(02-10-2012, 01:32 AM)مسلم كتب:  يا فرات الشغلة مو بكيفك ولا بكيفي هي بكيف من هو أقوى منك ومني ويزماناتو حزب الله بعت كم فتيشة لاسرائيل وقال انتصرنا وانت تستخدم نفس المنطق ونفس الخطاب .
يا زملي الفتيشات لن تحررك ولن تحرر سوريا وعندما تمتلك ما يملكه من هو أقوى منك فعندها سيكون لكلامك قيمة حقيقية , البلد في أولى خطوات الحرب الأهلية , أنت لا ترى ذلك لأنك لا تريد أن ترى والأيام ستثبت لك ذلك .
وحط ببالك شغلة وسأرجع أذكرك فيها , الآن بعد أن ينتهو من حمص ستشتعل محافظة أخرى ( أو إذا لم ينتهو فستشتعل محافظة أخرى ايضا ) , وعندما تشتعل المحافظة الأخرى ستعرف بأن قرارك ليس بيدك بل بيد من هو أقوى منك .
لنرى الآن من هي المحافظة القادمة التي سيحاول أن يمحيها النظام كما يقوم الآن بمحي حمص.

اخي العزيز..هل انت صوفي من جماعة "دع الخلق للخالق"....مش عارف شو هالانهزامية والاستسلام والتسليم انه حدا راكبنا..فخليه راكبنا بدال ما يجي واحد تاني اقوى منه يركبنا

يا زلمة هي بلدك...بلدك...حريتك...كيانك ...كرامتك....هي بلدك اللي كان محصور في مجموعة محددة كانت دايسة على رقاب العالم وتبتزها بالامان...شو هالامان اللي كان بالبلد والشرطي مرتشي والمحقق مرتشي والقاضي مرتشي!
الامان بالنسبة لواحد مثلك ماشي بحاله ما عنده "تقاطع مصالح" مع حيتان بالبلد....انت ليش بدهم يعادوك...بس مجرد ما تدخل تبني برج او مول يكسّر عليهم شغلهم..يبعتولك شرطة وامن ويطلبوك المخابرات وبدهم يشاركوك....
انت كشخص تفيق الصبح وتلبس ملابسك وتركب بالسرفيس وتروح على دوامك اللي هو مو متناسب مع امكاناتك بس مضطر تداوم فيه حتى تعيش لأن واحد واصل وابن فلان اخد فرصتك....ما حدا بينكشك...لأنك "لا تشكل خطر عليهم"...بس لما تكبر..وتصير تاجر...ويبدؤوا يشعروا انك تشكل خطر عليهم...ساعتها تعرف شلون يسحبوا منك الامان!
شوف هالدكتور رئيس الجامعة الخاصة لما ما رضي يفوّت بنت الاسد على الامتحان لأنها ما معها بطاقة امتحان شو عملوا فيه شبيحة بيت الاسد....طبعا هذا قبل الثورة بعام...وهذا مقطع مصور..فكم من الوف المواقف غير المصورة التي يهان فيها السوريين:



روح عمي...انت زلمة على باب الله وموظف على باب الله..وما بتشكل خطورة على حدا...لا على الثورة...ولا على النظام....الافضل انك تخليك على جنبك...حتى يقرر المنتصر منا مصيرك...