*لماذا نرفع أكتافنا إلى الأعلى عندما نضطر للمشي تحت المطر من دون مظلة؟؟ يعني هيك ما رح نتبلبل؟؟

*لماذا نخفض صوت المسجلة أو الراديو بالسيارة عندما نشعر بأننا دخلنا بالطريق الخطأ؟؟؟ يعني هيك منصير منعرف الطريق الصحيح؟؟

*لماذا عندما تكون بطارية الريموت كنترول
ضعيفة نقوم بالضغط بقوة على الأزرار؟؟ يعني هيك منشحن البطارية؟؟

*لماذا نكتب اسمنا أولاً بالقلم الذي أهدانا إياه أحدهم؟؟؟ يعني لها الدرجة فرحانين باسمنا؟؟

*لماذا نقول هدية مجانية؟؟ و هل يوجد هدية غير مجانية؟؟

*لماذا عندما نكون داخل المنزل و السماء تمطر نسأل: هل السماء تمطر خارجاً؟؟ يعني بحياتها مطرت جوا مو برا؟؟؟

*لماذا عندما نقرأ على الحائط احترس من الدهان ؟؟ لا نصدق بل نجرب ذلك بأصبعنا؟؟ يعني بدك يللي دهن الحيط يحلفلك يمين.

*لماذا عندما تركن سيارتك في موقف خالي تماماً من السيارات يقوم السائق الذي يأتي بعدك بوضع سيارته بجانب سيارتك؟؟ يعني بيترك الموقف كله وبيوقف جنبك!

*لماذا عندما يتأخر المصعد نضغط عدة مرات على الزر؟؟؟ يعني هيك بحس على دمو و بيستعجل؟؟

*لماذا عندما تكون منتظراً المصعد و يأتي شخص آخر تجده يضغط أيضاً
لطلبه؟؟ يعني مو شايفك بالمرة!

*لماذا نفتح فمنا عندما نقوم بإطعام الطفل الصغير ؟؟؟ نحنا يللي عم ناكل و لا هو؟؟

*لماذا عندنا استعداد لتصديق أي شخص يهمس في أذننا ؟؟؟ يعني الوسواس الخناس أصدق من الناس؟؟؟

*لماذا عندما نتصل بالهاتف يكون الرقم الخطأ دوماً غير مشغول؟؟ يعني حظ بيفلء الصخر.

*لماذا نشعر دوماً بأننا بحاجة إلى 10 دقائق نوم إضافية كلما استيقظنا صباحاً؟؟ الله لا يشبعك نوم.

*لماذا الشخص الذي يشخر ليلاَ يكون أول
من تغمض عينيه؟؟
يعني ما بكفي شخيروا و ببلش في بكير كمان!!

*ليش بعد ما نشرب آخر شفة من فنجان شاي منطلع فيه إذا بئي كمان ولا خلص ... يعني ما منصدق حتى نشوف ؟

*ليش لما بتكون ئاعد بمكان عام وبتمسع
رنة موبايل فورا بتطلع على موبايلك .. شو حضرتك كتير مهم لحتى يرن موبايلك بين كل هالبشر ؟

ما رأيكم؟

(f)

[CENTER]تحية زميل

أوافق في معظم ما قلته وعندي أنا سؤال منطقي لك .... ليش تسأل ؟
[/CENTER]

*لماذا نقول هدية مجانية؟؟ و هل يوجد هدية غير مجانية؟؟
____________________
فى أغلب الأحوال ما يكتب عليه " هدية مجانية " يكون السعر مختلفا و متضمنا ثمن الهدية .
ملاحظات جميلة .
تحياتى

اقتباس:  كمبيوترجي   كتب/كتبت  
 
*لماذا نرفع أكتافنا إلى الأعلى عندما نضطر للمشي تحت المطر من دون مظلة؟؟ يعني هيك ما رح نتبلبل؟؟  

الماء تدخل من خلال البلوزة .. يعني عند الرقبة في فتحات البلوزة أو القميص، لما نرفع أكتافنا بقلل من دخول الماء .. بصير المطر يلمس الشعر و الملابس الخارجية مش الجسم الداخلي.

