اقتباس:فلسطيني كنعاني الله يكرمك و يكفيك الشر
ادعيلنا كلنا
محتاجين الدعوات
محتاجين نطلع من الغمه دى لحسن الواحد ما بقاش عنده غير دموع اكلت وشه كله من الهم
و الواحد بقا حاسس انه عنده 100 سنه

ما تفعلينه يمثل نوعا من الحراك الشعبي ... و هذا بالضبط المطلوب لتغيير اي وضع صعب في الحالة العامة في اي دولة ، إني أرى انك على الطريق الصحيح و اتمنى لكم التوفيق في نيل مطالبكم و انتزاع حقوقكم.

"إذا الشعب يوما أراد الحياة فلا بد ان يستجيب القدر ... و لا بد أن لليل ان ينجلي و لا بد للقيد ان ينكسر " من قصيدة رائعة لشاعر تونسي.

و الواحد بقا حاسس انه عنده 100 سنه






ليش عم تصغري بحالك يا ليلى

اقتباس:"إذا الشعب يوما أراد الحياة فلا بد ان يستجيب القدر ... و لا بد أن لليل ان ينجلي و لا بد للقيد ان ينكسر " من قصيدة رائعة لشاعر تونسي.

ان شاء الله

اقتباس:ليش عم تصغري بحالك يا ليلى

ما كل الستات بتصغر حالها اشمعنى انا يعنى

محتاجين يا شباب مصمم جرافيكس محترف ويكون شغله مشهور ومنشور على الانترنت .. بنعمل حملة دلوقتي للتعريف بقضايا الناس اللي اتعذبت .. ودي أقل حاجة نقدر نصلح بيها الأوضاع بقدراتها ومهاراتنا... لو سمحتم عايزين حد دي وظيفته الاساسية وخبرته كبيرة .. يبعت ايميل على elshaheeed@gmail.com

http://www.facebook.com/event.php?eid=13...eed?v=wall&story_fbid=106079382776617

(06-30-2010, 12:20 AM)-ليلى- كتب:  والله يا عاشق الكلمة انت شلتنى امبارح
و الله يخرب بيت حلولك

سلامتك من الشلل

انشالله اللى يكرهوكى



هو أنا قلت أن ده حل ؟؟ أنا قلت أن ده رأييى أنا , لأن دى طبيعتى أنا ,, لأنى من النوع العصبى اللى مبيشوفش أدامه عند الغضب .

انتى عارفه فرده الكاوتش بتاعه العربيه ؟ علشان تمشى مضبوط زى الساعه لازم تتظبط على ضغط من 28 الى 30 psi , لو مفيش ضغط خالص مش هتمشى , ولو انضغطت أكتر من كده هتنفجر ومحدش عارف عواقب انفجارها ايه , ولما تنضغط أكتر لازم شويه " فسسسس " علشان ترجع تنظبط تانى , أهو احنا بقه بالنسبه للحكومه زى فرده الكاوتش الحكومه شايفه أن الضفط علينا زاد عن حده , فلازم شويه " فسسسس " قبل أن يحدث الانفجار , وقبولها بالمظاهرات والاعتصامات والوقفات الصامته تلك هو من قبيل الــ " فسسسس " لكن فى النهايه فرده الكاوتش هتمشى زى ما كانت ماشيه , وشويه الهواء اللى خرجوا منها مجرد شويه هواء أو كما يقولون زوبعه فى فنجان متسيطر عليها وكله تمام .

