فرغلى ده عامل كتاب حكى فيه قصته ، وهو كان راجل محترم ، صادروه ومنعوه من السفر والشغل ، فكان بيروح لأعضاء مجلس الثورة ، يقولهم عملتوا شعار : الإتحاد والنظام والعمل ، وانا عاوز أشتغل .. شغلونى أو سيبونى اسافر لأنى مش معتاد على البطالة ، وهم كانوا فاكرين إنه مهرب فلوس ، وحصل إن عملية تصدير القطن إرتبكت بعد ماطردوا الأجانب فجابوه وعينوه رئيس لشركة القطن وإتقابل مع عبد الناصر

وفيه واحد كان بيحكى إن صاحب " دار المعارف " صادروا المكتبة وعينوه موظف فيها ، فالراجل ده كان عامل وكان بيكرم صاحب الدار بعد ماإتصادر وبيقولهم الراجل ده خيره علىّ ، فإنسان عمل مكتبة ناجحة يأخذوها منه ، ويعينوه يأخذ فلوس من الحكومة ، ويقعدوا يعينوا ناس تسرق وتنهب وفى الأخر المؤسسات كلها بتخسر ، لأنه مافيش ضمير ، رئيس البلد بيصادر ، والموظفين بيصادروا كل ما تقع عليه ايديهم ، ونظام خذ الفلوس وإجرى

المصنع كان ناجح لكن كان فيه قلة تستأثر بخيراته .. لكنه كان يعمل ، وعبد الناصر أوقف العمل ، وعمل نظام التوزيع بدون مقابل ، فقط عشان الناس تقول تحيا الثورة ويحيا عبد الناصر