اقتباس:*لماذا نخفض صوت المسجلة أو الراديو بالسيارة عندما نشعر بأننا دخلنا بالطريق الخطأ؟؟؟ يعني هيك منصير منعرف الطريق الصحيح؟؟

عشان نركز .. لأنه بطبيعة الحال الموسيقى العالية بتشتت التركيز.

و في شغلة، أنه لما نوقف عالإشارة بنوطي صوت المسجل .. و لما نكون دايسين بنعلي الصوت .. هاد كله متعلق بتركيز الذهن.

اقتباس:*لماذا عندما تكون بطارية الريموت كنترول  
ضعيفة نقوم بالضغط بقوة على الأزرار؟؟ يعني هيك منشحن البطارية؟؟

هاي أنا بعملهاش، بعرفش الباقي ليش بعملوها.

أنا بقيم البطاريات و بصير أعظ فيهن و برجعهن و بصير كل شي OK

اقتباس:*لماذا نكتب اسمنا أولاً بالقلم الذي أهدانا إياه أحدهم؟؟؟ يعني لها الدرجة فرحانين باسمنا؟؟

عمره ما حد أهداني قلم .. فبدريش صراحة ..

اقتباس:*لماذا نقول هدية مجانية؟؟ و هل يوجد هدية غير مجانية؟؟

في عندنا بالشركة (الكترونيات الغانم) هدايا غير مجانية ، بعطو هدايا و لكن حقها فلوس.

عشان هيك لما تشتري أغراض ، في قسمين، الهدايا اللي حقها فلوس، و الهدايا المجانية

بمعنى، ذا اشتريت بألف دولار.

بتروح على قسم الهدايا و بتلاقي هدايا عليها أسعار (500 دولار أو ألف دولار) فبتختار الهدايا اللي بصير اجمالي قيمتها ألف دولار

و هيك بتكون اشتريت أغراض بقيمة ألف دولار، و طلعك هدايا حقها ألف دولار (نفس قيمة الأغراض اللي اشتريتهم)

بينما الهدايا المجانية بتكون ، مثلا اشتريت كاميرة فيديو، بكون مكتوب انه بطلعلك طقم فناجين مجانا.

اقتباس:*لماذا عندما نكون داخل المنزل و السماء تمطر نسأل: هل السماء تمطر خارجاً؟؟ يعني بحياتها مطرت جوا مو برا؟؟؟

لأنه فعلا هي بتكون بره البيت .. يعني كيف بتعرف أنها بتمطر غير من الشباك أو البلكون .. لو ما فيش لا شباك ولا بلكون، ولا ممكن تعرف ، اذن انت عرفت انها بتمطر بالنظر إلى برات البيت.

اقتباس:*لماذا عندما نقرأ على الحائط احترس من الدهان ؟؟ لا نصدق بل نجرب ذلك بأصبعنا؟؟ يعني بدك يللي دهن الحيط يحلفلك يمين.

أبصيرش تعمم هان، لأنها تحدث مع الفضوليين فكط.

اقتباس:*لماذا عندما تركن سيارتك في موقف خالي تماماً من السيارات يقوم السائق الذي يأتي بعدك بوضع سيارته بجانب سيارتك؟؟ يعني بيترك الموقف كله وبيوقف جنبك!

ألفة - مودة بين السيارات :uvu:

و من ناحية الأمان و الـSecurity ، أأمنلك أن تصفط جمب سيارة موجودة already

اقتباس:*لماذا عندما يتأخر المصعد نضغط عدة مرات على الزر؟؟؟ يعني هيك بحس على دمو و بيستعجل؟؟

عاد هي أنا فعلا بشوفها ضرورية ..

لأنه ممكن يكون ماشي و طالع فوق و انته بتغط، فبفهمش أنك طلبته، لبين ما يخلص مأموريته، و يروح اللون عن الكبسة، بعدين بستجيب، و هذا بتطلب أنك تضل تحاول عدة مرات

طبعا هاي بتفرق جداً و بتعتمد على نوع المصعد

في أصنصيرات مثلا اذا بدك اياها تنزل بصيرش تكبس عالكبسة اللي فيها السهم لفوق .. لازم تكبس على السهم اللي لتحت .. عشان الأصنصير يجيلك ، و مستحيل يوديك إلا تحت فقط ، لأنك طلبت منه يوديك تحت ..

