الأوضاع التي تمر بها مصر
هي أكثر سخونة من حالتها قبل اغتيال السادات
وهناك أيضا من يشببها بأنها قريبة من الحالة قبل ثورة يوليو
أي ابان النظام الملكي والذي كثيرا ما يجهله الغالبية
يا ليلى
فاكرة الشريط الذي نشرته في بداية الأحداث والخاص بأنه كان في حوزة شهيد الطواريء خالد ؟؟
بعدما رأيت عدة مقابلات مع الأم والعم لخالد ظهرت الحقيقة الآن أن تجارة المخدرات التي يقوم بها بعض أفراد الجهاز الأمني هي السبب

(06-30-2010, 04:18 PM)AhmedTarek كتب:  

اقتباس:يوم 27 /6 كانت ذكرى ميلاد المرحوم الشهيد ابراهيم الرفاعى , ابراهيم عيسى تناول بعضا من سيرته العطره فى فقرته بالعربى الفصيح , وفى نهايه الفقره اختنق بالدموع وطلب من المشاهدين الوقوف تحيه لروح الشهيد البطل مع عزف السلام الوطنى فى الاستوديو , بكيت مع بكاء ابراهيم عيسى ووقفت اجلالا وتعظيما لروح هذا البطل الذى ضحى بحياته من أجل مصر .

وأنا كمان يا عاشق...
ومكنتش عارف أنا وابراهيم عيسى نبكي على الرجال أم على مصر أم على أنفسنا...

أنا كنت ببكى على الكل ياعم أحمد , ومعاهم شويه حاجات كده زى العجز وقله الحيله وفقدان الكرامه والشهامه والعزيمه ومعانى وقيم كتيره اختفت من واقعنا ....

تخيل أنت لما تضيع زهره شبابك وتفنى عمرك فى سبيل حلم أو هدف أو قضيه وطن , ثم بعد أن يمر بك العمر وتصل الى أرذله ترى بعينك أن الحلم ضاع , وأن الهدف انهار , وأن الوطن اتدمر وتنكر لك !!
تخيل لو أن ابراهيم الرفاعى حى بيننا للأن وشاهد ما يحدث للوطن بعد كل ماقدمه لهذا الوطن من تضحيات فكيف يكون حاله؟؟

النموذج ده عايش معايا فى بيت واحد , فهل لا يحق لى البكاء ؟

(07-02-2010, 01:22 PM)بسام الخوري كتب:  بعد كل هذا النشاط تعتقد أنهم لايعرفونها ...أحيانا أخجل لأني أكتب باسمي بسبب شتائم متبادلة ...أما ليلى فلاخوف عليها ...كل مشاركاتها زي الفل ...مؤدبة ...مثقفة ...محبوبة من الجميع ...

عادي يعني ... هذا المنتدى لا يعرفه الكثير من المصريين على أية حال.. وهي لم تقل أي شيء خارج ما يقوله أي مواطن عادي..
ونشاطها في الفيس بوك غير مستغرب لأن هناك آلافا يقولون مثلها في الفيس بوك .. ولا يوجد أي شيء غير طبيعي..
فلا يوجد داع لإعلان المعلومات الحقيقية ..هذا حق من حقوق أي شخص أن يحتفظ بخصوصيته ، لا علاقة للمسألة بالشجاعة ولا المصداقية على الاطلاق في رأيي

ثم بعد أن يمر بك العمر وتصل الى أرذله ترى بعينك أن الحلم ضاع ,















كشفت أحد أسرارك ....دنته طلعت عجوز مثلي يا منيل إسود

تخيل أنت لما تضيع زهره شبابك وتفنى عمرك فى سبيل حلم أو هدف أو قضيه وطن , ثم بعد أن يمر بك العمر وتصل الى أرذله ترى بعينك أن الحلم ضاع , وأن الهدف انهار , وأن الوطن اتدمر وتنكر لك !!
تخيل لو أن ابراهيم الرفاعى حى بيننا للأن وشاهد ما يحدث للوطن بعد كل ماقدمه لهذا الوطن من تضحيات فكيف يكون حاله؟؟

النموذج ده عايش معايا فى بيت واحد , فهل لا يحق لى البكاء ؟
..................

يا بسام
ما كتبه عاشق تتعلق بوصف شخص يعيش معه بالبيت
غالبا والده

http://www.youtube.com/watch?v=CH2RDwXZjqg&NR=1

(07-02-2010, 02:39 PM)نسمه عطرة كتب:  http://www.youtube.com/watch?v=CH2RDwXZjqg&NR=1

تحية للشهود على جرأتهم .....أتمنى أن نتعلم نحن السوريون الجرأة من المصريين ...

اقتباس:فاكرة الشريط الذي نشرته في بداية الأحداث والخاص بأنه كان في حوزة شهيد الطواريء خالد ؟؟
بعدما رأيت عدة مقابلات مع الأم والعم لخالد ظهرت الحقيقة الآن أن تجارة المخدرات التي يقوم بها بعض أفراد الجهاز الأمني هي السبب

ايوه ما هى دى القضية الاساسية
موضوع المخدرات و معروف ان بعض الظباط بيستخدموا المخدرات فى تلفيق التهم للناس
عايزين شعب كله محشش علشان اللى عايز يعمل حاجه يعملها

غايظنى صاحب السايبر
بدل ما يدور على حد ينجد الولد من الضرب بمنتهى البرود بيحكى انه قال لهم خدوه بره
و نعم الرجولة

---

سلمى تسألكم: وأحب البلد دي ليه؟

Today at 9:12am
كتبت
سلمي عصام صبرة
طالبة بكلية الصيدلة من الاسكندرية
اعتقل والدها بسبب مشاركته في بناء موقع للمطالبة بإقالة مدير الأمن من يومين

~-~-~-~-~-~-~-~-

شاء القدر ان اكون شاهده علي مهزله تعيشها عدد لا بأس به من الأسر

بل وشاء أن أري و أتعايش مع تفاصيل هذا المشهد الأسطوري كاملا ...ربما لم يحالفني الحظ

سابقا من مشاهده هذه الواقعه _بالرغم من تكرارها في منزلنا _و لكن سبحان الله كنت انام

قبلها بقليل و أستغرق في سبات عظيم يفصلني عن مشاهده ما لم اكن اتخيل يوما أنه بهذه

القسوه و كنت أتعجب كثيرا ...ربي أما آن الأوان أن أشارك أسرتي هذه اللحظات الثقيله و لكن

سبحان الله ..فإنها رحمته الواسعه كانت تغمرني و لم أكن أشعر

فبالفعل لا يكلف الله نفسا إلا و سعها ...فإني أدركت ذلك كثيرا بعد هذ اليوم المشؤوم فقد

كانت الصدمه علي كبيره جدااا و تأثري بالموقف شديد للغايه ...و لكن بما أنه قد حدث ما حدث

و كان ما كان و صرت أنا شاهده عيان

فأشهد يازمان بما كان ....فسأسطر عليكم الموقف بتفاصيله لتسجله ذاكرة الأيام و لعلمي الشديد ببعده العميق عنكم و عن حتي مخيلاتكم

و لكني صممت علي المخاطرة بإعلامكم ...لتعلموا و تدركوا معي أين نحن ؟!......و أين نعيش ؟!...و في اي بلد ؟!....و تحت أي نظام ؟!!..فأنتم تعلموني منذ زمن ...هل أنا كائن غريب قادم

من المريخ ..أم أنا وحش هلامي يتخفي بينكم ...فأنا منكم و مثلكم ..."عاديه يعني "

من أتحدث عنهم هم زوار الفجر "محبي الظلام ""جبناء النهار "......فهم من يتسحبون في

وسط الليل لينفذوا مهماتهم اللي ضد القانون ...طبعا فإن كانت معه فما الذ ي يضطرهم للتخفي من أعين الناس و القيام بأوامرهم العليا سرا ....

و قبل أن أبدأ ...زسأجيب علي هذا السؤال الذي يعتصر أذهانكم ..حاليا ...لماذا ؟!!!!!!

فقط لأن أبي شارك في مظاهرات و حمله خالد سعيد ...فقط لأن أبي ذهب لمناصرة البرادعي ؟؟؟فقط ...فقط

فيا أيها العالم اللعين ...البعيد عن أي موقف عظيم ...تجنب المظاهرات ..أياك و إبداء رأيك عش في سلام و سلبيه أمشي جنب الحيط و أنت بتتلفت حواليك ....أوعي تفكر تغير

...أوعي تفكر في الأحسن لبلدك فإياك أن تتخيل أنك مواطن شريف في بلد ديمقراطي ...فأنت مواطن محروم من أبسط حقوقك في هذا البلد الغير ديمقراطي بالمرة

فهذه هي خلاصه ما ستستنتجونه معي و لكن دعونا لا نسبق الأحداث


الساعة الواحده فجرا ...تدخل أسرتي منزلها بعد يوم طويل و شاق خارج المنزل

الساعة الواحده و النصف ..يتم طرق باب المنزل و الجرس في عنف غريب
آيه أختي كانت تقف في البلكونه ...تقول مفيش حد طلع العماره أصلا

فقد أتضح فيما بعد أنهم قاموا بركن البوكس في الشارع الخلفي و تسحبوا شخصا شخصا تحت


البلكونات كي لايراهم أحد ...ليه بقي ...هما حراميه حاشا لله ؟؟!!!!

و لكن كانت هذه اللحظات هي اصعبها علي لأني أكبر أخوتي ففكر ذهني في مليون حاجه مع بعض
نرجع ثانيا .....
علي الباب ...إصبع لعين يقوم بتغطيه العين السحريه .. أنا :مين من خلف الباب :أفتحي
أنا :أفتح إزاي مش تقولي أنت مين ؟ أنت عارف الساعه كام حضرتك ؟

أنا فعلا كنت فاكراهم حراميه بجد أو ناس مغيبه الوعي ...مكنش في علي الساعه أي أخبار

إعتقالات أو غيره علشان أبقي متوقعه الموقف ده

مهم انا مين تاني لا أري شيئا فالعدسه مغلقه ...اللي علي الباب أصوات ناس كتييير أفتحي يا

ماما بسرعه مباااااااااااحث -و كنت قد أدركت تالموقف قلها حين تحرك هذا الإصبع اللعين لأري

علي الباب مالايقل عن 7-8 من الأمن المركزي بالزي الكامل و الأسلحه اللعينه و ظل عقلي يعمل بسرعه غريبه في الخطوات الواجب أتخاذها حاليا :
1-طمئنه إخوتي الصغار
2- إيقاظ أبي اللي يعيني كان لسه داخل ينام من شويه
3- إرتداء أسدال الصلاه لكل بنات المنزل هما مش ضيوف حيكتفوا بالصالون بس البيت كله كمان دقايق حيبقي تحت أمرهم
2- إخفاء الوبايلات و الذهب و أي مبالغ ماليه و كل المتعلقات الثمينه لإننا بنتعامل مع حراميه محترفين اللي حيشوفوه أدامهم عليه العوض و منع العوض خلاااااااااص
و بعد مالباب أتفتح المشهد كالآتي :

داخل المنزل :1- ظابط غتييييييييت لابس بدله ...حديث التخرج ...قايم بدور الشرير
2- ظابط آخر بزي مدني قايم بدور الطيب
علي الباب 5 أمن مركزي

