اقتباس:ياسيد ابراهيم نعم نحن شعب فقير لكننا منذ بدايات القرن العشرين متحضرون حتى النخاع متسعين الافق , لم نكن ننظر للمراة على انها جسد يمشى بالطرقات او شيطان اخرس ... نحن كنا اسمى من ذلك ومن هؤلاء البدو مليون مرة واعوانهم ببلادنا الاخوان الشياطين

منذ بدايات القرن العشرين واللي تغير ما كانش كتير. كانت ولازالت العقلية الوسخة متوغلة من البداية... مين اللي ابتدع المثل عندنا في مصر اللي يقول "خلف البنات عار"؟ نعم حصل تطور مع مجيء قاسم أمين ولكنه كان تطور نسبي وقليل جدا.. مش دول اللي شخطوا في وزير المعارف وهو رايح المنصورة وقالوا: الوزير الأعمى أهوه؟ مش هما دول المصريين؟! وهو رد قال لهم إيه يا وضاح: قال لهم: الحمد لله الذي جعلني اعمى فلا أرى وجوهكم القبيحة.

يا عمي هو حد ضرب العيال الصيع بتوع الأزهر على أيديه عشان يتظاهر على رواية كتبها واحد سوري اسمه حيدر؟ الرواية في بلدها ما حدش زعل منها وعندنا البقر موتوا بعض علشانها.. عشان حتة رواية! مين بقى البدو؟!
وبعدين مين هما اللي بدو؟ مصر فيها بدو أكتر من أي بلد لعلمك بقة. خد عندك عرب درويش.. وخد عندك السيرة الهلالية اللي انعملت عليها سيرة أبو زيد الهلالي.. القاهرة أصلا شوية صعايدة هاجروا وشوية ناس هاجروا من الأقاليم وعشان كدة الوجوه سمرة شوية. الاسماعلية أصلا شوية صعايده هاجروا أيام الحرب.. مافيش في البلد الجميل ده غير الصعايدة. التفكير السائد لا يختلف كتير أو قليل عن البدو بالمرة. لما حد فينا بيغلط في التاني يا وضاح، بنقول إيه؟ مش بنقول عايزين نعمل قعدة عرب؟ و مش بنقول: عايزين حق عرب؟ مصر لا تختلف كتير لعلمك بقة عن الناس بتوع الحجاز ودول. ثقافتنا بدوية عربية من الأصل. ومش عيب. ده جزء من تاريخنا.
:wr: