لك ما هو في كتير افتراضات
( وهيك أجوبة مدسوسة من قبيل أنو إذا ما بتحبونا لأنو مطبعين مع إسرائيل فهي ليككن من تحت لتحت ! .. )

ما علينا ، اعتقد ان الموضوع بيبدأ داخل البلدان اللي فيها هجرة مصريين " كعمال " أول شي ( متل ما بعتقد أنا )
تدفق أعداد كبيرة + قبول برواتب ضئيلة .. وحسب قانون العرض والطلب والمدري شو ! بيصير هالراتب السيء حالة عامة وهيك بيصير شوي نقمة

عموما َ الشعوب العربية متهمة لهلق ! بمعاداة اسرائيل واميركا والغرب الكافر و إيران الشيعية وتركيا المناورة و الدنمارك المسيئة للرسول وروسيا الشيوعية الفاسقة والجزائر لأسباب رياضية و سوريا لأسباب درامية ولبنان لتجربته الديمقراطية وتقاربه من الغرب الكافر كما أسلفنا والسودان لأنن سود و
ما بعرف إذا ضل حدا عالميأ ما بتكرهو هالأمة العربية ، هادا إذا شفتلي الأمة العربية ابقى افتكرني .. حاول حاول تفتكرني ... حاول حاول

اما أنا شخصيا ً ما بحب مصر ! ولا بكرها .. ما بعرف ما فكرت قبلا يكون عندي شعور تجاه " مصر "
يعني حتما ً كسورية بكره جمال عبد الناصر . كره العمى ! وبكره حسني مبارك بس مو لأني بحب حكام تانيين بس لأنو هيك عندي عواطف سلبية تجاه الحكام ( حكام المباريات ما حدا يفهمني غلط )
وبكره محمد هنيدي وتامر حسني وهالطنطات
وبحب سعاد حسني وأفلام الأبيض وأسود وام كلثوم !
يعني ما عرفت بس تجاه هيك مصر بالعموم ! ما بعرف شو أحساسي !