طبعا أنا بحكي عن النوع اللي فيه كبستين

و كل نوع من أنواع الأصنصيرات إله functions و options خاصة فيه، و إنشالله يتحدوا بيوم من الأيام و يريحوا راسنا

اقتباس:*لماذا عندما تكون منتظراً المصعد و يأتي شخص آخر تجده يضغط أيضاً  
لطلبه؟؟ يعني مو شايفك بالمرة!

هاي بترجع برضه لنفس اللي شرحناه فوق، أنه ممكن الأصنصير ما استجاب إلك لأنه مشغول بتوصيل شحنة، و بلكي كبسة الأخ اللي صار جمبك تجيب الأصنصير

ثانيا ، يمكن هو نازل تحت و انت بدك تطلع فوق و هو دعس على السهم تحت و انت داعس فوق

اقتباس:*لماذا نفتح فمنا عندما نقوم بإطعام الطفل الصغير ؟؟؟ نحنا يللي عم ناكل و لا هو؟؟

عشان يتعود عليك و يتعلم منك يفتح ثمه

الأطفال بكتسبو العادات بسرعة

اقتباس:*لماذا عندنا استعداد لتصديق أي شخص يهمس في أذننا ؟؟؟ يعني الوسواس الخناس أصدق من الناس؟؟؟

بالنسبة الي نوعية الحكي بتفرقش اذا كانت بجهر أم خافتة، المهم المضمون، و بقيس صحتها على أساس منطوقها.

اقتباس:*لماذا عندما نتصل بالهاتف يكون الرقم الخطأ دوماً غير مشغول؟؟ يعني حظ بيفلء الصخر.

هاي مع حق فيها، مش لاقيلها حل


و اللي بصير معي أكثر، أنه أكثر شيء عندي بالبيت هو الولاعات، و لما أكون محتاج ولاعة .. بلقاش ولا وحدة بالمرة.

out of blue بختفيوا

اقتباس:*لماذا نشعر دوماً بأننا بحاجة إلى 10 دقائق نوم إضافية كلما استيقظنا صباحاً؟؟ الله لا يشبعك نوم.

هاي مصيبة كبرى، طامة كبرى بالنسبة لي، تفنشت من أربع شركات بسبب هذه الحالة ..

ولا زلت أعاني منها، و الله يستر

لأنه عندي إنذارين حاليا بسببها بالشركة الحالية.

اقتباس:*ليش لما بتكون ئاعد بمكان عام وبتمسع  
رنة موبايل فورا بتطلع على موبايلك .. شو حضرتك كتير مهم لحتى يرن موبايلك بين كل هالبشر ؟

اذا كل واحد حط نغمة مخلتفة و حفظها، بتقل هاي الحالة.

اقتباس:ما رأيكم؟

روعة




سلام

خذ هذول :


1-ذا كانت الخضار والفاكهة تفيد في تخسيس الوزن ، فلماذا لم يستفد الفيل منها ؟‎

2-لماذا الصمغ الشديد الفعالية لا يلتصق بالأنبوب الذي يحتويه ؟

3-إشارة ممنوع المشي على الحشيش المزروع ، كيف وضعت في مكانها؟

4-لماذا يعقمون الإبرة السامة لقتل المحكوم عليهم بالإعدام ؟

5- لماذا كان الطيارون الانتحاريون اليابانيون ( الكاميكاز ) يرتدون خوذة واقية؟

6-إذا كان السوبر ماركت يفتح لمدة أربعا وعشرين ساعة في اليوم لمدة عامٍ كامل ، فلماذا وضعت عليه الأبواب والأقفال؟



أسئلة زنخة شوي ، و أجوبتهم معروفة ، بس عشانهن بتماشين مع عنوان الشريط حطيتهن


سلام