايف شاف ان الحكومه بتستعبط
راجع مشاركات دكتور بسام فى الموضوع هنا وشوف سور برلين كان واحد من اسباب وقوعه ايه
ناس عارفه ازاى تاخد حقها بهدوء من غير همجيه

اخيرا اهديك صورة جميله جداً



يا جماعه اللى مش عايز ينزل ما ينزلش براحته خالص

(06-29-2010, 02:34 AM)عاشق الكلمه كتب:  بالعكس , فالاحتلال الانجليزى لمصر على مدار سبعون عاما لم يضر بها كما اضر بها هذا النظام الحاكم

ياااااااه
كان نفسي أقول من الصبح هذه النقطة
ولكن واريتها داخلي حتى لا يحسب أحد أنها عمالة أو تشجيع للغرب او الاحتلال..
ولكن بجد يعني ماذا لو استمر الاحتلال الانجليزي حتى اليوم ؟
لكان حالنا أفضل بكثييييير جدا ...
سواء من ناحية الشوارع وتخطيطها ، بدلا من المكرونة الاسباجيتي التي نمشي فيها اليوم بسبب التخطيط الهليهلي
أو من ناحية التغذية والاشراف عليها بدلا من لحم الحمير والقطط النافقة
أو من ناحية التعليم... لم يكن الطلبة سيحتاجون إلى منح إلى الخارج .. بل على العكس كان العالم سيتطلع إلى مصر ليأخذ فيها منح علمية باعتبارها أقل تكاليف من انجلترا وقربها من ثقافة العرب
أو من ناحية الكورة ، كنا سنشاهد الأهلي والزمالك يلعبون في نفس الدوري مع ليفربول ومانشيستر بدلا من بترول اسيوط و معلبات كفر أبو الريش
حسبي الله ونعم الوكيل في الثورة التي خربت مصر

على رأي احمد فؤاد نجم

يا شعب ثور داهية تسمك
وشيل أصول أسباب همك
عصابة بتمص ف دمك
والإسم قال ضباط أحرار
شقع بقع يا ديل الفار

يا ريت الناس تثور
دا حتى الوقفات الصامته دى الناس خايفه منها
و كل ما تقول لحد يقول لك طيب روحى بس خالى بالك من نفسك و طمنينى لما ترجعى
طمنينى لما ترجعى!!!!
و انتم ايه على رجليكم نقش الحنة؟
شىء يغم و يسد النفس
خاليهم كدا نايمين لحد ما يقع ميت الف خالد سعيد تانين
ساعتها برضو مش هيقوموا
شكلى هيجيلى اكتاب
حاجه تقرف بجد

(06-29-2010, 02:50 AM)-ليلى- كتب:  و عايزنا نغير ازاى؟

التغيير يحتاج الى الكثير من التضحيات التى تصل الى حد التضحيه بالدم , الحريه والديمقراطيه لا يتم منحها ولكن يتم استلابها عنوه " بالعافيه " ومحدش فينا لديه القدره على دفع تلك الفاتوره , فهى فاتوره باهظه التكاليف , ربما أنا بتكلم عن نفسى كراجل متزوج وعندى أطفال ومسئول عن أسره قد تتشرد فى حاله كنت أنا أحد ضحايا هذا التغيير , لكن فى نفس الوقت معرفش رأيى الشباب الصغار ايه .

اللى بنتكلم فيه مالوش علاقه بننزل تلك الوقفات أو مننزلش , احنا بننزل علشان احنا نفسنا نشعر أن الجسد المصرى لازال ينبض ولازالت به الروح , بننزل علشان نعضدد بعض ونساند بعض , لكن تسألينى هل النزول ده وهل تلك الوقفات هتجيب نتيجه ؟؟ أقولك مش ممكن .

