اقتباس:أيضا هناك شئ محير كيف سجلت أنا بهذا الإسم بلا عقبات ، حيث أن الجميع يعلم أنك إن أردت التسجيل في منتدى ما بإسم ما ، فإن كان هناك من سبقك بنفس الإسم تأتيك رسالة تقترح أختيار إسم آخر وهكذا ، فيه حد يشرح لي اللغز ده، حيث أنه سيكون هناك لبسا دائما عضوتين بإسم واحد ، أرجو التوضيح من المسؤليين

ليس هناك تشابه اسماء بل ان الصورة الصغيرة التي تضعينها تحت اسمك ,كانت تضعها الزميلة مسلمة لذلك حصل هذا الالتباس.
اقامة موفقة وصوما مقبولا :saint:

يُخاطبُني السَّفيهُ بكُلَّ قبحٍ**** فأكرهُ أن أكونَ لهُ مُجيبا
يزيدُ سفَاهةً وأزيدُ حلمــاً**** كعودٍ زادهُ الإحراقُ طِـيبا
الإمام الشافعي

---------








يُخاطبُني السَّفيهُ بكُلَّ قبحٍ**** فأكرهُ أن أكونَ لهُ مُجيبا
يزيدُ سفَاهةً وأزيدُ حلمــاً**** كعودٍ زادهُ الإحراقُ طِـيبا
الإمام الشافعي

أرجو المعذرة من الجميع !! الكومبيوتر لابساه

العفاريت ، مرتين يفصل النيت قبل مأرسل الرد كاملا :D

__________



الزميل /اللامنتمي

أهلا ومرحبا بك

اقتباس:هل هناك من يسمع

تكفيري كويتي نحر ابنته وهي تتوسل: "يبا.. السكين تعورني" !أجابها: "تشهدي.. راح تروحين الجنة"

موش فاهمة قصدك ايه ياعزيزي

على كل حال ، رأيي أنا في هذه القصة أو الخبر الذي تكرمت وأرفقته أنه كااااااااااااذب ، وتفوح منه رائحة العفن الصحفي المنتشرة آفته هذه الأيام بأوامر من الطواغيت أي الحكام المغتصبة للحكم ظلما وعدوانا

أما لماذا قالوا التكفيريين ، لأنهم أي ماقيل عنهم أنهم تكفيريين يكفرون الحكام لعدم تحكيمهم شرع الله ، ولتواطئهم مع أعداء الله لاحتلال بلاد المسلمين وإبادتهم ، أي وإبادة المستضعفين من المسلمين .

فإنها الحملة التي أُمروا بها من أسيادهم الصليبيين لتشويه كل ما يمت للإسلام بصلة ، وتصوير المتدينين على أنهم معتوهين متشددين سفاكين للدماء،وهذه أوامر عليا من القائد الأعلى للقوات الصليبية ، مرة أخبار كاذبة ومرات أفلام ومسلسلات

وكلها أفلام في أفلام لغسل أدمغة السذج ، والله المستعان

اقتباس:واعترف ايضا بانه طلب من ابنته التشهد قبل ان ينحرها

وقد نحرها اولا من رقبتها فنزفت دما وهي تصرخ «يبا لحق علي»، لكنه تركها واستل السكين غير الحادة مجددا ثم اكمل نحرها! وسط ذهول اشقائها الاربعة الذين دعاهم «الوالد» الى مشاهدة الجريمة

اقتباس:ان القاتل موظف في وزارة الاوقاف وهو من جماعة «التكفير والهجرة»، وسبق ان سجن في السعودية عاما ونصف العام بسبب اعتناقه افكارا تكفيرية

.

قيد ابنته بحبل وقال لها

اقتباس:«تشهدي»

ثم نحرها على مرحلتين لأن السكين غير حادة!

اقتباس:وطلب منها التشهد

واستل سكينا وبدأ بنحرها من الرقبة، حينها صرخت «يبا.. السكين يذبحني.. يبا يذبحني.. رقبتي تعورني»..

اقتباس: فأجابها «تشهدي

».

اقتباس:فتشهدت الطفلة ثانية،

بينما المجرم الذي ذبح ابنته على مرحلتين لان السكين غير حادة كان يستل السكين وابنته تنزف.. ثم نحرها مرة ثانية

، قد بادر رجال الامن بالقول: «هل ماتت؟» فأجابوه بالايجاب.. حينها قال:

اقتباس:«الله يرحمها

.

موش فاهمة أيه الهبل ده ، واهم حاجة تشهدي تشهدي ، متدين بقى وبيكفر الحكام يبقى قتّال قتلة وموش قتلة وبس لأ دي بنته

أنا موش عارفة ليه في ناس بتصدق الهبل دة

فعلا إنها لاتعمى الأبصار وإنما تعمى القلوب التي في الصدور






يُخاطبُني السَّفيهُ بكُلَّ قبحٍ**** فأكرهُ أن أكونَ لهُ مُجيبا
يزيدُ سفَاهةً وأزيدُ حلمــاً**** كعودٍ زادهُ الإحراقُ طِـيبا
الإمام الشافعي

الأخ العزيز / الحكيم الرائى

أهلا بك أخي

لا أنا لست مسلمة العضوة القديمة أنا مسلمة للأبد العضوة الجديدة

بارك الله فيك أخي لكلماتك الثمينة أسأل الله تعالى أن يجنبني وإياك غضبه ، وأن يزقني وإياك جناته """""""""""" ( الفردوس الأعلى )



أخي العزيز / أبو عمار

وفيك بارك الله أخي ، أشكر لك مرورك الكريم





الزميل العزيز / الحق يحرركم

أشكر لك مرورك وبارك الله فيك لتوضيح اللبس

الحمدلله رب العالمين أن قلوب المسلمات تتشابه وتتآلف على حب الله تعالى ودينه الذي لا يقبل غيره

الحمد لله الذي جعل لنا لقاء جديد لإكمال قصة صاحبنا الباحث عن الحق والحقيقة ، أسأل الله تعالى لي ولكم ألاّ يضلنا بعد إذ اهتدينا، وأن يسترنا بستره الذي لا يرام فوق الأرض وتحت الأرض ويوم العرض ....... آآآآآآآآآآمين




الحلقة الحادية عشرة(الموقف اتحسن تماما)؟
----------------------------------------
راجعوا الحلقة الأخيرة.. فى آخرها كده حتلاقوا الكلام ده:
انا حبدأ بقى.. حاشوف الكتاب المقدس نفسه وحاسيب لعقلى الحكم ياترى ميين كلام ربنا؟؟ ماتنسسوش انى متجاهل الاعجاز اللغوى فى القرآن لأسباب عادلة وأول حاجة قابلتنى قبل حتى مافتح الكتاب المقدس كانت كالعادة مفاجأة مفاجأة بكل المقاييس حاجة لا كانت على البال ولا على الخاطر فوجئت بان الموضوع كان بسيط ومفاجئ فى نفس الوقت أنا طبعا عشان أبدأ بالترتيب.. فكان لازم أبدأ بالعهد القديم.. بس برده قلت أقرأ فكرة عامة عن الكتاب المقدس بعهديه.. الجديد(الانجيل) والقديم(أسفار ماقبل المسيح) المسيحين بيؤمنوا بحاجه اسمها الكتاب المقدس.. وده مقسومة الى قسمين أساسيين:
1-العهد القديم(التوراه وأسفار ما قبل عيسى صلى الله عليه وسلم) 39 سفر او قسم او كتاب
2-العهد الجديد(الانجيل)27 سفر او قسم او كتابّ يعنى المجموع 66.. ده غير 7 اسفار ممنوعين عند بعض الطوائف المسيحية ماعلينا من الطوائف وعشان افهمكم التقسيمه: احنا عندنا مثلا اجزاء.. وسور.. وآيات هم عندهم اسفار.. واصحاحات.. وأعداد وكل سفر له اسم.. يعنى لما أقول مثلا: متى(12).. يعنى سفر متى(أول سفر فى العهد الجديد) الاصحاح الأول العدد الثانى.. مفهوم؟؟ عشان حنتكلم بالشكل ده كتير بعد كده وطبعا دراستى كده اتحددت فى ديانتين.. اليهوديه والمسيحية.. وبشكل عام المسيحية.. عشان بتحتوى التوراه طبعا فيه ناس بتقولى ياعم ايه المفاجأة لما قريت معلومات عن الكتاب المقدس كاتبينها باديهم هم.. لقيت الحقيقة التاريخية ده مافيش نص أصلى للعهد الجديد!!!!!!!!!!!!!!!!!!!!!!!! اسمعوا
لاحظوا تقاسيم العهد الجديد الأربعة الأساسية
1-انجيل متى 2-انجيل مرقس 3-انجيل لوقا 4-انجيل يوحنا
أما باقى ال 27 سفرا فهى رسائل لتلاميذ عيسى.. وأعمال الرسل أين انجيل عيسى؟؟؟؟؟؟؟!!!!؟؟؟؟؟؟ ده ايه البدايه دي؟؟؟ طب احنا عندنا القرآن بيتم تدوينه من أيام الرسول عليه الصلاة والسلام.. وكان فيه نسخة رئيسية مع أمنا حفصة زوجة الرسول عليه الصلاة والسلام.. ده غير ان كل الصحابة كانو من حفظة القرآن.. ومع ذلك معتمدوش على كده وبس.. كان فيه اجراءات صارمة اتكلمنا عليها واسمعوا الحقيقة التاريخية ده كمان.. وأتحدى حد يقول غير كده بدأت كتابة الأناجيل فى الفترة بين 60م الى 100م.. يعنى بعد من 30 الى 70 سنة من رفع المسيح!!!!!؟ واسمعوا ده كمان أقدم المخطوطات التى عثر عليها والتى تعتبر اللبنة الأولى للعهد الجديد.. تعود لعام 200م!!!؟ يعنى بدأت كتابته بعد 30 سنة من الرفع.. وأقدم حاجة فاضلة بعد 170 سنة من الرفع!!!!!!!؟ وده والله ماهو كلامنا.. ده كلامهم هم وخدوا ده كمان النسخ الأصلية مفقوده.. ولايوجد سوى المخطوطات المذكورة وده كمان انجيل متى لغته الأساسية يرجح انها الآراميه.. وطبعا لاوجود لها.. الموجود هو الترجمات اليونانية لمترجم مجهول كل ده بلسانهم هم والله يعنى المطلوب منى عشان أبقى مسيحي..انى أومن بكتاب اتكتب بعد رفع الى قاله ب متوسط 40سنه ..واتقال بلسان ناس تانيه.. ونصه الأصلى مفقود.. وأقدم مخطوطه موجوده تعود لسنة200م.. وانه مافيهوش حرف ناقص ولا متحرف!!!!!!!!؟ لأ.. ومش كده وبس من هو لوقا الذى كتب أحد الأناجيل الأربعه؟؟.. هو تلميذ بولس.. الذى هو تلميذ لبرنابا.. الذى هو تلميذ لعيسى(وللصدق..الحتة ده قرأتها فى كتب اسلامية..بس مفيش اعتراض عليها من المسيحيين)؟
و من هو مرقس؟؟ هو كاتب انجيل مرقس.. وليس تلميذ لعيسى.. بل تلميذ للحوارى بطرس
طب وبقيت ال 27 سفر بتوع العهد الجديد لالالا.. دول بقى بتوع تلاميذ سيدنا عيسى وتلاميذ تلاميذه كمان.. المفروض ان هم كتبوها بوحى من الله..!!؟ وانا بتساءل؟؟ الله؟؟ طب كل واحد ربنا أوحالوا.. عشان يكتب أنجيل اللى جابوا عيسى.. برده..فين انجيل عيسى؟؟؟؟ هل أنا بشتم؟؟ هل أنا بأقل أدبى؟؟؟ أنا ماباقولش غير الحقائق.. وسايب كل واحد وعقله وأقسم بالله العظيم.. ده كله كلامهم.. غير الحتة اللى أنا أشرت اليها ده كده حتى قبل ما أقرأ ولا كلمه.. وكل ده عن العهد الجديد.. طب والقديم؟؟ لا.. ده بقى مواله موال.. مش بتاع اليهود أساسا؟؟ لازم يكون مواله موال رغم كل ده.. بس برده أنا قلت ايه؟؟.. ماليش دعوة بأى حاجة بتتقآل.. أنا أدخل جوة الكتاب المقدس نفسه.. هو نفسه مش يمكن متى ولا بولس ولا ولا قالوا فعلا كلام صح؟؟ وربنا أوحالهم؟؟ حاحكم ازاى من الكتاب نفسه.. وحبدأ بالترتيب من العهد القديم وأحب أقول لكم.. أن أكبر غلطة وقع فيها المسيحين.. انهم حطوا العهد القديم مع الجديد حانعرف ليه على فكرة. أنا قرأتهم من على الكمبيوتر.. ماهم مغرقين النت.. يعنى عينى باظت أنا بدور على ايه؟؟ فاكرين؟؟ تناقضات.. وغلطات.. وكلام أهبل
طبعا أنا معرفتش أطلع فى القرآن بنفسى.. فشوفت هم مطلعين ايه.. وعندى حصيلة جيدة مما لم أستطع فهمه وقتها من القرآن وطبعا لو معرفتش أطلع بنفسى برده هنا.. حاشوف المسلمين بيقولوا ايه.. بس ماحتاجتش أنا لكده ومش حاخش فيه الحلقة ده عشان حاقول لكم دلوقتى على حاجة مستنينها من زمان..

سورة النورين المزعومة كنت باكلم واحد مسلم على النت.. وقولتلوا على موضوع السور المزعومة ده.. وازاى انا حاسس ان فيها شبه من القرآن.. وازاى أنا خايف ان حتة "سورة من مثله" تكون مش صح أو"انا له لحافظون" تكون مش سليمة ماهى السوره ده بتلعب على الحتة ده وعلى فكرة.. السور المزعومة كتير.. وانا قرأت منهم كتير.. بس كله مفقوس.. ومعلقش فى دماغى غير السوره دي عشان هى أكتر واحده محبوكة فيهم من حيث اللغة (هكذا خيل لى ولكنها طبعا لا محبوكة ولا نيلة) قاللى بحروف كبيرة كأنه بيصرخ فيا "مستحيل مستحيل مستحيل" قلت له ليه
قالى لا هى من مثله ولا نيلة..قلت له ليه؟ قالى لو عندك كراسة نضيفة.. كل ورقها أبيض ومتسطر وكل الأسئلة اللى فيها متجاوبة صح.. والكراسة ده بتاعة تلميذ مجتهد ليك... وناس بيكرهوه كتير قبل كده حولوا يضيفوا ليها ورق من عندهم عشان يثبتوا ان الولد غلط وأعداؤه كتير..وبعدين جالك واحد صاحبه معاه ورقة كده خطها يشبه خط الولد.. بس انت شاكك فيه.. وانت عارف ان اللى جابلك الورقه ده بيكره صاحب الكراسة.. وبعدين تلاقى الورقة بتكسر النظام بتاع الكراسة.. حتصدق ان الورقة ده تبع الكراسة؟؟ قلتلوا لأ... قالى بالتالى تبقى كراسة الولد ماتحرفتش.. والورقة المزعومة مش من مثلها صح؟؟ قلتلوا صح
قاللى وهو نفس الكلام بالظبط.. قلتلوا ازاى؟؟ قالى كلام ماقدرش أقولوا دلوقتى.. عشان كده الحلقة ده طولت قوى.. وأخاف أن حد يشوف طولها يكسل يقراها ماتخافوش أنا كنت أشرت الى حاجات أقولها الحلقة ده.. بس الوقت سرقنى فى جزئية واحده منها.. بتاعة النص الأصلى مفقود أوعوا تزعلوا انتظرونى ..

وادعولى

نشاهد فى الحلقه القادمة:ّ
------------------------
1-من معجزات القرآن
2-من اقوي الاتهامات للقرآن

الحلقة الثانية عشرة(ومزيد من التحسن)؟
--------------------------------------
مش حاطول عليكم..حابدأ علطول حاعيد حتة صغيرة
كنت باكلم واحد مسلم على النت.. وقلتلوا على موضوع السور المزعومة ده.. وازاى انا حاسس ان فيها شبه من القرآن.. وازاى أنا خايف ان حتة "سورة من مثله"تكون مش صح أو "انا له لحافظون" تكون مش سليمة ماهى السوره ده بتلعب على الحتة ده وعلى فكرة.. السور المزعومة كتير.. وانا قرأت منهم كتير.. بس كله مفقوس.. ومعلقش فى دماغى غير السوره ده عشان هى أكتر واحده محبوكة فيهم من حيث اللغة (هكذا خيل لى ولكنها طبعا لا محبوكة ولا نيلة)
قاللى بحروف كبيرة كأنه بيصرخ فيا "مستحيل مستحيل مستحيل" قلت له ليه؟ قالى لا هى من مثله ولا نيلة.. قلت له ليه؟ قالى لو عندك كراسة نضيفة.. كل ورقها أبيض ومتسطر وكل الأسئلة اللى فيها متجاوبة صح.. والكراسة ده بتاعة تلميذ مجتهد ليك. وناس كتير بيكرهوه وقبل كده حاولوا يضيفوا ليها ورق من عندهم عشان يثبتوا ان الولد غلط وأعداؤه كتير.. وبعدين جالك واحد صاحبه معاه ورقة كده خطها يشبه خط الولد.. بس انت شاكك فيه.. وانت عارف ان اللى جابلك الورقه ده بيكره صاحب الكراسة.. وبعدين تلاقى الورقة بتكسر النظام بتاع الكراسة.. حتصدق ان الورقة ده تبع الكراسة؟
قلتلوا لأ قالى بالتالى تبقى كراسة الولد ماتحرفتش.. والورقة المزعومة مش من مثلها صح؟؟ قلتلوا صح قالى وهو نفس الكلام بالظبط.. قلتلوا ازاى؟؟ قالى القرآن ده هو الكراسة النضيفة اللى عايزين يوسخوها.. ويحطونا قدام خيارين:
1-محرف.. 2-ممكن يتكتب زيه قلتله وضح أكتر
قالى : بص.. أنا حتاجاهل حتة انها اساسا اسلوبها متخلف عقليا.. وانا مش عارف ازاى انت بتقول ان اسلوبها فيه شبه من القرآن.. ماشى ياسيدى أنا معاك.. بس هل ده كفايه انها تكون سورة من مثله؟؟؟ انت فاكر القرآن ألفاظ ومعانى وبس؟؟.. أنا معاك أن زمان لما كانت الناس بتحاول تقلد القرآن.. كان بيطلع كلام غريب وعبيط.. ياترى ليه.. مع انهم زمان كانوا سادة اللغة العربية؟؟
الاجابة بسيطة.. عشان ربنا عارف ان الناس ده مش فاهمة أى معجزة من معجزات القرآن غير الناحية اللغوية.. اللى هو نزل يتحداهم فيها اساسا.. وبالتالى.. ربنا كان لايمكن يسيب حد يقول كلمتين على بعض فيهم شبه من القرآن(مجرد شبه).. عشان كده الكلام كان عبيط قوى.. زى مثلا (الفيل ما الفيل).. (وياضفدع ياضفدعين).. أكيد عارف الكلام ده بس دلوقتى الموضوع اختلف.. ومعجزات القرآن مش لغوية بس.. دا شفاء(يعنى طبية).. وبيريح الأعصاب(يعنى نفسية).. ده غير المعجزات التنبؤية.. ده طبعا غير المعجزات العلمية.. وكل كل ده كوم.. والاعجاز اللغوى ده كوم تانى.. صح؟؟ قلتله : صح
قاللى طيب ..احنا الأول نضرب النقطة الأولى.. ونقول ان السوره ده مش من القرآن.. وبالتالى.. القرآن مش متحرف.. وجزئية "انا له لحافظون" سليمة يبقى ماقدامهمش غير حتة "فأتوا بسورة من مثله".. هى اللى فاضلة.. وانا اقولك.. عشان تبقى من مثله فى زمن كل يوم بتظهر فيه كل يوم معجزة جديدة.. يبقى لازم يكون باين عليها أى شبهه من المعجزات.. مش شبه القرآن فى الألفاظ وبس (مع انها لا شبهه ولا ليها صلة بيه أساسا) قلتله:ايه علاقة ده بحكاية الكراسة بتاعة الولد؟ قالى: بص ياسيدى.. السورة المزعومة ده وغيرها من السور.. عامله زى الورقة اللى زمايل الولد بتحاول تحطها فى الكراسة بتاعته.. مع انها مش منها عشان بتكسر نظامها وأى سورة حاتتحط فى المصحف زيادة.. حاتكسر الدراسة اللى عملها الدكتور طارق السويدان ده
ذكرت كلمة دنيا 115 مرة ...............وذكرت كلمة آخرة 115 مرة
ذكرت كلمة ملائكة 88مرة................ذكرت كلمة شياطين 88مرة
كلمة الناس50 مرة ..............................كلمة الانبياء 50مرة
كلمة صلاح50مرة .............................كلمة فساد50مرة
كلمة ابليس11مرة ................كلمة الاستعاذة من ابليس11مرة
كلمة مسلمين 41مرة...............................كلمة جهاد 41مرة
كلمة زكاة 32مرة...................................كلمة بركة32مرة
كلمة رجل24مرة........................................كل مة امرأة24مرة
الصلاة خمس مرات في القران والفروض اليومية 5 ...
.ذكرت الشهور 12 مرة في القران والسنة12 شهر...
ذكر اليوم 365 مرة في القران وعدد ايام السنة 365 يوم.
ذكرت كلمت كلمة بحر في القران 32 مرة.
.ذكرت كلمة ارض في القران13 مرة
نسبة عدد ذكر الكلمات بالنسبة الى مجموع ذكر عدد كلمتي بحر او ارض:32/(32+13)*100=71.111
نسبة ذكر كلمة ارض بالنسبة لكلمة بحر:13/(32+13)*100=28.888
النسب الفعلية لنسبة مسطح البحر واليابسة للسطح الاجمالي لمسطح كوكب الارض الذي نعيش فيه من معجزات القرآن...

طبعا أنا صدمت...


الراجل حللى المشكلة بطريقة فى منتهى البساطة انتوا عارفين ان لو فرضنا ان القرآن اتشال منه سور زى ما أعداء الاسلام بيقولوا.. وبعد ماتتشال منه السور.. نفاجأ بالاعجاز العددى ده معناه ايه؟؟

معناه ان اللى حرّفوا القرآن.. وشالوا منه السور والآيات اللى هم بيفتروها علينا دول عباقرة!!!! عباقرة أكثر من سيدنا محمد نفسه اللى قال الكلام عشان يخلوا القرآن فيه هذا الاعجاز فى الميزان الكلامى.. وطبعا معاذ الله وبما ان لايمكن ان يكون سيدنا محمد أو أى حد تانى يفضل يحسب الكلام اللى حايقوله فى كتاب ضخم بحيث انه يطلع الاعجاز ده.. يبقى ده كلام ربنا بدون شك
لازم اللى قال الكلام ده.. يكون عارف.. ومافيش حد عنده علم أكتر من ربنا سبحانه وتعالى.. مش كده ولا ايه؟؟

وطبعا مع أول بصه على السورة..لقيت الآيتين دول
1-آمنوا بالنورين أنزلناهما يتلوان عليكم آياتى ويحذرانكم عذاب يوم عظيم
2-ان عليا لمن المتقين..وانا لنوفينه حقه يوم الدين..وما نحن عن ظلمه بغافلين..وكرمناه على أهلك أجمعين

وطبعا تلاحظوا ان كلمة "يوم" موجودة فى كل آية مره..يعنى العدد يكون 367..وده يكسر المعجزة
طب ياترى ايه الأقرب للتصديق؟؟. ان المعجزة تفضل ماشيه مع باقى المعجزات المذكورة؟؟ولا تتكسر لسبب مشكوك فيه؟؟ أنا حاسبلكم الجواب.. بس أنا طبعا صدقت ان السورة مزعومة ولاشك وأخيرا وبعد طول غياب.. ضحكت من قلبى الموقف كده اتحسن تماما وعايز أنبهكم لحاجة.. لو عملوا أى حاجة بحيث انهم مايكسروش الاعجاز ده.. أكيد حنكتشف حاجة تانيه يكسروها.. القرآن أكتر حاجة متوازنة فى الدنيا ده
ودلوقتى جه وقت انى أقرأ السورة المزعومه ده تانى ياععععععع ايه القرف ده
ولا تشبه القرآن ولا فيها من ريحته.. وساعتها حسيت ان الفيل ما الفيل أحسن منها!!!!!!!
آه والله.. كل ما ايمانك يزيد.. كل لما تاخد بالك من العكّ.. طب مانا كنت كويس.. ليه دخلت عليا فى الأول؟؟..
الله أعلم..يمكن عشان أمر بالتجربة ده.. وأحكيهالكم.. فناس تستفيد منها.. الله أعلم وأى سورة دلوقتى مزعومة لما تقع قدامى.. أفقسها في ساعتها.. بيبان عليها..
عارفين ليه؟؟ عشان مش شبه القرآن.. يعنى مش من مثله وصدق الله العظيم حين تحداهم وقال "فليأتوا بسورة من مثله" وحين قال "انا نحن نزلنا الذكر..وانا له لحافظون"
وساعتها ابتدت سذاجة السور المزعومة تبان.. عشان يبان الغرض من وضعها يعنى مثلا
السوره اللى بنتكلم عليها ده.. المفروض ان الشيعه بيؤمنوا بيها عشان موضوع سيدنا على.. طب بصه كده للآية دي: ان عليا لمن المتقين.. وانا لنوفينه حقه يوم الدين.. وما نحن عن ظلمه بغافلين.. وكرمناه على أهلك أجمعين.................. الخطاب موجه لمين؟؟
لسيدنا محمد طبعا عشان بيقللوا "وكرمناه على أهلك أجمعين".. مش كده طب حد يعرف ايه الظلم اللى تعرضلوا سيدنا على "وما نحن عن ظلمه بغافلين" ومخلّى الشيعة زعلانين من السنّيين؟؟

ان بعد وفاة الرسول.. الخلافة راحت لأبوبكر,, ثم عمر,, ثم عثمان (رضى الله عنهم جميعا).. رغم ان سيدنا على كان من آل البيت.. وناس كتير كانت شايفة انه أحق واحد بالخلافة.. وده سبب كره كثير من طوائف الشيعه لأبي بكر وعمر

يعنى السبب أو الظلم كان بعد الرسول مايموت.. مش قبليها حد لقطها؟؟ حد خد بالو؟؟

أنا بحترم ذكاءكم..

واللى خد بالو يقول يارب أكون قدرت أوصللكم الجزئيه ده.. هى صعبه شويه..بس برده سهله

وده بقى معاد فتح التوراه(العهد القديم)
عشان أبص فيه أنا كنت عادل كفايه.. وكان لازم أدى لكل حاجة حقها.. مين عارف.. مش يمكن بعد ده كله.. برده تكون الكتب ده ماتحرفتش واحنا على باطل؟؟ (معاذ الله)؟؟
حاشوف بنفسى.. وأنا كنت واثق من حاجة.. ان طالما ربنا عايزنا نعبده.. يبقى لازم يسهل الطريق علينا لما نيجى ندور عليه يعنى
1-لو القرآن مش صح؟؟يبقى بعقلى المتواضع ممكن أطلع فيه غلطات أو تناقضات أو كلام أهبل وملقيش رد عليه
2-ولو الكتب التانيه مش صح.. يبقى بعقلى المتواضع ممكن أطلع فيه غلطات أو تناقضات أو كلام أهبل وملقيش رد عليه
يعنى انشاء الله الموضوع والحق يظهر فى الفترة الجايه
وكان فى الفترة ده معايا كثير من الإتهامات للقرآن.. جمعتها من كتابتهم.. وماكنتش عارف أرد عليها.. بس واحدة واحده.. كنت بلاقى اجابات مقنعة.. من الشعراوى أو عمرو خالد أو ناس كتير قوى قوى
وانشاء الله فى الآخر خالص.. حاخصص حلقة أو أكثر عشان أديلكم أمثلة من الاتهامات ده والرد عليها

وده مثال" وَهُوَ الَّذِي فِي السَّمَاء إِلَهٌ وَفِي الْأَرْضِ إِلَهٌ وَهُوَ الْحَكِيمُ الْعَلِيمُ {84 الزخرف.

