سورية تسمح للأردنيين بالإقامة بشكل دائم على أراضيها



عمان: فارس شرعان
قررت سورية السماح للرعايا الأردنيين بالإقامة على أراضيها بشكل دائم من دون الحصول على موافقة أي جهة حكومية. وقال وزير الداخلية الأردني، عوني يرفاس، إن الحكومة الأردنية تلقت إشعارا بذلك من الحكومة السورية من خلال وزارة الخارجية، مؤكداً ترحيب الأردن بهذه الخطوة التي تسهل على المواطنين الأردنيين الإقامة في سورية من دون موافقة أية جهة. وكانت السلطات السورية تمنح الرعايا الأردنيين الذين يدخلون أراضيها إقامة مؤقتة لمدة أسبوعين يقومون بعدها بمراجعة وزارة الداخلية للسماح لهم بالإقامة فترة أطول. وأوضح يرفاس لـ«الشرق الأوسط» أن الحكومة الأردنية تسمح للرعايا السوريين بالإقامة في أراضيها المدة التي يرغبون، إلا أنها تشترط على الراغبين بالعمل الحصول على تصاريح عمل وفقاً للقوانين الأردنية السارية المفعول. يذكر أن الرعايا الأردنيين والسوريين ينتقلون بين البلدين من دون تأشيرة دخول. من جهة أخرى قال الوزيرإنه لا يوجد معتقلون سياسيون أردنيون في السجون السورية، موضحاً أن هناك 275 أردنياً موقوفون لدى المحاكم السورية على خلفية قضايا إجرامية. وأضاف أن الحكومة السورية زودت وزارة الداخلية بقائمة تتضمن أسماء الأردنيين الموقوفوين على خلفية هذه القضايا

حركة حلوة منك يا دكتور

ابوي بفكر يشتري مزرعة في سهول حوران جنوب سوريا و راح يكيف على هيك خبر

تعال ابيعك مزارعنا في الشمال جواد ..
منها بتصير مصيف .. ومنها بتصير لتربية الأفاعي :lol:

(f)

قرار غير مفهوم...ربما لجعل الوطن البديل للاردنيين هو سوريا :lol2::lol2:والوطن البديل للفلسطينيين هو الأردن :lol2::lol2: وسيتسبب بارتفاع اسعار العقارات:angry: والاراضي :angry:أكثر بكثير..

اقتباس:تعال ابيعك مزارعنا في الشمال جواد ..
منها بتصير مصيف .. ومنها بتصير لتربية الأفاعي :lol:
(f)

يا عمي خليك بعيد بلاش تشبهنا هلا و تقطع رجلنا بالمرة من سوريا

بعدين مزارعكم بعيدة كثير علينا شوفلك حدا ثاني المنتدى مليان سوريين بعدين احنا عايزين نربي اسماك قرش مو أفاعي.

انا سمعت انو د.بسام خوري عندو هواية تربية سلاحف بحرية و قواقع بيجوز يشتري منك بس انت طريلو السعر شوي

:lol2:

بسام :

بتعرف انو الطبقة الغنية في سوريا عبو البلد عنا و كثير منهم سحبوا أرصدتهم من بنوك لبنان و اودعوها في الاردن و علي سيرة الأراضي جماعتكم و العراقيين نازلين مشترا في الأرض عن طرف و جنب لما خلو سعر الارض في العلالي و بطل حدا عارف يشتري ارض من تحت راسكم

اقتباس:  thunder75   كتب/كتبت  

اقتباس:تعال ابيعك مزارعنا في الشمال جواد ..
منها بتصير مصيف .. ومنها بتصير لتربية الأفاعي :lol:
(f)

يا عمي خليك بعيد بلاش تشبهنا هلا و تقطع رجلنا بالمرة من سوريا

بعدين مزارعكم بعيدة كثير علينا شوفلك حدا ثاني المنتدى مليان سوريين.

تعا اشتري بدير الزور ياجواد :lol2:
شوبدك بأراضي المعري ..... لامي ولاخضرة .. الدير هي الأصل :)

لي صديق أردني يؤكد كلام ثاندر بأن أراضي عمان طارت للسما...بس مش الحق على السوريين حسب رأي...الحق على العراقيين واستثمارات صاحبكم سعد الحريري وصهركم:lol2: محمد بن راشد...الله يبعتلنا هيك صهر:lol2: بس بشار الاسد ماعندو أخوات خرج الجيزة وبنتو بعدها صغيرة...وأمراء الخليج مابيتجوزوا غير سنيات....

بعدين اذا اسمك جواد سجل باسم جواد وريحنا من سندر أو ال ثندر..
:lol2::lol2::lol2:

فعلا الأسعار الاردن ارتفعت للضعف ...
أما بعمان العاصمة وبعض المناطق الراقية ارتفعت أكثر من الضعف ...
ويرجع الى عدة أسباب ....
الأخوه العراقيين المقتدرين ....جماعة النسب الملكي من دبي ...وايضا هروب رؤو س الأموال من لبنان ... أما سعد الحريري فنازل بثقل ....
هذا ما يتردد في صالونات النميمه بعمان ....

بالعكس يا عبود .. بل هي في واحدة من أجمل المناطق السورية حيث الماء والخضرة .. وانت تبقى جيب معك الوجه الحسن :lol:

بعدين اقعد عاقل خلينا نسمسر عالرجال :devil:
من عشرين سنه مش مستفيدين منهم .. خلينا نبيعهم عالأقل

:lol:

حدا قاللك ياحسان أنا رح اوهبو الأرض؟؟
رح بيعوا اياها
يعني بربك .... ياخذ الخضرة من الشمال ... واجيبلوا الوجه الحسن من الشرقية؟
لا عمي
علي الخضرة والفرات .... وعليك الوجه الحسن
هيك اظبط :)
والتجارة شطارة :lol2: