http://www.youtube.com/watch?v=KT6b91UM59U

---

http://ara.reuters.com/article/topNews/i...09?sp=true


reuters

(07-10-2010, 10:07 AM)-ليلى- كتب:  زميل لينا في الجروب إسمه سعيد بعد الوقفة ومنعه من حضورها .. رجع البيت متضايق وقرر يكتب على أكبر ورقة فلوس معاه .. ١٠٠ جنيه كتب عليها لا للتعذيب لا للطوارئ .. البلد دي بلدنا

الفكرة مجنونة ولو عملناها ممكن يوصل صوتنا لكل الناس لأن الفلوس أي حد بيتعامل بيها ونسبة المخاطرة تكاد تكون معدومة .. ونقدر نكتب على العملات الصغيرة بس عشان لو حصل مشكلة ورفضوا الفلوس.

فيه ناس اعترضت في الجروب وقالت إنها مش فكرة حضارية لأنها بتبوظ العملة وبتفتح المجال لكل واحد يكتب اللي هو عايزه وإن أكيد عندنا طرق أقوى من كده للتعبير عن رأينا.

قررت أعمل استطلاع رأي واللي هيطلع من الاستطلاع أول ما ينتهي عدد المشاركين فيه لـعدد كبير هننفذه

سجلت موافقتى فى الاستطلاع.

الفكرة جيدة جدا وخاصة مع الاوراق ذات الفئات الكبيرة، لأن رفضها سيؤدى الى زيادة حدة النقاش حول سبب المنع مما يحقق الغرض منها ولنعتبر المبلغ مفقود فى اسوء الظروف وإن كان لن يحدث هذا فنحن شعب يكتب عبارات الحب والغزل على الاوراق المالية.

وكل يكتب على الفئة التى يتبرع بها وكل حسب مقدرته.

عليكم بالكتابة على الورقة النقدية ورميها بالشارع ...لأن مشاكل ستحصل لأن البائع لن يقبلها ....أو ادخالها بالصراف الآلي لشراء بطاقة مترو أو قطار إن وجد مايشبه ذلك بمصر ...

بصراحة لازم نتكلم بالعقل ، موضوع خالد سعيد لا علاقة له بالطوارىء ولا بالتعذيب ، موضوع خالد سعيد موضوع سببه الموبيل لأننا نسمع عن ممارسة الأمن لموضوع مصادرة ضبطيات الحشيش لأنفسهم ، وهذا موضوع قديم لا علاقة له بالطوارىء ولا بالتعذيب ، لكنه تسيب يشمل البلد كلها وأولاد المدارس خصوصاً

نظام البلد غلط فى غلط ، وهو سيطرة الحاكم على كل شىء وفشله فى المجال المدنى ، وإنتاج عشرات الملايين من أولاد المدارس بدراسات عنف ونظرى ،وبالتالى تغيير الأفراد لن يؤدى لتحسين أى شىء

نتكلم بالعقل!!!!
ليه كنت شايفنه بنتكلم بالجنان قبل كدا؟
ماشى
نتكلم بالعقل اللى تفهمه يا قطقط
بس بشرط تبطل نغمة اولاد المدارس و الغزاه و 1400 سنة
ماهو الواحد لما يطلب شىء لازم هو كمان يلتزم بنفس الشىء
علشان يبقا الكلام فيه عقل
ولا ايه؟
ندخل فى المهم
حضرتك تفضلت و قلت التالى:

اقتباس: موضوع خالد سعيد لا علاقة له بالطوارىء ولا بالتعذيب ، موضوع خالد سعيد موضوع سببه الموبيل لأننا نسمع عن ممارسة الأمن لموضوع مصادرة ضبطيات الحشيش لأنفسهم ، وهذا موضوع قديم لا علاقة له بالطوارىء ولا بالتعذيب ،

مظبوط الموضوع اساسه تجارة المخدرات و معروف من زمان للكل ان اى ضبطية بتحصل فجزء منها لا يتم تحريزه و بيدخل فى بطون ذوى الزمم الخربانة اللى معندهمش ضمير
و يعنى ايه مالوش علاقة بقانون الطوارىء
امال هما قتلوا الولد ليه و باى حجة
بحجة قانون الطوارىء اللى بيسرى على الارهاب و تجارة المخدرات
يعنى اللى ما يعجبهمش يلفقوا له تهمة تجارة مخدرات و يزيحوه من الطريق
يبقا له دعوة قانون الطوارىء ولا مالوش دعوة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اقتباس:لكنه تسيب يشمل البلد كلها وأولاد المدارس خصوصاً

البلد كلها إزاى يعنى مش فاهمه؟
و لا تقصد انعدام الامانة بين الناس؟
نـــــــــــــــــــــــــاس
دى جمع
المصريين كلهم يعنى

اقتباس:نظام البلد غلط فى غلط ، وهو سيطرة الحاكم على كل شىء وفشله فى المجال المدنى ، وإنتاج عشرات الملايين من أولاد المدارس بدراسات عنف ونظرى ،وبالتالى تغيير الأفراد لن يؤدى لتحسين أى شىء

بعد المخمخه فى كلام حضرتك و تجنب بعض المصطلحات الخاصة بمعاليك يا سيد الأرض الطينية المبجل المعظم الكريم
و بعد ما مرارتى اتفقعت من مصطلحاتك
اقول لك معاك حق
"المجتمع "كله لازم له غربلة
لازم يتأسس من اول و جديد
لكن مين قال ان تغيير الأفراد مش هيغير شىء؟
امال نغير ايه؟
الشعب؟
مظنش ان فى اى بلد بتصدر شعوب فى الوقت الحالى
و مين قال ان مصر عاجزة ان يكون عندها رجال يقوده الشعب الغير مؤسس دا؟
قلنا الشباب تافهة و بايظ و دماغهم فاضية
لكن شوف مين دلوقتى اللى بينزل و يطالب بحقة فى حياة كريمة؟
الشباب اللى عيبنا عليهم
مين بيبدع افكار هزت جلالة الدخلية و مسحت بهيبة الشرطة الارض؟
الشباب
مين اللى مصمم رغم كل التحديات و القمع انه يوصل لبر الآمان ببلده مهما اتكلف من مشقات و إهانات و ضرب و بهدله لو حكم الامر؟
الشباب
مصر مش عقيمة للدرجه دى سيد قطقط
بس محتاجه لناس تثق فى نفسها اكتر بكتير و تعرف انها مش اشياء هامشية فى الحياة
ناس تعرف حقيقى يعنى ايه كلمة كرامة و حياة مستقرة أمنه
حاول تلبس نضارة زجاجها افتح شوية علشان" انت "ما تتعبش

---

انا كمان وافقت على فكرة الكتابة على المبالغ المالية
ما ظنش الناس هترفضها إلا لو صدر قرار جمهورى رسمى بعدم قبول التداول باى مبالغ ورقية مكتوب عليها
"لا لقانون الطوارىء"
و لو دا حصل هتشد الحكومة "الذكية" الانتباه اكتر لقانون الطوارىء
و تبقا جنت على نفسها براقش للمرة الالف
و بكدا هنكون برضو نجحنا
جبنا للحكومة وش بمعنى الكلمة

clever foto

رسالة وصلتنى من جروب ضباط الشرطة المصريين

Mohamed H. Aboul Ezz sent a message to the members of ضباط الشرطة المصريين.‏
Mohamed H. Aboul Ezz
Mohamed H. Aboul EzzJuly 10, 2010 at 3:40pm
Subject: السلام عليكم جميعاً
‫بعد السلام عليكم

حد يقدر يقوللي احنا بنعمل كده ليه ؟؟

مدفوعين من الوزارة ؟

و الله العظيم ابدا ، انا الجروب ده عملته في حركه عفويه انفعاليه بدون تفكير و في اقل من 10 دقايق ، و كل الظباط اللي انضموا معايا انا ماعرفهمش و لا عمري قابلتهم .. و اي ظابط انضم و عرفت انه شغال في العلاقات العامة أو في الوزارة شيلته من الادمنز بعد الاعتذار ليه طبعا زي العقيد علي حسني و النقيب عمرو الرهوان لاني عايز كل الضباط تبقا من ضباط الشارع اللي انتو بتقابلوهم كل يوم و بتشتكوا منهم ..

و انا و سامر و محمد فرغلي ضباط عاديين جدا من اللي بتقابلوهم في الشارع
و تحتكوا بيهم كل يوم .. و في غيرنا كتير لسه جاي في الطريق


بنحسن صورتنا ؟

أنا باقولكم اهه : طظ في صورتنا !!! الموضوع دلوقتي بقا اكبر من مسألة صورتنا بكتير .. و ماعتقدش اصلا انها هاتتصلح على الاقل في الوقت القريب


بنضيع وقت ؟

ماعتقدش ان في حد يضيع وقته في انه يرد على الشتيمه !!


بصوا يا اخواننا ...

