(06-19-2012, 06:08 PM)elen faddoul كتب:  ليس تماماً لأن الإسلام هو دين الغالبية السورية، والرئيس منتخب من الغالبية

يعني هي نفسها .. إذا الأغلبية الاسلامية فوضت مسيحي للرئاسة فشو المشكلة .؟ بكل الأحوال أقلية و لا أغلبية ففيها انتقاص من حقوق البقية .. نحن كنا عم نناضل من أجل سوريا الحرية و العدالة و المساواة بين الجميع بغض النظر عن طوائفهم و أعراقهم و مذاهبهم .

عندما نكون في نظام محاصصة طائفي فنعم .. سنقول أن موقع الرئاسة للسنة بحكم أنهم الأغلبية و ربما عندها تكون رئاسة الحكومة من نصيب المسيحيين و رئاسة مجلس الشعب بيد العلوين .

(06-19-2012, 06:08 PM)elen faddoul كتب:  المسألة مالها علاقة بالكرامة
فقط الحرية الدينية المتاحة
فيه فرق بين الحرية الفكرية والحرية الدينية كجزء من الحرية الفكرية، والنظام وفر الجزء فقط لأسباب مختلفة ومعروف معظمها

بس كان سؤال "رفيق" عن الكرامة اللي موفرها النظام ..أنا بحب عيده, هل النظام موفرلكن كرامة .؟

(06-19-2012, 06:08 PM)elen faddoul كتب:  أفهم غضبك وغضب سواك من كل محايد، وأفهم معنى الحرمان ربما من الأساسيات في الحياة لأكثر من عام ونصف، والحياد في المسائل الأخلاقية جريمة. لكن فقط في المسائل الأخلاقية الإنسانية تحديداً

طيب المشكلة عم نشوف أغلبية من أقليات محيدة نفسها بالمسائل الاخلاقية و الانسانية .,. مع الأسف .

(06-19-2012, 06:08 PM)elen faddoul كتب:  من حسن الحظ بالتأكيد أنك تتكلم باسم نفسك لا باسم الثور

أنا بحكي باسمي .. بس كمان عايش بنبض شارع الثورة و عم أرصد ردات الفعل بدقة .

الشغلة مابدها .. لكل فعل رد فعل و بالنهاية في ثمن أو أثمان ستدفع .. أما أيمتى و كيف و شلون فهي متروكة للظروف .

يعني الشارع عم يغلي غليان و المآسي الموجودة بكل منطقة ثائرة لو حكينا عنها ما حنخلص .. سواء من القتل و القصف و الحواجز اللي بتهين آدمية الناس أو الاعتقال أو التعذيب الوحشي أو الاغتصاب ... و بيجي بطريرك ماروني بيتحاشى تسمية الأمور بمسمياتها لأ و بيعزف على نغمة النظام .. فأي ردة فعل بكونوا عم يحضروا للمستقبل .. لأ و الغريبة انو الجماعة بيحكوا و بنظروا عن العيش المتشرك و الوحدة الوطنية و حقوق الأقليات و الحريات ...الخ يعني متل ما بقول المثل نكاية بالطهارة بشخ بتيابو .

أنا -بعبر عن نفسي بس- ما عندي استعداد ابني مستقبلي مع طرف ما تألم لألمي .. مع طرف أنكر معاناتي و تجاهل دماء أنات أولادي .. بالله أي مستقبل ينتظرنا .؟