محاولة لإرهاب "الجمهورية"
جرت أمس محاولة فاشلة لإرهاب جريدة "الجمهورية" ورئيس تحريرها محمد علي إبراهيم.. تظاهر عدد محدود لخليط متنافر من قوي المعارضة أمام مبني الجريدة بشارع رمسيس احتجاجاً علي تغطيتها لوفاة الشاب خالد سعيد الذي ابتلع لفافة بانجو وأثبت الطب الشرعي وجود آثار للحشيش ومخدر الترامادول في دمائه.. قاد المتظاهرين أحمد سعد دومه الناشط والمدون وبمشاركة بثينة كامل الإعلامية الشهيرة وعايدة سيف الدولة ذات الميول الشيوعية وضياء الصاوي المنتمي لحزب العمل المجمد نشاطه والمحسوب علي جبهة مجدي أحمد حسين.. وكان أبرز الإعلاميين من الفضائيات العربية مصطفي كفافي من قناة "الجزيرة" الذي حاول التسجيل مع صحفيين بالجريدة لإظهار التعاطف الشعبي مع خالد سعيد الذي زعم المتظاهرون أن الجمهورية شوهت سمعته لكنهم رفضوا طلبه.
عكست الهتافات انفلاتاً خلقياً وترويعاً للصحفيين وأصحاب الفكر.. ردد المتظاهرون شتائم للصحافة القومية منها "قولوا للسلطة تلم كلابها.. وثورة مصر بأيدي شبابها" و"ياصحافة أمن الدولة.. الصحف القومية عار للديموقراطية".. وندد المتظاهرون بتقرير الطب الشرعي مرددين "لا شرعي ولا طب.. التحليل كدب * كدب".. ورفعوا لافتات تندد بوزير الداخلية وبالقيادة السياسية.
استمر تواجد المتظاهرين نحو الساعة. وتردد أنهم سيكررون التظاهر في أماكن أخري هذا الأسبوع بالقاهرة والإسكندرية ضد السلطات والنظام وصحيفة "الجمهورية".. وتعد هذه المظاهرة تحديداً أول مظاهرة للإرهاب الفكري ضد صحيفة مصرية.. الطريف أن مدبري التجمع ينادون بالحرية والديموقراطية والرأي الآخر. لكن يبدو أنهم يريدون أن يقتصر ذلك عليهم دون غيرهم.



http://www.algomhuria.net.eg/algomhuria/...tail02.asp

عندما رأيت صورة خالد سعيد وقد تشوه وجهه تماما من التعذيب، وجدتنى أعقد
مقارنة مؤسفة: فى حادثة دنشواى تم إعدام أربعة فلاحين مصريين بالإضافة إلى
فلاح آخر قتله البريطانيون بالرصاص أى أن ضحايا مذبحة دنشواى خمسة مصريين،
فكم يبلغ عدد ضحايا التعذيب فى ظل النظام الحالى..؟ طبقا لبيانات المنظمة
المصرية لحقوق الإنسان، على مدى ثمانية أعوام فقط (من...ذ عام 2000 حتى عام
2008 ).. توفى من أثر التعذيب فى أقسام الشرطة ومقار أمن الدولة 113 إنسانا
مصريا.

إن التفسير الوحيد لهذه القسوة الرهيبة أن الجلاد المصرى، بعد أن يمر بكل
الخطوات اللازمة لإعداده لممارسة التعذيب، لا يفلح تماما فى قتل ضميره. يظل
مدركا فى أعماقه بالرغم من كل شىء، أنه يرتكب جريمة بشعة وأنه لا يحمى
الوطن والمواطنين كما يزعم وإنما يحمى شخصا واحدا هو الحاكم.

إن
الجلاد يعرف أن ما يفعله فى الناس ضد القانون والعرف والدين وهو بالتأكيد
لا يحب لزوجته أو أولاده أن يعرفوا أبدا أنه يعذب الأبرياء حتى الموت.. هذا
الإحساس بالذنب هو الذى يجعل الجلاد المصرى أكثر شراسة حتى من جندى
الاحتلال الأجنبى.. كأنما هو لا يطيق أن يظل فى منطقة التردد ومحاسبة
النفس.. كأنما يريد إسكات صوت الضمير تماما وهو يسعى إلى ذلك بارتكاب
المزيد من التعذيب والقمع، هكذا يذهب بعيدا فى ارتكاب جرائمه حتى يموت
ضميره تماما فيستريح من تأنيبه إلى الأبد.. إن الطريقة الوحشية التى تم قتل
خالد سعيد بها قد استقرت فى تاريخ مصر وذاكرة المصريين إلى الأبد.. إن
المسئول الحقيقى عن قتل خالد سعيد ليسوا المخبرين الذين ضربوه حتى الموت
ولا هو مأمور القسم الذى أرسلهم ولا مدير الأمن ولا حتى وزير الداخلية.