كان الاتهام منهم ايه؟؟ فى اللغة العربيه.. لما تقول "قابلت الضيف..وأكرمت الضيف" تعرف ان الضيف واحد.. لكن اما تقول"قابلت ضيفا.. وأكرمت ضيفا" تعرف ان الضيف ده غير الضيف ده.. طب ازاى القرآن يقول "وَهُوَ الَّذِي فِي السَّمَاء إِلَهٌ وَفِي الْأَرْضِ إِلَه"؟؟؟ مش ده معناه انهم الهين؟؟ وبعترافكم؟؟ وبكده تكونوا بتقولوا نفس كلام المسيحين؟ يسوع هو الله فى الصورة البشرية؟؟يعنى اله فى الأرض؟؟
ده كان الاتهام.. وعلى فكرة.. ده من أقوى الاتهامات.. بس الشعراوى بقى الله يرحمه.. لحقنى فيها حبقى أقولكم عليها وعلى غيرها بعدين
ادعولى

لا اله الا الله
نشاهد فى الحلقه القادمة:
------------------------
1-ايه ده؟؟ايه الأنوار ده كلها
2-وَرَأَى الرَّبُّ أَنَّ شَرَّ الإِنْسَانِ قَدْ كَثُرَ فِي الأَرْضِ، وَأَنَّ كُلَّ تَصَوُّرِ فِكْرِ قَلْبِهِ يَتَّسِمُ دَائِماً بِالإِثْمِ، 6فَمَلأَ قَلبَهُ الأَسَفُ وَالْحُزْنُ لأَنَّهُ خَلَقَ الإِنْسَانَ تكوين(65)!!!!!!!!!!
3-ياه..أخيرا عرفت موضوع السفينة

الأخت والزميلة "مسلمة للأبد" تحية طيبة لك وسلام (f)

بعد مداخلتك الأخيرة (أعنى الحوارية وليست مداخلات القصة)، أيقنت تماماً أنك لستِ الزميلة "مسلمة" القديمة..
سيان كان المسمى.. وشتان كان الأسلوب..
على فكرة، اسمها كان بالحروف الإنجليزية muslimah
إضغطى هنا لو تكرمتِ :
http://forum.nadyelfikr.net/member.php?act...member=muslimah

لذا، فلا يوجد أى خطأ تقنى فى التسجيل، فلا يوجد "مسلمة للأبد" سواك

اقتباس:شئ عجيب وغريب منكم ، بل ويثير الشبه والتساؤلات ؟؟؟؟؟؟؟

أيه السبب إن كل النصارى اللي إعطو رأيهم بنفس القصة تشابهت آراؤهم .........

ليس المسيحيين وحدهم، بل لادينيين أيضاً..
ولابد أن هناك مسلمين أيضاً ينظرون بنفس النظرة، لكن لم يتصادف ذلك فى الآراء..

عموماً، الحكم ليس لأحد منا.. فهو دائما للقارئ..

هناك بالفعل أزمة ثقة.. من يقول بغير هذا فهو واهم..
هناك قواعد إسلامية تحكمك.. منها (لا تكذبوهم ولا تصدّقوهم)
وبالتالى، فأنتِ لا تستطيعين الثقة بى..

بالنسبة لى، هناك أمور أعلمها عن عقيدة المسلم تجعله غير ذى ثقة بالنسبة لى إن آمن بها..
أعنى هنا، الرخص الثلاث للكذب، والتى يؤمن مسلمون كثيرون بأنهم فى حالة "حرب" مع الكفار (أنا وغيرى) وبالتالى يمكنه إستخدام هذه الرخصة..
ناهيك عن موضوع "التقية الإسلامية"
وأشياء أخرى لا داعى لذكرها، وليست من ضمن مجالنا..

فقط أقول، لى - فى أرض الواقع وبعيد عن الانترنت - أصدقاء مسلمين كثيرين، هم لى أخوتى التى لم تنجبهم أمى، وأثق فيهم ثقة شبه عمياء..
لكن هذه الثقة، نتجت عن تعامل بيننا.. ظهر فيه أن الدين لله والوطن للجميع + حسن أخلاقهم عموماً..

الثقة لا تأت من فراغ.. ولا تزول من فراغ..
لكن البدايات، بها أزمة ثقة فعلا.. (خاصة مع تشابه الأسماء :D )

ثم بعيد عن موضوع الثقة..
هناك أمر إسمه "التبيّن"..
وكما تعلمين.. فالمؤمن كيّس، فطن..

اقتباس:أم أن هناك أمرا آخر وهو الأرجح عندي : أن كل منكم يعلم في قرارة نفسه علم اليقين أن من يعتنق هذا الدين ( أقصد الإسلامي ) مستحيل ذبذبة عقيدته ، هذا بالتالي يجعل أمام شخصيات ادّعت إنهم كانوا مسلمين ثم غيروا ديانتهم ، هذا يجعل أمامهم علامة استفهام كبيرة جدا ، حيث أن إصراركم على إنها قصة مختلقة أو ملفقة يدل على تلفيقكم أنتم للشبيه بالحدث ، وكلنا يعلم أن اللص دائما يشك بغيره ويتهم غيره بعدم الأمانة .

