Array
الأخ زياد
2 - إسأل ليلى لماذا لاتنشر صور دارفور ؟
[/quote]

مبدائياً قطقط انا شايفه انك مركز عليا انا جداً سواء فى إقتبساتك او حتى كلامك
ممكن اعرف ليه؟
هل كلامى له معانى مختلفة عن كلام الكثير من الزملاء هنا؟
و لا الموضوع فيه إن و كان و اخواتها، و انا جناحى خلاص بقى جاهز و فاضل لى بس الباسبور علشان اتشحن على جوانتنامو
طظ ( موجهه طبعاً لجوانتنامو ، علشان محدش يصطاد فى الماء العكر كالعادة)
و ليه هو اللى يسألنى ، خايف انت توجه لى السؤال؟
ماتخافش مش هعوضك لو سألتنى بشكل مباشر ،
الصراحة راحة زى مابيقولوا و لا إيه
تانى شىء إيه اللى دخل دارفور فى موضوعنا هنا؟
إيه اللى دخل المتحدث الرسمى لأمريكا فى دارفور
مش مفروض نروح دارفور و نسألهم هناك إيه اللى بيحصل لهم من مجازر و من مين
وإيه الفتن اللى بتتذرع ليل نهار فى وسطهم و من مين ياترى يا هلترى؟
تقدر تخمن ؟
و على العموم مش هكسفك و مش هضيع وقت الزميل اللى شخصياً لا ارحب بوجودة و مازلت مصرة ان اسم وخم لايق عليه جداً و يستحق ما هو اكثر من مجرد كلمة وخم(رغم ان بجد ما اعرفش معناها ، لكن بخمن ان معناها حاجه زى رخامه و الله من وراء القصد، و حتى لو كلمة ابيحه فهو يستاهل اكتر منها ، لأنه بيمثل اكبر جزار فى العصر الحديث اللى نصب نفسه بوليس على العالم كله و هو مايسواش بصلة حتى و كل اللى بيتكلموا بإسمه و يدافعوا عنه بشوف ان ايديهم ملوثة بدماء الأبرياء من البشر فى كل مكان مش بس فى الدول العربية و الإسلامية)
المهم
كنا فين؟
قبل ما احط الصور اتفضل موقع عن دارفور
http://www.darfournews.net/ar/

اتفضل الصور اهى
http://images.search.yahoo.com/search/imag...mp;fr=slv8-msgr

ولا تسلم لى الفتنة الطائفية ، الله يحرقها و يحرق كل من يحاول إشعالها، و الحمد لله هم قلة ، و الحمد لله بيفضحوا نفسهم بنفسهم بمنتهى الغباوة،
الناس اللى عندها ضمير موجودين فى كل الديانات و الملل و العقائد و التيارات الثقافية و الدينية و السياسية
و المثال واضح جداً فى الموضوع دا.
و يسلم لى كل إنسان عنده ذرة ضمير

ليلى

ملحوظة : ارجو تلتزم بعد كدا توجيه اسئلتك للمدعو( وخم) الموضوع هو اللى فاتحه مش انا

علشان بعد كدا مانرجعش نقول كنتى فين يا لاء لما قلت الاه
و اتمنى عليك الإلتزام بطلبى ، لأنى اخدت عهد على نفسى انى ابطل اجامل اى حد ، بالذات اللى يحاول يقل حياءه عليا و لو بحرف واحد
مش ناقصه وجع دماغ من حد و مش فايقه للعب العيال