المسئول
سياسيًا عن مقتل خالد سعيد وشهداء التعذيب جميعا هو رئيس الدولة نفسه الذى
لو أراد أن يمنع التعذيب عن المصريين لفعل ذلك بكلمة واحدة بل بإشارة
واحدة من يده، ولو كان خالد سعيد أوروبيا أو أمريكيا لتدخل بنفسه للقبض على
قاتليه وعقابهم بشدة.

لكن حظ خالد سعيد التعس جعله يولد مصريا فى
زمن يتم فيه قتل المصريين كأنهم كلاب ضالة، بلا محاسبة ولا تحقيق عادل ولا
حتى كلمة اعتذار. إن مقتل خالد سعيد نقطة فارقة أدرك عندها المصريون مدى
الإذلال والمهانة الذى انحدروا إليه وتأكد لهم عندئذ أن حياتهم بحرية
وكرامة لن تتحقق الا بعد أن تتخلص مصر من الاستبداد.
الديمقراطية هى
الحل.

علاء الأسوانى

والله يا عاشق الكلمه احنا فى نظرهم فردة جزمة مش فرده كاوتش
بيلبسوها و يدوسوا بيها بعزم قوتهم على الارض
تعرف محدش اتكلم معاه إلا اسمعنفس الكلام احنا بالصلاة على النبى داخلين ايام سوده سوده سوده
حط موضوع خالد الله يرحمه على جمب
الموضوع موضوع ناس فاض بيها
خالد يمكن هيكون القشة اللى هتقطم ظهر البعير
او يمكن ما يكونش
لكن فى ثورة جياع فى الطريق
و دى لو قامت ربك وحده وقتها يلطف بالكل
الناس فى كل مكان خلاص مستنيه يوم الخلاص
الكل بيقطع الطريق مع كل مصيبه و كارثة
والكل بيقول يا رب سلم يا رب سلم
الطوفان اللى جاى بشع و هيبلع الكل و احنا كمان
برضو هرجع لبرنامج شفته امبارح اللى كان فيه الحديث عن موضوع الفساد و بتاع اهدار الاموال العامة
المذيع قال جمله استفهامية و الضيف كمان
بتقول لك
((انت فاكر لما الناس تسمع كم المبالغ اللى بتتنهب دى من الدولة هتعمل ايه؟))
ممكن الناس فى اى لحظه فعلا تقوم تاخد حقوقها بنفسها
الموضوع كله ان ورقة التوت ابتديتتقع و عورة الحكومه دى بانت خلاص
الكل تعبان
زى وزير البلطجة و التعليم جايبينه امبارح بيتكلم مع الصحفيين
ايه الجبروت دا و الاستخفاف بالناس
قال بيقول لك اللى بيقولوا يطلع بره دا مش هسامح فيه ابدا
ماعنك ما سامحت
انت ورثتنا انت التانى و لا ايه
و متضايق ان الناس بتحاكمه و يقول لك ما هو اللى قبلى عملوا كدا برضو
هو فى ايــــــــــــــــــــــه فى امخاخ البشر دول؟
كل واحد يجى يركبنا شويه
بمنتهى البجاحه ارواح الناس عنده مالهاش قيمة
ايه يعنى 6 مدرسين يموتوا فى 6 ايام ورا بعض بسبب تعسفه
و ايه يعنى طلبه يصابوا
ايه يعنى طلبه تنتحر
ماهو كل سنه نفس الحال
طيب الواحد يسمع الكلام دا و مفروض يعمل ايه بقا
انا راضيه زمه اى حد
دا تعليم؟
دا واحد هينهض بالتعليم؟
دا يتساب كمان 3 او 4 سنين؟
و و و و و و و و و و و
كل ساعه مصيبة و كل ساعه فساد و كل ساعه ارقام تخالى راسك تلف و تكلم نفسك
خالينا فى موضوع خالد الله يرحمه احسن
الواحد هيفرقع قريب
ما بقاش نافع فيها و لا حتى فسسسسسسسسسسسسسسسسسسسسسسسسسسس