خرجت من فخ "أزمة الثقة" لتسقطين فى فخ "نظرية المؤامرة"..
فرضية أن من يعتنق الإسلام مستحيل ذبذبة عقيدته، هى فرضية خطأ..
لماذا هو مستحيل؟
إدينى أماره للفتونة دى :)

ببساطة يا عزيزتى، أى إنسان (مسلم، مسيحى، يهودى، بوذى، لادينى) يمكن التحوّل فى قناعاته (عقيدته) لعدة أسباب، مجملها أن الإنسان يسعى دائماً لما يراه أفضل..
بدون شك، لا يوجد إيمان إلا الإيمان الوراثى..
الإنسان الذى يظن أنه إمتلك الحقيقة الكاملة وما سواها باطل، هو شخص مغرور..

اقتباس:والمبرر الذي أرفقته حضرتك لتبرير شكوكك ليس مقنع إطلاقا ، تعرف ليه ؟

لنفس السبب الذي جعلني لم أكتب قصتي أنا واستعضت عنها بقصة غيري ، لأنني لو كتبت قصتي أنا فلن يكفين عام لإرفاقها على حلقات طبعا ، لكثرة الحوادث والصدمات والمفاجاءات التي أُرغمت على مواجهتها، وطبعا شئ طبيعي بالنسبة لكم ، حتى لو حدث هذا وكتبت قصتي ، ثم تطوع أحدهم بإرفاقها في منتدى ما ، فسيُهاجم من الزملاء النصارى ويُتهم في قصته بأنها ملفقة أيضا

عزيزتى، أنا لم أقدم تبريراً لرفض القصة..
أنا قلت أنها "مصنوعة" ..
هذه القصة يا عزيزتى - كما ذكرتِ - تشابهت مع قصتك..
وتتشابه مع قصتى..
وتتشابه مع قصة أى ممن يخوض حوارات الأديان لفترة..
وتتشابه مع قصة أى ممن يعمل عقله لبرهة..

الشك، كوسيلة للإيمان.. هو منطق قديم..
وقصة قديمة..

ما أستنكره هنا، هو الصياغة.. "الصنعة"..
فأنا جيد فى قراءة ما بين السطور..
فلكل حوار فى الدنيا، هدف..
الحوار بالأساس هو وسيلة لنقل الأفكار..
فما الهدف الذى أراده صاحب القصة؟
هل عرض قصة حياته؟
كلا طبعاً، فكما قلنا هى قصة ملايين، أنا وأنت منهم..
بل حشد ما تسمينه "شبهات حول الإسلام" والردود عليها فى إطار قصصى جذاب..
إنها الصياغة..
لم أجد أحداثاً للبطل "عبد الله" مثل من قابله فى شارع كذا، وحوار فى غرفة كذا مع فلان الذى تقابلنا سوياً فى أوتوبيس كذا..
(هذه الأحداث هى التى عن طريقها يمكن التأكد/الطعن فى مصداقية القصة)
لم أجد سوى شبهات وردود..
إنها الصنعة..
القصة هنا مجرد أداه جيدة لجذب القارئ للنهاية..
لا أدرى ما المشكلة فى أن أقول "قصة مصنوعة" ؟

الصناعة فن يا عزيزتى..
أمير الشعراء "أحمد شوقى" شعره شعر غلبت فيه الصنعة على العاطفة..
إنه نوع من التمكن من الأدوات.. لا أدرى ما الذى ضايقك؟
هل لأن الصنعة تتنافى مع الأحداث الواقعية؟
عفواً، وهل من مبرر تصديقى واحد للقصة إذ لم تكن بها أحداث؟

هذه القصة معلّقة، لا يمكن إثباتها، لا يمكن نفيها..

بعكس قصتك أنت.. فأنت تملكين - إن صدقت - أسماء القساوسة المسيحيين والرابيين اليهود (كبار رجال أديانهم) وأماكن الوصول لهم وكنائسهم ومعابدهم.. ويستطيع الغير مصدّق ان يتبين بسهولة..

فلا تقولى ان هذا ما يمنعك من كتابة قصتك.. فالأمر مختلف..

على فكرة، أنا لا أهدف بذلك لتقصين قصتك.. هذه حرية شخصية..

اقتباس:ديننا بفضل الله قوي بذاته ومستغنِ عن الدعاية، فنحن لايهمنا جذب مسلمين جدد ،بقدر ما يهمنا تنقية وتصفية عقيدتنا، لأن إسلامنا غني عن مسلمين بالوراثة مجرد أسماء والعقيدة مشوشة، فلسنا في حاجة لا للدعاية ولا لخطف الأبرياء وإجبارهم على الدخول في الإسلام ، كما ينشر أقباط أمريكا ومصر والمهزلة التي أثاروها وانتهت بفضح كذبهم و كشف تدليسهم ، وتبين للمنصف العاقل بغض النظر عن ديانته ، تبين أي من أصحاب الديانتين الذي يكره الناس بالقوة على اتباع مذهبه فالواجب أن الإنسان السوي يقول الحق ولو على نفسه، هذا إن كان إنسانا وكان سويا.

بما أن هذا هدف الكاتب، وهدفك من النقل..
فعذراً لجفاف سؤالى.. طيب وأنا مالى؟ :?:
شخص هدفه تنقية عقيدته وتصفية شوائبها، يأتى ليقص القصص فى ساحة أديان؟ :?:
منطق غريب يا عزيزتى، ولا يدعوك أبداً للنظر فى عقائد المغاير أو التعرض لها فى قصتك..

