(03-14-2013, 01:58 PM)رحمة العاملي كتب:  عزيزي نوار الربيع
خليني كون صريح معك
النظام في سوريا لا يمكن ان يستمر كنظام حتى ايران وروسيا يعرفون ذلك تماما
لكن هذا لا يعني ان المعارضة نجحت او انها تستطيع ان تدفع النظام الى الرحيل على المدى المنظور خلال سنتين وهذا ما تعرفه اميركا وتركيا ودول الخليج الراعية للمعارضة
بل تحول النظام الى طرف والمعارضة كل بمفرده وقيادته وراعيه الى طرف وبالتالي المعارضة اطراف عدة باهداف مختلفة وهذه نقطة لصالح النظام وليست لصالح المعارضة
انتم الان يا عزيزي سويا معارضة ونظام في مرحلة التمترس والفرز لاستمرار الازمة طالما ان شعار الاطراف السورية هو (لئن رجعنا إلى المدينة ليخرجن الأعز منها الأذل) وهوجي يا سعدي ومرجان

وعلى اقل التقادير امامكم ثلاث الى خمس سنوات حرب اهليه يمكن خلالها ان تحدث مفاجئات غير متوقعة وسيناريوهات عديدة كتدخل اسرائيلي على جبهة محدودة نتيجة الفراغ وتصفية حسابات دولية واقليمية على الارض السورية تماما كما حدث في لبنان والنتيجة لن ينتصر احد على احد بل مزيد من الخراب والدمار وامتداد الازمة الى دول الجوار خاصة لبنان

الحل بيد السوريين لا بيد غيرهم المهم ان يفتك السوريين جميعا من التأثيرات الخارجية ، لكن هيهات سبق السيف العزل ، ومشكلة الجهاديين التكفيريين لوحدها اذا نجحت المعارضة بحاجة الى سنتين على الاقل للتخلص منها ومن انعكاساتها ، هذا اذا لم تحارب المعارضة نفسها بالسلاح كما تتحارب اليوم بالكلام (منظر معاذ الخطيب الاخير بيحرق القلب بعد الهجوم المعارضاتي عليه )

لهذا لا حل منظور الا اذا اجتمعت اميركا وروسيا والسعودية وايران والزموا الاطراف الداخلية السورية بالقوة على التفاوض ، وهذا غير لائح في الافق السياسي المنظور لان الصراع على المنطقة ككل بين الاطراف الدوليين صراع حقيقي بادوات محلية ، فضلا عن ان الغرب يريد ان يخرج سوريا من معادلة الصراع مع الاسرائيلي ومن حلف روسيا ايران ولو بتدمير سوريا ، مش خسرانين شي مع علمهم بان المعارضة غير قادرة على الحسم العسكري ، ولا النظام قادر على استعادة مواقعه السابقة
تحياتي

شوف يا عزيزي رحمة انا مافيني غير أقدر المنطق الموضوعي بتحليلك الأخير و لحد ما متفق معك فيه ,مع بعض التحفظات طبعاً ؛
فما تسميه أنت "معارضات" صحيح.. هي لانو هدول بعبروا عن طيف عريض واسع من الشعب من أقصى أقصى اليمين لأقصى أقصى الشمال . شئتم أم أبيتم المعارضة السورية بتعبر عن شريحة كبيرة من الشعب السوري .

النظام لحد الآن متماسك و متوحد و هذا شيء لصالحه أي نعم....بس طول بالك , برأيي ما حيدوم هالتماسك كتير. بكرا انشالله بس تنقلب موازين القوى لمصلحة المعارضة حنشوف نظامات كمان .

طيب بما انو ماشيين بنسق موضوعي .. خلينا اسألك ضمن السياق ..

بالبوسنة بعز دين المدابح لما تدخل حلف الناتو ... مابتذكر العربان عملوا حفلات ردح و تخوين للبوسنيين لاستعانتهم بالناتو الصليبيين الكفار و لا حدا لامهم و لا حتى عايرهم بهالشي. مع انو لو نظرنا للمشروع لوجدنا مخطط غربي أمريكي تآمري على يوغوسلافيا .كمان مع ألبان كوسوفو شرحو لما تدخل الناتو ...

تركيا نفسها كانت عراب التدخلين تقريباً .

ليش لما اجى الدور على سوريا صاروا كخة الجماعة.؟! لك بتعرف شو بيجمع تركيا بأغلبية الشعب السوري أنت .؟؟؟ 

قلة مجازر عم تصير ... قلة ناس عم تموت .....قلة مهجرين .... حتى لو فرضنا المعارضة عم تقصف حالها بالسكود ...ببس يعني بالنهاية في دولة و في مسؤولية لما الدولة بتكون عاجزة عن حماية حدودها أو السيطرة على معابرها البرية و عم تصير المجازر بطول البلاد و عرضها .....يعني بصير الواحد بفكر و العياذ بالله انو لأيش هالدولة .؟ 

هي نقطة ...   

النقطة التانية ... انو عدم المؤاخذة بس لما تدخل قائد الممانعة و الصمود و التصدي حافظ الأسد لتحرير الكويت تحت إمرة أمريكا و حلف شمال الأطلسي الناتو ...و بدعم عرباني خليجي سعودي قطري . (بالمناسبة تركيا ماكانت معهم)

بس يعني انو ليش حفلات الردح الطائفوقومجية ماطالت قامتهم وقتها .... ليش على حظ السوريين صاروا الأتراك عصملية أوباش و الناتو شياطين الله في أرضه ...
  
تحياتي .