علي بابا العماره :2 آخرين لمنع دخول أو نزول أي حد من العماره ...و كل ده ليه علشان فكرنا نعترض علي اللي حصل لخالد سعيد ....
الأحداث :
أبي ينادي علي أنا و إخوتي جميعا ...تعالوا يا حبايبي تعالوا شوفوا عمو داخل علينا البيت

إزاي تعالوا شوفوا علشان تعرفوا إحنا عايشين فين و يخاطب الظابط :أصل إحنا المفروض

عايشين في بلد ديمقراطي و يأخذ اخي عبد الرحمن "2ب"بص يا حبيبي عمو الي واقف بره

البيت لابس إيه شفت جاين يآخدوا بابا إزاي ...ده العادي في بلدنا يا حبيبي

و بعدين يسأل الظابط فين أمر القبض علي الظابط أتفضل ألبس يا أستاذ عصام و لما تيجي

حتعرف كل حاجه بابا :أمر القبض ..مش المفروض قانون الطوارئ الجديد في حالات الإرهاب و

المخدرات بس و لا إيه و بعد محاولات عديده مفيش إذن نيابه أصلا ...فبابا قال للظابط أنا داخل ألبس و جاي معاك بس بمزاجي خد بالك انك معكش إذن أنك تىخدني أصلا ..

فدخل أبي يلبس و يحضر شنطته و أنا و إخوتي في الخارج مع الظباط ...أنا للظابط الشرير

...بصراحه النهارده يوم غريب من أوله ..زإحنا بره من أول اليوم و العجله أتسرقت و فلوس ضاعت و ختمت بيكوا ..هو يوم باين من أوله

الظابط الشرير بأستهزاء ...بيتعب بابا صح ...أنا بتحدي :طبعا بيتعب جدااا
الظابط الشرير :و بيتعبنا معاه
أنا :انتم اللي تعبين نفسكم علي الفاضي

أنا مخاطبه الظابط الشرير :طيب أتفضلوا أقعدوا يعني لو تحبوا تشربوا حاجه كمان مايه ...عصير
الظابط :شكرا

أنا :لأه بجد و الله عادي يعني أصل إحنا للأسف أتربينا علي كده لازم نكرم ضيوفنا حتي لو

داخلين علينا الساعه 2 بليل يآخدوا بابا و يقتحموا البيت ..فللأسف مضطره برده أعتبركم ضيوف ...هااااااه تشربوا إيه و طلعت للعساكر اللي بره و سألتهم نفس السؤال فقالوا شكرا و هما مستغربين الموفجدااا و بيضححكوا

أنا :خلاص براحتكم ...بس بجد معرفتكوش حاطلني إيدكم علي العين و عايزني أفتح

...بتستخبوا منب يعني طيب قلي أنا حفتحلكم إزاي شيل إيدك من علي تالعين ..حفتحلك علي طول

الظابط :إحنا آسفين معلش طبعا ده الطيب

أنا و كل الحوار اللي جاي ده مع الطيب لأن الشريرأخد يتجول في الصالون و يطلع البلكونه و

يجري العديد من المكالمات ...
أنا :طيب قلي في إيه

الظابط :صدقيني مفيش حاجه ساعتين ..تلاته و حيبق يعندكم أنتي بس مش فاهمه
أنا :طيب فهمني

الظابط :متقلقيش

أنا :طيب حط نفسك مكاني مش أنت برده عندك ماما و بابا و أخوات ناس عادين زينا برده و لا إيه
الظابط :آه طبعا

أنا :طيب تخيل كده الساعه 2 بالليل ناس بيقتحموا بيتكم علشان يآخدوا باباك تعمل إيه
الظابط :مشيرا بإصبعه للسقف

أنا :طبعا فهمت أنها أوامر عليا بس أستهبلت و قلتله ربنا عليكم يعني و لا إيه

الظابط :علينا كلنا أنا :طيب أنا أسمي سلمي و عرفته علي إخواتي كلهم ...مين حضرتك بيق
الظابط :احمد و بعد تردد طويييييييل شكري