اللي عايز يصلح فعلا مالوش حل غير انه يحط ايده في ادينا .. الوقفات الاحتجاجيه كلها (مع احترامي ليكم جميعا) مش هاتغير من سلوك امين شرطه واحد

لكن انا اقدر اغير ..

و فيه ظباط كتير تقدر تغير و عايزه تغير .. بس هما محتاجين مساندتكوا مش كراهيتكوا .. انتو كده بتخلو الفاسدين يثبتوا ان هما اللي صح مش احنا .. و موقفنا بيضعف اقصادهم يوم بعد يوم ..


احنا عايزين نصلح زيكم بالظبط ..

بس احنا محتاجين ليكم زي ما انتوا محتاجين لينا .. مش كفايه الوقفات الاحتجاجيه .. لازم نحط ايدينا في ادين بعض بجد .. نوريكوا اللي انتوا مش شايفينه .. وتورونا اللي احنا مش شايفينه .. لاني اكتشفت من الحوارات في الايام اللي فاتت ان احنا في وادي و انتوا في وادي تاني خالص

ارجوكم ..

هوه ده الطريق الوحيد للاصلاح للي عايز يصلح بجد ..

اما اللي عايز ينفس عن غضبه و خلاص .. هوه حر

و شكراً ليكم جميعاً

دي وانا ف وقفه امبارح ف طنطا
كانت وقفه جميله وناجحه ومكنش ف مضايقات من الامن ولا حاجه
المهم وانا واقف واحد بتاع عربيه نص نقل بيقولي كابتن هو ف ايه قولتلو عشان موضوع خالد سعيد قالي اه بتاع اسكندريه قولتلو ايوه
قالي مالو بقا قولتلو عشان ده واحد من ضحايا التعذيب قالي ازاى يعني
قولتلو عشان مات ع ايد المخبرين قالي بجد مات !!
...قولتلو انت متعرفش ولا ايه قالي ممكن تقولي الي حصل بالضبط معلش
قولتلو لا عادي وانا بحكيلو باختصاار
جه عسكري مرور وقالو يلا عشان انت واقف غلط وناس كتير مكنوش عارفين مين خالد سعيد ده اصلا ومن الحاجات اللذيذه اتنين ستات ماشيين ع الكوبري
وحده منهم بتقولي ايه يا ابني انتو متنزنبين ولا ايه
وواحد من سواقين الميكروباص كان واقف تحت الكوبري بيقولي هو ف ايه قولتلو موضوع خالد سعيد قالي مين ده قولتلو بتاع اسكندريه قالي يعني ده واحد جاي من السفر وانتو بتستقبلوه ولا ايه
ف الاخر عايز اقول ان ف ناس كتير متعرفش مين خالد وش مهتمه تعرف مين وحصلوو ايه وبيقول انا مالي انا واعرف ليه وهعمل ايه ولو عملت ايه الي هيحصل يعني ...

---

http://www.aljazeeratalk.net/node/6322

(07-10-2010, 03:51 PM)قطقط كتب:  بصراحة لازم نتكلم بالعقل ، موضوع خالد سعيد لا علاقة له بالطوارىء ولا بالتعذيب

عزيزى قطقط

خالد ضحية لتوحش جهاز الشرطة

وتوحش جهاز الشرطة له عدة اسباب اهمها قانون الطوارئ وكما رأيت أو سمعت بنفسك كان يتم تهديد من هم اكثر من خمس افراد بقانون الطوارئ.

==================

عزيزتى ليلى

ما كتبه ضابط الشرطة بداية غير منطقية ويكاد يقول المريب بالشك خذونى، فكونه بدأ يؤكد بأنه ليس تبع الوزارة وذكر اسماء لضباط تم الاعتذار لهم عن الاشتراك ، فهذه تمثيلية ماسخة ليس لها طعم ، ولا تحوالى اعطاء أى بيانات عنك او الرد عليه ببريد الكترونى فى اى حالة من الحالات لأن هناك قسم الجرائم الالكترونية تم انشائه حديثا ويستطيعون تتبع الايميل بسهولة.

ملوحظة لا يوجد ضابط عادى فى الداخلية يعرف اسماء ضباط العلاقات العامة بالوزارة لأنها ادارة لا قيمة لها بالنسبة للضابط العادى الذى لا يتعامل معهم ، أم ترى انهم اشتركوا وسجلوا اسم الادارة التابعين لها ومش بعيد يكونوا كمان كتبوا رقم الكارنيه الخاص بهم.

إنهم يسجلون فى الفيس بوك ام فى مديرية التموين.

أستطيع أن أسجل بالفيسبوك باسم اللواء بسام أيضا