بالمناسبة، الإجبار على دخول الإسلام ثابت من كتب الإسلام..
من أقوال الرسول..
من القرآن..
من المقريزى..
من ابن الحكم..
من الجبرتي..
من البلازي..
من الطبري..
من ابن خلدون..
من السيوطي..


بعد موضوع "العنزة التى طارت" .. ختمت بالفقرة التالية:

اقتباس:شاكرة لك سعة صدرك على إتمام القراءة لنهايتها ، وياليت ياأخي نتفق .

أرى أننا متفقان مبدئياً على الإحترام.. هذا أمر حسن..
كوننا نختلف فى الرؤية، فالخلاف لا يفسد للود قضية..
فكما يضع أحد الزملاء الأفاضل توقيعه..
"إختلافنا.. هو ثروتنا.."


أهاا.. على هامش الموضوع..
يمكنك التبليغ عن المشاركات "اللى لابسها عفريت :D " وسيقوم الزملاء فى الإشراف بحذفها..
خاصية "بلغ عن هذه المشاركة" تجدينها أسفل كل مداخلة جهة اليسار..

كما - لو كنت تفضلين - يمكن إجراء التعليقات حول القصة فى شريط مستقل، مع فصل كل المداخلات الحوارية التى سبقت والتى ستأتى بالشريط الجديد.. أعتقد أن هذا أفضل لإنسيابية القصة..
كما أن التعليق على التعليقات الحوارية، سيعيق عن إستكمالك للحلقات القادمة، وانا - وغيرى - يريد منك المتابعة والإستمرار.
أعتقد ان تقسيم الأمر لشريطين، أحدهما القصة، والآخر هو التعليقات الحوارية الناجمة عنها.. لهو أمر أكثر تنظيما للجميع

تحياتى وتقديرى

اقتباس:  مسلمة للأبد   كتب/كتبت  
 
لا أنا لست مسلمة العضوة القديمة أنا مسلمة للأبد العضوة الجديدة

خلاص يا أختاه : أنا مسلمة للأبد القديمة
وأنت مسلمة للأبد الجديدة

يَنفــع :?:

الرجاء أن ترسلي لي على البريد موضوعك هذا بعد أن تكمليه

ولك ألف (f)

وسلام الله عليك

مسلمة والله العظيم لك وحشة افتقدناكى خيتاه فينك من زمان ماتحرمينا من طلتك(f)

الزميلة الفاضلة / مسلمة للأبد
تحياتي



عذرا لمقاطعة قصتك فلي مداخلة صغيرة


كتبت
( ذكر اليوم 365 مرة في القران وعدد ايام السنة 365 يوم )

ثم كتبت
( الراجل حللى المشكلة بطريقة فى منتهى البساطة انتوا عارفين ان لو فرضنا ان القرآن اتشال منه سور زى ما أعداء الاسلام بيقولوا.. وبعد ماتتشال منه السور.. نفاجأ بالاعجاز العددى ده معناه ايه؟؟

معناه ان اللى حرّفوا القرآن.. وشالوا منه السور والآيات اللى هم بيفتروها علينا دول عباقرة!!!! عباقرة أكثر من سيدنا محمد نفسه اللى قال الكلام عشان يخلوا القرآن فيه هذا الاعجاز فى الميزان الكلامى.. وطبعا معاذ الله وبما ان لايمكن ان يكون سيدنا محمد أو أى حد تانى يفضل يحسب الكلام اللى حايقوله فى كتاب ضخم بحيث انه يطلع الاعجاز ده.. يبقى ده كلام ربنا بدون شك
لازم اللى قال الكلام ده.. يكون عارف.. ومافيش حد عنده علم أكتر من ربنا سبحانه وتعالى.. مش كده ولا ايه؟؟

وطبعا مع أول بصه على السورة..لقيت الآيتين دول
1-آمنوا بالنورين أنزلناهما يتلوان عليكم آياتى ويحذرانكم عذاب يوم عظيم
2-ان عليا لمن المتقين..وانا لنوفينه حقه يوم الدين..وما نحن عن ظلمه بغافلين..وكرمناه على أهلك أجمعين
وطبعا تلاحظوا ان كلمة "يوم" موجودة فى كل آية مره..يعنى العدد يكون 367..وده يكسر المعجز )




هناك ملاحظة علي هذا الكلام
هناك التقويم الشمسي والتقويم القمري
وتختلف عدة الأيام في السنة حسب كل تقويم منها
ومعني أنك تحسبين عدد أيام السنة 365 يوما فإنك تعتمدين التقويم الشمسي
ولكن القرآن يقول

( إِنَّ عِدَّةَ الشُّهُورِ عِندَ اللّهِ اثْنَا عَشَرَ
شَهْرًا فِي كِتَابِ اللّهِ يَوْمَ خَلَقَ السَّمَاوَات وَالأَرْضَ
مِنْهَا أَرْبَعَةٌ حُرُمٌ ذَلِكَ الدِّينُ الْقَيِّمُ فَلاَ تَظْلِمُواْ فِيهِنَّ
أَنفُسَكُمْ وَقَاتِلُواْ الْمُشْرِكِينَ كَآفَّةً كَمَا
يُقَاتِلُونَكُمْ كَآفَّةً وَاعْلَمُواْ أَنَّ اللّهَ مَعَ الْمُتَّقِينَ) سورة التوبة 36

إذن القرآن يعتمد التقويم القمري وليس الشمسي لأنه يقول ( منها أربعة حرم )
ولا يوجد شهور حرم في التقويم الشمسي
وعدد أيام السنة القمرية يقل عن عدد أيام السنة الشمسية كما تعلمين
فما هو الحل ؟
هل يظل هذا الإعجاز العددي صحيحا

تحياتي

كوكو