---

(06-30-2010, 05:56 AM)بسام الخوري كتب:  المسئول
سياسيًا عن مقتل خالد سعيد وشهداء التعذيب جميعا هو رئيس الدولة نفسه الذى
لو أراد أن يمنع التعذيب عن المصريين لفعل ذلك بكلمة واحدة بل بإشارة
واحدة من يده، ولو كان خالد سعيد أوروبيا أو أمريكيا لتدخل بنفسه للقبض على
قاتليه وعقابهم بشدة.

لكن حظ خالد سعيد التعس جعله يولد مصريا فى
زمن يتم فيه قتل المصريين كأنهم كلاب ضالة، بلا محاسبة ولا تحقيق عادل ولا
حتى كلمة اعتذار. إن مقتل خالد سعيد نقطة فارقة أدرك عندها المصريون مدى
الإذلال والمهانة الذى انحدروا إليه وتأكد لهم عندئذ أن حياتهم بحرية
وكرامة لن تتحقق الا بعد أن تتخلص مصر من الاستبداد.
الديمقراطية هى
الحل.

علاء الأسوانى

نفس اللى الكل بيقوله

---

اقتباس:عكست الهتافات انفلاتاً خلقياً وترويعاً للصحفيين وأصحاب الفكر.. ردد المتظاهرون شتائم للصحافة القومية منها "قولوا للسلطة تلم كلابها.. وثورة مصر بأيدي شبابها" و"ياصحافة أمن الدولة.. الصحف القومية عار للديموقراطية".. وندد المتظاهرون بتقرير الطب الشرعي مرددين "لا شرعي ولا طب.. التحليل كدب * كدب".. ورفعوا لافتات تندد بوزير الداخلية وبالقيادة السياسية.

الزمام بيلفت
هو فلت بالفعل و الكل خلاص بيصرخ مش بس بيهتف

اقتباس:النهاردة سيتم التحقيق مع الاتنين مخبرين .. بعد سماع النيابة لكل شهادات الشهود واللي كتير منهم قالوا الحقيقة الحمد لله ... اللهم إظهر الحق .. وإن شاء الله هنوريكم إن "شوية العيال" اللي على الفيس بوك هيغيروا مصر

إن شاء الله أم الشهيد عرفت موضوع الوقفة وهتنزل تشوف الشباب المصري في اسكندرية .. يا أمي ياللي مشفتكيش .. بلاش دموع متعيطيش .. خالد أخويا ومتخافيش .. اللي حصله ميرضينيش ... يللا يا شباب مصر .. كله ينزل على الكورنيش في القاهرة والاسكندرية والمنصورة وطنطا http://bit.ly/dtV1U8

اقتباس:كلنا ناصر صديق جاد الله .. ايه ذنب إبنه أبانوب اللي اتحرم من أبوه في ٢٠٠٧؟ ناصر قدم شكوى لقسم الشرطة إن أمين شرطة بيفرض عليه إتاوات واغتصب موبايله .. فكان جزاءه إنهم طلعوا بيته وهددوه إما التنازل أو القتل ولما رفض رموه من الدور الرابع .. الداخلية قالت إن ناصر رمى نفسه من البلكونة .. والقضاء أثبت كذب الكلام ده .. وحكموا على أمين الشرطة بخمس سنين سجن! ناصر مات وساب أسرة من زوجة وتلات أطفال .. لأنه قال لأمين شرطة لأ!

اقتباس:كلنا إيهاب مجدي فاروق .. اقرأ القصة الكاملة للشاب المصري المسكين اللي كان الظابط كريم فارس بيؤمر أمين الشرطة إنه يضربه على قفاه وبيصوره .. الشاب ده أكيد بعد اللي شافه مبقاش عنده كرامة ولا انتماء لبلده .. أمين الشرطة اتحكم عليه بسنة سجن .. والظابط أخد براءة!
قصته الكاملة هنا: http://bit.ly/aJQWL5

http://www.youtube.com/watch?v=NGJ2j-KHerQ

اقتباس:أكتر من ٣٥ مصري في ألبرتا في كندا من طلبة ماجستير ودكتوراه ومدرسين في الجامعة هناك قرروا إنهم يعبروا عن تضامنهم معانا لأنهم مصريين زينا زيهم .. قضيتنا مبقتش على الفيس بوك .. قضيتنا في الشارع عند البقال وسواق التاكسي .. قضيتنا بقت عند الأم اللي على كرسي متحرك ونزلت عشان حق خالد .. قضيتنا بقت عند الباكستاني والأمريكاني والسعودي والجزائري واللبناني اللي بعتوا صور تعاطفهم معانا .. وفي النهاية قضية خالد عند ربنا .. واحنا مش هنسيب حقه!

---

صمتنا قوّة
والموج لما بيتحد .. نوّة
موعدنا يوم ٩ يوليو .. يوم شباب مصر اللي مش هيسكتوا على الظلم تاني

(06-30-2010, 08:39 AM)-ليلى- كتب:  كل ساعه مصيبة و كل ساعه فساد و كل ساعه ارقام تخالى راسك تلف و تكلم نفسك
خالينا فى موضوع خالد الله يرحمه احسن
الواحد هيفرقع قريب
ما بقاش نافع فيها و لا حتى فسسسسسسسسسسسسسسسسسسسسسسسسسسس

---

فيه حل كويس ....

بلاش تتفرجى على ابراهيم عيسى وريم ماجد وجابر القرموطى ومعتز مطر , يعنى بلاش برامج زى مانشيت وبلدنا بالمصرى وبالعربى الفصيح وكلام فى سركم , وبلاش من أصله محطات زى on tv أو o tv أو مودرن مصر , دى برامج ومحطات هدفها التشكيك فى مصر , فليس هدفهم الاصلاح أو يتحركون من منطلق حبهم لخالد سعيد , ولكن كرها فى وطنهم , فتلك الاصوات والتى لها أجندتها لن تزحزح رسوخ الدوله المصريه بحسب جريده الاهرام المصريه

http://www.ahram.org.eg/209/2010/06/26/1...9/219.aspx

ياشيخه أنا كانت فاكر مصر بقت وحشه والفساد عمها من ساسها لراسها , لكن الحمد الله بعد قراءه المقال ده عرفت الحقيقه ,,, الناس دى بتعمل ضد النظام تمهيدا لصعود الاخوان وبناء دوله دينيه فى مصر كالتى فى ايران , لكن الحمد لله الموضوع انكشف

نفسى أشوف الصحفى ده علشان أقلع اللى فى رجلى وأضربه بالجزمه .

يوم 27 /6 كانت ذكرى ميلاد المرحوم الشهيد ابراهيم الرفاعى , ابراهيم عيسى تناول بعضا من سيرته العطره فى فقرته بالعربى الفصيح , وفى نهايه الفقره اختنق بالدموع وطلب من المشاهدين الوقوف تحيه لروح الشهيد البطل مع عزف السلام الوطنى فى الاستوديو , بكيت مع بكاء ابراهيم عيسى ووقفت اجلالا وتعظيما لروح هذا البطل الذى ضحى بحياته من أجل مصر .

فشتان الفارق بين ابراهيم الرفاعى وحبيب العادلى , وشتان الفارق بين ابراهيم عيسى وأحمد موسى , وشتان الفارق بين المهندس يحيى حسين عبد الهادى ومحمود محيى الدين ,,,,,,, الخ ,, فالواضح ان مصر الأن أصبحت مصران وكل مصر منهم تناطح الأخرى وتشكك بها , ولا ندرى أى مصر منهما ستنتصر .