أنا :مباحث برده "أصله كان مرتدي زي مدني "
الظابط :يعني

أنا :طيب بابا نازل معاكم دلوقي بمزاجه...أنتم معكوش أمر نيابه يعني إحنا بدإين الموضوع ودي فزي مبدأناه ودي ممكن نكلمه ودي و تديني رقم ليفون أطمن من خلاله علي بابا
الظابط :أستاذ عام نازل نازل

أنا :بمزاجه بس حينزل بس أتصدق حي حلو قوي المرة ده أنا كان نفسي أشوف اللي بيحصل أصلي كل مرة ببقي نايمه
أول مرة أشوف المووقف ده بس مكنتش متخيله أنه حيبقي بالمزله ده

الظابط الشرير ...الظاهر بقي حس إن أنا لسه مشفتش حاجه و حب يوريني الموضوع علي أصوله

فإذا بي أفاجئ به يقتحم المنزل فعليا متجه لحجرة اب و أنا طلعت أجري وراه انت رايح فين ...أستني لما بابا يطلعلك طبعا هم مش معبرني و بيتمشيي في البيت كإنه بيتمشي في

بيت أبوه و في اللحظه ده كل العساكر اللي كانوا علي الباب دخلوا الشقه هما كمان .....
ساعتها بقي حسيت بجد بعدم الأمان ...حسيت فعلا إن بيتنا بقي مداس لأي حد

طبعا هم كان قاصد أنه يستفزني و يمشي ببرود و يقلب كل اللي يقابله و يتفحصه بأطراف أصابعه ببرود مبالغ فيه ثم يلقيه علي الأرض ....و بدأصوته يعلي جدااااا ....أستاذ عصام

بطاقتك و موبايلك و الكمبيوتر فين ...و بدأ يفتش حجرة أبي و يفتح الأرفف و ألأدراج بمنتهي

السفاله و يقلب محتوياتها بمنتهي الوقاحه ....و أمي تصرخ في وجهه مش معقول كلام البنت يستفزك يعني .....

ثم نزل أبي معهم و أنتهي الموقف علي كده ...بالرغم من إني كنت شديده تمالك الأعصاب أمامهم ......بالرغم من إني و الله رأيت الخوف في أعينهم وعندما أفتحم الشريرغرفة أبي و

جريت خلفه جائني الظابط الظابط الطيب بسرعه ليقوم بتهدئتي ...و يفهمني أنه مجرد إجراء روتيني ...طيب ليه ...يفهمني ليه و يهديني ليه أصلا ...و الله كانوا أجبن مما كنت أتخيل

......علي الرغم من محاوله الشرير لإخافتنا و كان راسم نفس علينا علي الىخر بالرغم من أنه كان بيتمتع بأبشع الصفات اللي في الدنيا كلها كانت مجتمعه فيه

بالرغم من أنه كان بيتحدث بمنتي الغباء و السفاله اللي في الدنيا بالرغم من أنه كان يتحرك

في منزلنا محاولا أن يرينا أنه يهين المنزل و يهيننا بكل ما اوتي من قوه إلا أنه و الله كان أعظم مثال للآيه "....و ألقي في قلوبهم الذعر ...."

و بالرغم من إني اول مرة أشاهد موقف مماثل ...و خوفي الرهيب علي أبي ...و أستفزازي

لدرجه فوق الخيال كنت لا أشعر بأي شئ و هم متواجون في المنزل بابا قالي في أوب جواب و

صلنا منه إن الظابط كان حيتجنن من كلامي ...لكن فعلا و الله أول مقفلت الباب وراهم لم أستطع تمالك نفسي أنهرت بمعني أنهرت

ظللت أبكي بكاءا لم أبكيه طوال حياتي ...بكاءا بمراره

ياربي إيه الجرم اللي أرتكبناه ...علشان يحصل فينا كده ...غلطنا في إيه
بس فعلا من هذه اللحظه و هذا المشهد مسيطر علي تفكيري تماما ...لا استطيع إزالته من مخيلتي ...و تعهدت أنه من هذه اللحظه سأكرث نفسي فقط للإنتقاااام ...نعم للإنتقام .