(06-29-2010, 02:52 AM)Blue Diamond كتب:  [على رأي احمد فؤاد نجم

يا شعب ثور داهية تسمك
وشيل أصول أسباب همك
عصابة بتمص ف دمك
والإسم قال ضباط أحرار
شقع بقع يا ديل الفار

العصابة دى هى أولاد المدارس لأنهم غير منتجين

---

الناس لازم تثور عشان الإخوان يمسكوا البلد ، ويبدأوا غزو العالم

(06-29-2010, 03:02 AM)قطقط كتب:  

(06-29-2010, 02:52 AM)Blue Diamond كتب:  [على رأي احمد فؤاد نجم

يا شعب ثور داهية تسمك
وشيل أصول أسباب همك
عصابة بتمص ف دمك
والإسم قال ضباط أحرار
شقع بقع يا ديل الفار

العصابة دى هى أولاد المدارس لأنهم غير منتجين

---

الناس لازم تثور عشان الإخوان يمسكوا البلد ، ويبدأوا غزو العالم

وبعدين يا عزيزي قطقط
يعني انت عايز التوريث ؟
لا أعتقد أنه لو حصل تغيير فالاخوان سيمسكون بالحكم

(06-29-2010, 03:02 AM)قطقط كتب:  

(06-29-2010, 02:52 AM)Blue Diamond كتب:  [على رأي احمد فؤاد نجم

يا شعب ثور داهية تسمك
وشيل أصول أسباب همك
عصابة بتمص ف دمك
والإسم قال ضباط أحرار
شقع بقع يا ديل الفار

العصابة دى هى أولاد المدارس لأنهم غير منتجين

---

الناس لازم تثور عشان الإخوان يمسكوا البلد ، ويبدأوا غزو العالم

وحياه أبوك تنقطنا بسكاتك ,,, الحكايه مش ناقصه .

بلا اخوان بلا بتنجان , هات ابليس يحكمنا واضمن لنا حياه كريمه فى ظل حكمه وأنا أبصم له بالعشره .

بطل فذلكه ياقطقط الموضوع مش مستحمل .

الحل الأمثل للشباب محاولة ايجاد منح دراسية إلى الخارج في أي داهية كانت والحصول على جنسية تلك الداهية وعدم العودة مرة اخرى
والحل الأمثل للاكتئاب : الأدوية المضادة للإكتئاب بإشراف الطبيب

يا عاشق الكلمة و انت يعنى دلوقتى ضامن انك تسلم من كلاب الحكومة؟
امتى هنبقا عندنا الاستعداد نضحى بالدم و لو فى وقفات صمته؟
خالد مات ليه يا اهل الخير؟
و اللى قبله و قبله ماتوا ليه يا اهل الخير؟
احنا عمرنا ما هنبقا مستعدين للتضحية بالدم طول ما احنا فاكرين ان احنا اللى بنجيب الرزق لولادنا
الرزق مكتوب من قبل ما نتولد و رزقهم مش هينقطع بموتك
انت سبب مش المسبب
وَفِي السَّمَاءِ رِزْقُكُمْ وَمَا تُوعَدُونَ ﴿٢٢﴾ فَوَرَبِّ السَّمَاءِ وَالْأَرْضِ إِنَّهُ لَحَقٌّ مِّثْلَ مَا أَنَّكُمْ تَنطِقُونَ ﴿٢٣﴾
سورة الذاريات
و العمر واحد و الرب واحد
اجلك ممكن ينتهى فى اى وقت
مين قال لك انك هتعيش لحد ما تشوف عيالك كبار؟
مين قال لك انهم هيعيشوا فى امن من كلاب الدولة
مين ضمن لك انك و انت ماشى فى حالك ما يجيش مخبر عايز اتاوه يلبسك قضية مخدرات؟
مين يضمنلك بكره فى ايه؟
اسعى يا عبد و انا اسعى معاك
ان الله لا يغير ما بقوم حتى يغيروا ما بانفسهم
اللى عايز يعيش كويس هيبتدى من لحظه ما ياخد القرار
مش بكره او بعد بكره
انا بتحرك علشان ما اشوفش ابنى زى خالد
انا بتحرك علشان لازم اتحرك
تراب مصر اغلى من ان الواحد يقعد يتفرج عليها يوم واحد كمان بعد انهارده بيتوسخ بالفساد و السلبية

الحل الامثل هو ان الناس تقول هتغير و اغير
و ادوية الاكتأب بتكاب اكتر
حل الاكتأب هو الايجابية

قطقط الله يكرمك مش وقت هزار
الواحد مش مستحمل