..حتي و غن كان أضعف ما يمكنني فعله الدعاء عليهم ....ياربي أنت تعلم الظلم الذي تعرضنا له اللهم أرنا فيهم عجائب قدرتك ...أليست دعوة المظلوم مستجابه ...فكيف سيعيش هذا

الشر بعد الآن كيف سيتمكن هذا لظابط الشرير من متابعه حياته بسلام ...إن كان هناك مثلي الكثير يدعون عليه بحرمانه من أي راحه في الدنيا حتي راحه البال و أن تكون حياته يارب مثالا

للمصائب و الإبتلاءات ...و عبره لمن هم مثله كيف سيستطيع أن يغمض عينه ليلا ...يارب أري الإنتقام فيه فقد ظلمنا حقا بالطبع ليس هو فقط فإنها مسأله نظام لكن بالنسبه لي فقد أصبح الظلم متمثل فيه

و لكن ما سيجنني حقا ....و أحتاج منكم أن تجيبوني لأرتاح ....
أي جرم أرتكبته أبي
مش كلكم ثرتم لخالد سعيد و لاااااااا
مش كلكم برده مأيدين البرادعي


مطلوب مني انا و اخواتي بعد الموقف اللي عيشنا هده إزاي نقدر نحب البلد ده إزاي نقدر نشعر بالأمان فيها ...و أبي معرض في أي لحظة أنه ميبقاش معانا


لم أقص عليكم قصتي لأسمع تعاطفكم
لكن عشان نفوق بقي و نعرف
إحنا عايشن فيييييييين ؟؟؟؟!!!!!!

__________________________________________

دا اللى بيحصل لأى حد ينزل يدافع عن خالد او عايز اى تغيير دلوقتى
من شويه كنت بفكر فى موضوع القلق اللى الواحد بقا عايش فيه
من اقل من شهر كان كل شىء ماشى تمام
دلوقتى بس لأن الواحد اتكلم و نزل يعبر عن غضبه و حزنه بقا مصدر قلق عليه من كل اللى حواليه
مين السبب فى القلق دا؟
مين وصلنا اننا لو بس حد اتأخر شويه القلق يبتدى و تبتدى الافكار تروح و تيجى فى راسنا
الامان راح فين يا بلد؟

سامح كان بيرخص عربيته .. وفوجئ إنهم بيطلبوا منه ١٥ جنيه لصندوق تكافل ظباط الشرطة !! ولما قال للظابط يعني ايه ادفع تكافل للظباط وأنا مالي؟ الظابط قال له اذا كان عاجبك وعايز عربيتك يطلعلها رخصة ... ده إسمه ايه؟



طيب دا برضو نقدر نقول انه عنف الشرطة مع الشعب ؟
ولا دى اتاوة حكومية
علشان كدا شايفين نفسهم علينا

اقتباس:اهههههههههايه هي الداخلية موش لاقيه تاكل ولا ايه - وماله ياشعب دول مننا يعني جت علي دول اهههههههههههههههه .
ماهو فلوسهم الحرام اللي بتيجي من الرشاوي والمحسوبيات ورخص المرور وغيره وغيره موش قادرة توفي احتياجاتهم فموش توقفوا لهم علي االواحدة كده ....................! إحنا هانصرف عليهم كمان

---

اقتباس:صندوق تكافل ضباط الشرطة هههههههههههههههههههههههههه والله فكرنى بصندوق كفالة الايتام اللى كان عندنا فى المدرسة لما كنا طلبة

كلنا خالد سعيد
يستطيع شاب تحت تأثير مخدري الحشيش والترامادول مقاومة مخبرين هجموا عليه فجأة .. كما يستطيع نفس الشاب بلع لفافة طولها ٧ سم ونص في ٢ سم ونص أثناء عملية الهجوم .. وهو قادر على الصراخ بعد بلع اللفافة .. كما أن جثة الشاب تستطيع المقاومة وتقع على الأرض أكثر من ٣ مرات أثناء النقل مما تسبب في حدوث إصابات طفيفة ... وزارة الداخلية المصرية .. أفلام عربي أم الأجنبي


كلنا خالد سعيد
دول شباب مصر بجد .. راجل ومراته وابنه الصغير .. أكيد هو خايف على ابنه ونفسه يؤمن له مستقبل واعد ويعيش حياة كريمة في بلده .. وأكيد هو خايف ان ابنه يساله يا بابا هو انتم كنتوا بتشوفوا الظلم في البلد ومش بتعملوا حاجة ليه .. ربنا يحفظهم كلهم يا رب





كلنا خالد سعيد
أنا نازل يوم الجمعة باختصار .. لأن عندي كرامة وأرفض إنها تنتهك .. لأن باخاف على ابن بلدي وأرفض إنه يتعذب أو يتقتل .. لأني باحب مصر .. موعدنا الساعة ٦ ونص يوم الجمعة




كلنا خالد سعيد
انا من المنصورة .. خالد لما مات حسيت انه ابن من ابناءي .. وعشان كده هانزل الوقفة الصامتة يوم الجمعة .. لازم نتحرك كلنا عشان ميبقاش فيه خالد تاني




كلنا خالد سعيد
Zeinab: I'm an 18 year old Egyptian-American who wants nothing more than to march down the streets of Cairo with you all, but I will support you from afar. Ohio - USA




كلنا خالد سعيد
الوقفة الصامتة يوم الجمعة ٩ يوليو الساعة ٦ ونص .. لازم كلنا نكون مشاركين فيها



كلنا خالد سعيد
شباب الفيس بوك: نزل بالآلاف في وقفة صامتة وبقى ايد واحدة ضد أي حد يستهدفهم .. خلى قضية خالد رأي عام .. أظهر كذب الداخلية وفساد موظفيها .. جنن وسائل الاعلام الرسمية اللي بقت بتهاجمه .. خلى قضية خالد يتعاطف معاه ناس من كل دول العالم .. النتايج لحد دلوقتي: داخلية مرعوبة وحبس ٢ مخبرين عمر ما كان هيحصل لهم حاجة زي القضايا ا...لتانية.. باختصار لو كملنا بنفس الروح هنقضي على الفساد في مصر ... نقدر؟



كلنا خالد سعيد
يا ريت كلنا نشترك في صفحة كلنا خالد سعيد على تويتر .. ونعمل ريتويت (اعادة نقل الرسالة) لأي حاجة بنكتبها هناك .. تويتر زي فيس بوك بس فيه ناس كتير مشهورة جدا زي الاعلاميين والنشطين السياسيين والمدونين وبتوع حقوق الانسان .. عايزين صوتنا يبقى عالي عشان نعرف ندافع عن حق أي واحد بيتعرض للخطر

http://twitter.com/elshaheeed

ممكن حد يفهمنى ايه التويتر دا؟
اشتركت فيه و مش فاهمه اى حاجه؟
و جالى على الميل التالى
hussein (eltarabiny) is now following your tweets on Twitter.
هههههههههههههههههههه
مفروض اعمل ايه؟
و ليه حد بيفولو مى اون تويتر؟
هى ناقصه

الصورة اللى بتحاولى تحطيها غير متوازنة ، وكأن الشرطة فقط هى الفاسدة ، طيب ملايين الموظفين " القاعدين " ، غير الرشوة والسرقة والدروس الخصوصية والتهرب الضريبى والكذب الإعلامى
بمعنى أن كل واحد بيتجاوز فى مجاله وليس الشرطة فقط